[رسام الغروب]

أبكي وعيني تسهر الليل يـا ريـم
مدري بلاها الشوق والا الظليمـه
ياريم دمع العين مدري على الريم
والا على قلبـن تواكـل صميمـه
تقول لاطمني علـى نونهـا سيـم
أبكي وعندي لأزرق الدمع قيمـه
ويمكن يكون الدمع للعيـن تكريـم
ويمكن يكون إلها عذاب وحريمـه
والله يا لولا دمعتـن كنهـا الديـم
راحت ضلوعي من عذابي حطيمه
ودام البكا يا ريم ما فيـه تحريـم
يا عنك والله لأرخص الدمع شيمه
وابكي على حالي من الوجد وآهيم
لين الزمن يخلـف عليّـه نسيمـه
أبكي حياتن صافيه ما بهـا غيـم
وين المحبـة والقلـوب السليمـه
أبكي قهر وابكي من الغبن والضيم
وابكي من طعونن بقلبـي قديمـه
غدر الزمن خلّى بوجهي مراسيـم
وما يذبح الرجال مثـل الهزيمـه
بعض المصايب شرها ياكل الهيـم
وشلون بكبود الرجـال الكريمـه
وبعض المصايب يخلفن المفاهيـم
تبغى على ما قيل صبر وعزيمـه
مظلوم بالدنيـا وغيـري مظاليـم
من عرض ناسن لبسوهم جريمـه
ما عاد أبي من سود الأيام تعليـم
عقب العذاب اللي كلاني جحيمـه
ولو تصفي الدنيا علـيّ الملازيـم
ما عاد أدور من وراهـاغنيمـه

الموضوع الأصلي: ياريم دمع العين | | الكاتب: رسام الغروب | | المصدر: شبكة بني عبس

[عبدالله معزي]

صح لسانك وعلا شانك
تقبل مروري

[ميلاس]

‎
صح لسآنك ..
‏ ويعطيك العآفيه ع النقل ..

[سحايب]

ولو تصفي الدنيا علـيّ الملازيـم
ما عاد أدور من وراهـاغنيمـه


صح الســـــــــــــــــان شاعرها
وصح ذوقك واختيارك
قصيده رااائعه بروعة حضورك

[رسام الغروب]

ابو ري ميلاس دمعه

شاكرلكم مروركم الجميل وحياكم الله

[لايطول غيابك]

صح لسسسآنك
و
إعتلآأ شششششآنك

[¤ نـبـ الـخـفـوق ـض ¤]

رسام الغروب

تحياتي لك ولجمال ما طرحت

[رسام الغروب]

لايطول غيابك ونبض الخفوق
تحياتي لكم