[غازي البراك]

اختار لكم هذي المراسلة بيني وبين الشاعر الكبير علي بن محمد القحطاني
وسبق ان نشرت في مجلة المختلف العدد52 نوفنبر1995 ارجو ان تحوز على رضاكم

ياعلي قلبي قوة الهم هزه=وحطم ضلوعي ياعلي بهتزازه
اشكي عليك الحال يابن المعزة=شكواي للي راقي بعتزازه
للي يعزك واجب انك تعزه=قدام اليعود بدربه جنازه
والله يابن قحطان في كل حزه=عندي تصور خد صفوا القزازه
وليا نضرته هم قلبي يكزه=واقول من باقي حياتي معازه
ام النهود اللي مثل بيض وزه=والعود حلوا باين برتكازه
والعين عين الحر ساعة مفزه=لاهد في جول الحباري وحازه
الزين غالي وابيض الوجه رزه=زين الجمال اللي بعيد عزازه
حلوجميل في حياته منزه=واذا حصل مالي بها لناس عازه

مــرد القحطـاني

حييت ياساس الكرم وانت رمزه=معدن ذهب مهما يطول اكتنازه
شاعر يصيغ البيت ويحل لغزه=شاف الوقت فرصه وحب انتهازه
لوكان غيري بان نقصه وعجزه=والأيجيك البيت واضح نشازه
لكن عط الخباز ياخوي خبزه=حنا هله وخابزينه خبازه
وتعال لسوق الفتيحي وحمزه=نشري ذهب والزين هذا جهازه
واركب على اللي يعجب الزين طرزه=اللي وكيله يفتخر في طرازه
تصبح مع خط السعودي تكزه=لديرة هلك دار الكرم والمفازه
وكان مقصودك من الزين غمزه=وقلبك على تنور مفتوح غازه
فاشرب من التنباك ماضم كرزه=وتونس بمكنون الضماير حزازه
ولافاد بكستان والهند رزه=تجارة اللي ماخذين امتيازه

الموضوع الأصلي: صوت وصدى غازي البراك والشاعر الكبير على محمد القحطاني | | الكاتب: غازي البراك | | المصدر: شبكة بني عبس

[المحترف]

والعين عين الحـر ساعـة مفـزه لاهد في جـول الحبـاري وحـازه
الزين غالي وابيض الوجـه رزه زيـن الجمـال اللـي بعيـد عـزازه
حلوجمـيـل فــي حـيـاتـه مـنــزه واذا حصل مالي بها لناس عازه
--------------------------------------------------------

صح السانك يابن براك وصح السان القحطاني وبيض الله وجيهكم على هالقصيد الي بشرح البال ننتظر جديد ابداعاتك لاتحرمنا منها

[عبدالله عوجان]

صح لسانك اخوي غازي وصح لسان الشاعر القحطاني
تقبل اعجابي وتقديري

[بدر الحشية]

صح لسان الشاعرين ولاهنت على النقل الجميل

[بندر الذيابي]

صح لساااااااااانك ولساااااااااااااااان القحطاني


الف شكر لك علي النقل


تحياتي


بندر

[عبدالعزيز الخياري]

صح لسانك ابويوسف ولسان الشاعر علي القحطاني مساجله رائعه

سجل إعجابي:p :p :p

[غازي البراك]

اقتباس من مشاركة المحترف والعين عين الحـر ساعـة مفـزه لاهد في جـول الحبـاري وحـازه الزين غالي وابيض الوجـه رزه زيـن الجمـال اللـي بعيـد عـزازه حلوجمـيـل فــي حـيـاتـه مـنــزه واذا حصل مالي بها لناس عازه -------------------------------------------------------- صح السانك يابن براك وصح السان القحطاني وبيض الله وجيهكم على هالقصيد الي بشرح البال ننتظر جديد ابداعاتك لاتحرمنا منها

المحترف ان المشاركات ونشر القصايد في المنتديات الهدف منه توصيل القصيده الى من يعرف جودة القصيده مثلك وشرواك لاخلا ولاعدم منك

شاكر مرورك دمت في صحه وعافيه وكل عام وانت بخير ان الله

[ابوصالح]

صح السانك يابويوسف وعتلا شانك
وصح السان علي لقحطاني