[صياف]

اقتباس من مشاركة راشد الراشد انت تال الزمن صاير ياصياف عـلا=صاحبك كان زل بـ كلمته لا تلومه والله اني رفيع المستوا ومتعلا=حر والحر ما دلوه على دلـو بومه

صح اللسانك وبيض الله وجهك حقيقة اني كنت قاسي معك نوعا من خلال مجريات اللعب ولكن انت اثبت انك شاعر

شهاده لك مني بانك شاعر قادم

ولكن ودي تاخذ نصيحة وهو انك تحافظ على مستواك وتنتبه من شعر المحاورة النبطي وتصبح على خير انت والصفوف والمتابعين

[قسورة الغاب]

صياف

بعد مارح نص الليل وادبر وولا = ياسلامي عليكم والشروط معلومه
قالو ان السحاب الي تكوم تجلا = ميرأنا اشوف وقعه لو تجلت غيومه

الراشد

مرحبا في محل اللي يشرف محلا=والمواقيف ياراع الذلول محسومه
لد عينك وشوف الي نظيف(ن)سجلا=والعلوم معروفه والبلاد محكومه

صياف

البقا فيك يلي في رحب وهلا = يوم جيته اله عاني طامعاً في علومه
كل طيرا بجناحه للخضبرا تعلا = وانت ياطير يلي بين لليله ويومه

الراشد

انت لو ينعقد عقد الحبل ماتـحلا=والقمر مانجهل والليل تبقى نجومه
شفت صورتك يا صياف وسط المجلا=ومن تحلم بخير الله يحقق حلومه

صياف

انت ودك تغني زين والا تغلا = الصباحي نعرفه لو يغير هدومه
مدرستكم فرشتوها حريرا وزلا = والمصيبه من اكتاب الحيكم امعدومه

الراشد

كل علم(ن)نميز بين دقه وجـلا=وانت قاضي ولكن ليه نفسك ظلومه
انشد الوالي اللي في بلادك تـولا=عن علوم الجمل واللي مايعرف وسومه

صياف

طالع اجيوب ثوبك كيف ماني تملا = ماقضى الى الضعيف الي مايقضي لزومه
انت تعزف من اللحون الغرام اوتسلا = ماشيا بالاثر مير الخشوم مخرومه

الراشد

انت تال الزمن صاير ياصياف عـلا=صاحبك كان زل بـ كلمته لا تلومه
والله اني رفيع المستوا ومتعلا=حر والحر ما دلوه على دلـو بومه

[راشد الراشد]

بيض الله وجهك

وشهادتك شرف لي ووسام

انت صياف شاعر الخليج

وصح الله السانك

وبدنك

وتلقى الخير

وشكر

[االبواردي]

بيض الله وجيهكم على الطاروق الجميل

[ذيب الهجاد]

صح السان الشعااار..

ابدعتم...لاهنتم