[قسورة الغاب]

ناصر

سلام الله سلامٍ هيبته تفرض على الشعار=نزيهٍ هيبته ترجع لهيبة من تبدى فيه
انا الشاعر وانا العارف وانا الصارم وانا البيطار=وانا اللي حاضره بالمرجله يشهد على ماضيه

زعيم الشواعير

الا يامرحبا ترحيب ماينقص به المقدار = مجمل باللقا واللي بدا تسليمته يرضيه

ولد عمي يشرفني ليا من نافس التجار = ابيع الناس لاجل اكسب رضاه وبالجزيل اشريه

ناصر

عليه بالحرام انه صحيح ان الزمن دوار=تزعم فيه مسطولٍ قصيره بالصعاب يديه
عساك تشرف وتحمي مقافك بالفخر والكار=وابن عمك بعد هالقاف تذكر مجده وخافيه

زعيم الشواعير

لاتحسد من عطاه الله وقدامه تشب النار = ولكن سر على نهج النبي للخير ياباغيه

تخيرنا طريق الطيب وانته وش تبى تختار = تمد ريال تلقى ريال تبغىجنيه فيه جنيه

ناصر

]

عسى من يحسدك يبقى معيره في فم العيار=تشيل الحمل لاكن من قساوة ثقله توطيه

تبى العلم الحقيق والمؤكد والطوال قصار=بليت النفس بسمٍ مايعنالك وانت ماتعنيه

زعيم الشواعير


صحيح انك سواة الريش لوينفخ شويه طار = وعقلك عقب برمج بالخطا مايقبل التنبيه

هذا علمك سمعته ويش عندك بعدها ياجار = ترى بيت المعزه شرهته ترجع على بانيه







ناصر

زعيم الشعر مطيورٍ تعرض للهبوب وطار=لوانه من قبل هذي مخيم في فياض التيه
مدام انك صغير السن لاتقرب يدك والحار=لو انك خصم قدام ابن مظبر فيه مايكفيه

زعيم الشواعير

جماك اصبح بليا احساس لويندق بالمسمار = يصب الدم في وجه الجما وانته تبى تخفيه

عزاي انك تطاول للسما ماتلحق الطيار = جداك الدمع ياناصر ليازان المساء تبكيه

الله الله

صح اللسانك ياناصر المضيبري

وصح اللسانك يازعيم الشواعير وبيض الله وجيكم

علي هذا الطاروووق الكايف

ولاهنتم



عاشووالشعار والصفووف

[السيف القاطع]

اقتباس من مشاركة عايض ابن جوهر كانت فكرة المحاوره مبعده قبل بدايت الحفل لضيق الوقت وكثر شعار النظم من القبله وخارجها

الشكرك يا الشاعر الكبير عايض ابن جوهر وتمنا ان التشرفنا با حد محافلنا با المدينه المنوره

[ابوتوتو]

انتهت المحاورة
والفوز من نصيب ناصر المضيبري والحق يقال

حيث كان الزعيم منزعج بعض الشي مما ادى الى عدم التركيز بالمعنى

واثر عليه التدخلات الخارجية التي اعطته الاندفاع وكان العكس صحيح لصالح الواثق من نفسه ابن مضبر

اباالخيل تسرع بالحكم وهو معذور بسب فهمه للاسم وبعدين يركز ويخلي التسرع عنه

صحت اللسنتهم جميعاً
وونسونا بصراحة رغم قصر القاف
ومشكور قسورة الغاب على التنسيق والتشجيع
ومشكور يالسيف على تنبيه ابالخيل لأعتذاره بوقتها
هكذا يكون التعاووووون
وسامحوني انا على لقافتي

[عايض ابن جوهر]

القسوره مساء الخير وش اخباركم ولايهون اخواني المتواجدين

[قسورة الغاب]

اقتباس من مشاركة عايض ابن جوهر مساء الخير للجميع وشعار مبدعين الله يعطيهم العافيه

مسا النوور والسروور

ارحب يابن جووهر عاش من شافك

اخبارك يالعقيد واخبار الربع

منووور

[زعيم الشواعير]

اقتباس من مشاركة ابوتوتو انتهت المحاورة والفوز من نصيب ناصر المضيبري والحق يقال حيث كان الزعيم منزعج بعض الشي مما ادى الى عدم التركيز بالمعنى واثر عليه التدخلات الخارجية التي اعطته الاندفاع وكان العكس صحيح لصالح الواثق من نفسه ابن مضبر اباالخيل تسرع بالحكم وهو معذور بسب فهمه للاسم وبعدين يركز ويخلي التسرع عنه صحت اللسنتهم جميعاً وونسونا بصراحة رغم قصر القاف ومشكور قسورة الغاب على التنسيق والتشجيع ومشكور يالسيف على تنبيه انالخيل لأعتذاره بوقتها هذا يكون التعاووووون وسامحوني انا على لقافتي

كلام كبير وهذه الدنيا يوم لك وعشره عليك هههههههه

[عايض ابن جوهر]

اقتباس من مشاركة قسورة الغاب مسا النوور والسروور ارحب يابن جووهر عاش من شافك اخبارك يالعقيد واخبار الربع منووور

استاذ الربع وخذ اخباري بطاروق والمبداء عندي

[زعيم الشواعير]

اي والله يابن جوهر مسموح خير ماخترت القسوره رايح يكون طاروقكم كايف