[مذكر الرشيدي]

جيتك على درب المشاريه واللوم
اطوي مسافات الوله يوم بعتي

في عيني هموم(ن) وفي قلبي هموم
ومدري على الله بينهن وين ضعتي

ياللي غديتي للضما بالي هدوم
وياللي مشيتي للفراق وجزعتي

كنتي بكوم وباقي الخلق في كوم
يالعنبو دارك علامك قطعتي

كان الزمن يابنت حقق لك حلوم
انا الزمان وحلمك اللي بدعتي

وكان الاماني سخر الله لها قوم
عديني مية شخص دامك جمعتي

وكان ارتفعتي لسحايب والغيوم
لولاي عمرك لسما مارتفعتي

ويكفيني إنك لوكبرتي على يوم
من تحت يديني كبيره طلعتي

وماني عقب قطع الرجا فيك ملزوم
المغني الله زين يوم انقلعتي

رجال انا تحكمني اطباع وسلوم
من لابتن يابنت عنها سمعتي

رجال من ناس(ن) كريمين وقروم
كان بغرورك يالغشيمه طمعتي

اموت احسن لي ولا اعيش محروم
مهما على ذيك الحنايا سطعتي

زيزوم انا يابنت .. زيزوم .. زيزوم
وانا اشهد إنك في طريقي خثعتي

وان جت في بالي وحطيت لك زوم
اخضعك لو يوم ماقد خضعتي

ودامك حلفتي ماتردين في يوم
حلفت انا ماكلمك لو رجعتي

ودامك حلفتي تاخذيني من نجوم
حلفت انا لاطفيك مهما لمعتي

ودامك حلفتي تحرميني من النوم
حلفت لو انك دقيقه هجعتي

لاعمي عيوني بالسهر واندفن دوم
واغتال قلب(ن) في عذابه برعتي

وان ماكفاك اللي خذيتيه لليوم
او ماعجبك البارحه ماسمعتي

بعطيك راي وكلمتي مابها سوم
وإنتي على كيفك اذا ماقتنعتي

صومي ثلاث ايام عني وانا اصوم
كل الدهر عن حلفك اللي قطعتي



راقت لي

الموضوع الأصلي: درب المشاريه...,,,,‎ | | الكاتب: مذكر الرشيدي | | المصدر: شبكة بني عبس

[سحايب]

صح الســــــــــــــــــــــــان شاعرها
وصح ذوقك واختيار متميز دائما اختيارك
يعطيك العافيه على مانقلت

[مرآهيش]

لم ترق لك وحدكـ بل رآقت لنآ جميعآ

لآعدمنآكـ

[مذكر الرشيدي]

مرآهيش, دمعه

مشكورين على المرور

[مهره اصيله]

مشكور يامشرفنا العزيز على القصيدة الرائعة

[الجابر]

مشالله صح لسان شاعرها تقبل مروري

[مرزوق العجوني]

صح لساااان شاعرها ولا هنت على النقل

[رسام الغروب]

صح السانك اسمح لي ابدي اعجابي بقلمك وتميزك واسلوبك الراقي وتالقك ويعطيك العافيه مذكر العايضي لاهنت وبيض الله وجهك