[عبيد دعيع القلادي]

احبتي هذه القصيده ليسى لتعميم
ولاكنها لبعض الشباب الذين يستخدمون
الموبايلي للتصالات غير مشروعه
والذين يتصلون بالقنوات الماجنه
(الرجو الصلاح لهم )

يالي شرى لقلبه الجـوال=مفتـوح بارقـام سـريـه
يشري بطاقة سوى مـازال=يرسـل رسائـل غراميـه
دز الرسالـه لهـا محتـال=عبـر القنـاة الفضائـيـه
مكتوب فيها ياكيف الحـال =والحـال ياحلـو مبـريـه
هذاك جاهل مـن الجهـال=لابـس عقـالاً وطاقـيـه
وبالدرس فاشل وفيه اهمال=ماتفيد دروسً خصوصيـه
مغرور في مشيته يختـال=كثرة مشاكلـه فـي حيـه
لعل هـذا عديـم اشكـال=والي قليليـن مـن زيـه
والي تكلـم يبـي فريـال=ومرفت وسوسن وبدريـه
يواصل معاهم مافيه اشكال=مغـروم بالقلـب حنيـه
لو الدقيقه بعشـره ريـال=وعشر دقايـق بعـد ميـه
ليا حـل فاتـوره النقـال=اكثر من الراتـب شويـه
ضيع حياته وضاع المـال=والقلـب لازال فـي غيـه
نصحيـتـي اولا يـاخـال=تتـرك طريـق الحراميـه
وتضرب طريق النبي وبلال=ناسً على الخيـر مهديـه
والي قراء الكف والفنجـال=لاتتصـل فـيـه مولـيـه
ولاتاصل الساحر الدجـال=لو كانـت النفـس مبليـه
وكانك مزوج وفيـه عيـال=وفي داخل البيـت حوريـه
حافظ على مهـره الخيـال=وشلـك تناظـر بنوريـه
وكانك عزوبي عليك بالحال=اخطـب فتـاةً سعـوديـه
موجود فيها ثلاث خصـال=مـن الاحاديـث مـرويـه
جمالها من الولي مايـزال=ماهي مساحيـق مشريـه
هذا طريق النبـي وبـلال=وهـذاك خـط الحراميـه

الموضوع الأصلي: ((الجوال)) | | الكاتب: عبيد دعيع القلادي | | المصدر: شبكة بني عبس

[النقيشى]

صح السانك ياشاعر الشبكة

[مشوح القعبوبي]

ماقصرت ابوفهدكل كلام صحيح

[عيسى محمد]

عبيد القلادي


صح الله السانك ملايين
ابيات جزله ورائعه

[الشبيح 404]

صح لسانك يا شاعر الشبكه
ولا هنت
وتقبل مروري

[عبيد دعيع القلادي]

النقيشى

صح بدنك ياغالي

واشكرً لك على تلقيبي

بشاعر الشبكه وهذا شرفً لي
وهذا ان دل فأنما يدل على حسن اخلاقكم
العاليه وعلى تشجيعكم الشعر والشعراء
وهذا يعطينا دافع للعطاء والتنافس الشريف
الرخو ان اكون عند حسن ظن الجميع

لك كل التقدير ولاًحترام

[عبيد دعيع القلادي]

صح بدنك يامشوح

اسعدني وشرفني مرورك

تقبل تحياتي

[عبيد دعيع القلادي]

عيسى محمد

صح بدنك

اسعدني وشرفني مرورك العذب

تقبل تحياتي