[النمر1012]

بشتري لك نجوم ان كان فيها نجوم
ولا تدرين ؟ لا لا .. بشتري لك قمر
بشتري لك بروق و بشتري لك غيوم
كود يمطر هواك بقلب مابه مطر
جيت لك بالمحبه فوق راسك احوم
قمت المح ولكن ما وصلك الخبر
قمت اسوق القصايد قبل كل ٍ يقوم
قمت ابدّع و ابدّع لجل لفتة نظر
ثم مرت سنه من دون أية علوم
ما وصلني كلام ٍ ينشرح بالصدر
كل يومين افكر و انجرح كل يوم
و الفرح في حياتي مرة ٍ بالشهر
في منامي و ربي اني ازريت انوم
كل ما نمت جاني حلم يكوي الظهر
لعنبو حلم شفته دون كل الحلوم
هاض قلبي كثير و جيت لك منكسر
جيتك الحين ابحكي قصتي عالعموم
من بدايات طق طق لين آخر سطر
جيت اقول الحقيقه جيت افضفض هموم
جيت ابرتاح نومي دون هم و سهر
جيتك اطلبك طلبه مالها باللزوم
كان فكر ضميرك في كلامي و اقر
قولي اني احبك دون كل القروم
و ابشري بالامانه .. تامريني امر
برفعك فوووق فوق الين ذيك النجوم
و بجعلك وسط عيني تطلعين القمر



محمد العجمي - اسير الحرف

الموضوع الأصلي: ولا تدرين ؟ لا لا .. بشتري لك قمر | | الكاتب: النمر1012 | | المصدر: شبكة بني عبس

[مرزوق العجوني]

صح لسااان شاعرها ولا هنت على نقلها لنا

[النمر1012]

الله يسلمك وعافيك يابن عجوين وبيض الله وجهك علي المروررررررررر

[سعد عبدالله]

صح لسااان شاعرها ولا هنت على نقلها لنا يالنمر

[عبدالرحمن هليل]

بشتري لك نجوم ان كان فيها نجوم
ولا تدرين ؟ لا لا .. بشتري لك قمر
بشتري لك بروق و بشتري لك غيوم
كود يمطر هواك بقلب مابه مطر
صح لسانك ياالنمر

[النمر1012]

صح بدكم وعافيكم وسلمكم ومشكوريننننننننننن علي المرورررررررررررررررررررررر