[سحايب]

شفتك بعد غيبه .. وحاولت احاكيك
مهوب من قلبي ولا من جراته !!
بغيت اقول / فلان وازريت احاكيك
وكني سمعت اسمي معا لالتفاته
فزيت من نومي وانا اقول لبيييك
وآثرك رويا .. في منامي وجاته
صفقت كف .. وقلت يا حلم يشوويك
جددت لي جرح ٍ هنى في مباته
يا اللي شريت البعد .. ما غاب طاريك
حتى لو ان البعد .. سواا سواته
مهوب محزني .. على حاجةٍ فيك
إلا إن قلبي شايف ٍ بك غناته !!
كن الطيوف تقول وشحال غاليك
وآقول راح .. وما بقى الا غلاته
لو ان ما جاني من الهم ياتيك
كان المصلي ما حفظ وش صلاته
مريت شارعكم .. وصادفني آخيك
واللي قطع كبدي .. حلاتك حلاته
بغيت الخبط من دعاياه ,, وادعيك
واسمك وقف بين اللسان ولهاته !!
وبغيت اجيب العيد وآقول : يرضيك
فاللي وصاتي له .. وضيّع وصاته
البعد شيّب خافق ٍ ميت فيك !!
والى مشى خطوه عثر في عصاته
مشكلتي / إن قلبي يحبك ويغليك
ومشكلتك / انك شخص عايش حياته
كثر الجفا .. نار .. وحطبها تغليييك
خف الحطب .. لا تزيد نار الشماته
إن ما احزنك جرح ٍ برجواه يدعيك
ما عاد تفرق .. عيشته من مماته
قلبي وعمري كلها بين اياديك
العمر فدوه .. لكن القلب هاته !!
وإن ما بغيت ترد قلبي ما اوصيك
احسن عزاه .. الى دريت بوفاته

الموضوع الأصلي: فزيت من نومي وانا اقول لبيييك | | الكاتب: سحايب | | المصدر: شبكة بني عبس

[هــدوء]

قصيده مرره حلووه

يسلمووو دمعه

[صقـــر الشرقيه]

رائعه وأنسجمت مع القصيده كثير

يالبى الذووق والله

ننتظر ماتختاره ذائقتكــ

[سكره]

صح لسااانك
يالبيييه
خطيره
مشكووره قصيده راااقيه
تحياتي لك

[سحايب]

اقتباس من مشاركة دلع الرياض قصيده مرره حلووه يسلمووو دمعه

يعطيك العافيه قلبو على مرورك
لاهنتي

[سحايب]

اقتباس من مشاركة صقـــر الشرقيه رائعه وأنسجمت مع القصيده كثير يالبى الذووق والله ننتظر ماتختاره ذائقتكــ

لبية بمنى صقريعطيك العافيه على مرورك
لاهنت

[سحايب]

اقتباس من مشاركة سكره صح لسااانك يالبيييه خطيره مشكووره قصيده راااقيه تحياتي لك

لبيتي بمنى قلبو مشكوره على مرورك

[احمد منيف]

صفقت كف .. وقلت يا حلم يشوويك جددت لي جرح ٍ هنى في مباته

كن الطيوف تقول وشحال غاليك وآقول راح .. وما بقى الا غلاته

لو ان ما جاني من الهم ياتيك كان المصلي ما حفظ وش صلاته مريت شارعكم .. وصادفني آخيك واللي قطع كبدي .. حلاتك حلاته

مشكلتي / إن قلبي يحبك ويغليك ومشكلتك / انك شخص عايش حياته

كثر الجفا .. نار .. وحطبها تغليييك خف الحطب .. لا تزيد نار الشماته

انششهد انه قادحها من خيال واسسسسع

الله يعطيج العافيه اختي دمعه قمة الذائقه

تستاهل الخمس نجوم