ضــع اعــلانك هنا
 |
الملاحظات
|
|
خيارات الموضوع | ابحث بهذا الموضوع |
|
|
((( القصائد المشاركة بمسابقة أفضل عشر قصائد لعام 1430هـ )))
القصائد المشاركة بمسابقة الشعر الشعبي ملاحظة : من لم تنسخ قصيدته يرسل لي رساله خاصة  1- الشاعر : مساعد عواض عشت في دنيا العجب سبعه وعشرين عام .......... مالقيت احداً تريح من التنكيد يوم لوحصلي كم سجه قديمه وانسجام ..........عارفً لذات وقتي تروح ولاتدوم عايشً عيشت نكد بين جمعه وانقسام ..........كن في راسي طيوراً مع اللجه تحوم زحمت الافكار صارت حروب بلا سلام ..........والحقايق واضحه في دفاعي والهجوم اشهد ان الطيب فعله بغير اهله حرام ..........لو تبيه يدوم ساعه ثواني مايدوم بالردي لوتفعل الطيب كله ماستقام ...........مايشره ويتشره على الناس ويزوم يعتزي ويعد نفسه كريم ابن كرام ..........بالرخا يصير مثل القمر وسط النجوم والشدايد وقتها مايشد ابه الحزام ..........لاطلبته شي قامن يضيعن العلوم لاكن اعتبره وفا لاسلمت من الملام ..........هاكذا شكله من الخير مفلس ومحروم لو يكون اهل الكرم من خواله والعمام ..........دايم الاجواد يبلون في فعل الرخوم 2-الشاعر:مفلح جامع النميش وا لله مالي رغبة (ن) بالسفر معـك= ياخـال لاتلـزم علـي المـراحـي ماهو ردابك طيبات (ن) منابعـك = بالمرجلـه كذقلـدوك الوشـاحـي وافي وطيع المثل شرواك وسمعـك = بالطيب وافي مبعديـن المشاحـي زيـزوم قـوم ولاتغيـر طبايعـك = على سلوم اهل الضفر والسلاحـي زحزيح قوم العبس الاحرار مرجعك = اهل الخيول المسرجـه والرماحـي استاذنك ومـع السلامـه اودعـك = لاعـل دربـك يابوخالـد سماحـي قدمت لك عذري عسى العذر يقنعك = ( الضرف( كايد) من حميع النواحي ) سافر وترجع والكريم الولي معـك = يحفظك ربي بالمسـاء والصباحـي لاتنحرج مني عن الـدرب ممنعك = عن ديرة (ن) فيها القطاء له مداحي سافر وانا على السفر من يشجعـك = بس اتصل لاجيت هاك الضواحـي 3- الشاعر:عواض بن بهلان البارحـه ياصاحبـي ساعاتها تحبـي حبـي الثانيـه نفـس الدقيقـه والدقيقـه ساعتـين طول على الليـل والافكـار مدري وش تبـي كنك تقـول مخيـره ومسيره فـي حاجتيـن مابين هيض وغيض اردي ياهجوسي وشربي من هيض ولا غيض والمعنى من الشاعر يبين يبين في فكـر الذكـي ولا الغبـي يبقا غبـي ينجح ذكي يسقط غبي والمدرسه عبر السنيـن ومن ماعرف درس السنين وماعرف وش تطلبي يسقط لان الدرس فيـه الساقطين الناجحيـن والشاعر المبدع يحفظ الدرس غيـب ويكتبـي ان اكترب يكتب جزل ون ارتخى يكتـب سميـن من راسه لطهر الورق يكتب على اللي هو يبـي يصبها فكره ذهـب لان الفكر اصلـه ثميـن مبـدع ولا عنـده مشاكـل شرقي او غربـي مبدع وشعره رشحه مبدع مع اللي مبدعيـن ولا الهزيل اصله هزيـل وبالمدارس يرسبـي ان ابتدا بيته عـوج ون انتهـاه البيـت شيـن افكـاره انـه فاهمـن ومحققن مـا يرغبـي ضايع حسب نفسه مـع اللي باشعرمتسنعيـن الشعر في وصفه اذا قلـت يهبي قلـت يهبـي قلت يهبي قلت يهبـي اربع ولاهـي مرتيـن الشعر فيه اسهوم قـوم وحد سيفـن احدبـي وصهيل خيل وموت ورماحن يسار ومن يميـن وحيان كن الشعر ورد وعطر ريحـه يجذبـي مابين مسك وبين عـود وبين فـل ويسميـن والكير وسط النار ولا المسك في بطـن الضبـي الكير لهل الكيـر ولا المسـك طيـب الطيبيـن العلـم بيـن والمعانـي ليلها تسبـي سبـي البارحـه ليـل وهجـاد وبـرد ياربـي تعيـن احسهـا ياصاحبـي ساعاتها تحبـي حـبـي الثانيـه نفـس الدقيقـه والدقيقه ساعتـيـن 4- الشاعر: شامخ الشامخ غربة الانسان .. مجداف القصيـد سفنها الاحزان .. والشاعر بحـر صدرها القبطان .. وانفاسي عبيـد وشطّها الحرمان .. والميناء الصبـر صوتها الامواج .. واحروفـي جليـد والفضاء المونتاج .. والضيقة صور عمرها المحتاج .. واسنيني رصيـد والجروح التاج .. واحلامـي قصـر طاوي الاشواق .. واحساسي بريـد واروي الاذواق .. من وجهـة نظـر لا رضيت افراق .. ما يرضاك عيـد والحيـاة اوراق .. والفرقـى جمـر وغربة الايـام .. تكتـب مـا تريـد وتحفـر الاقـدام .. دربـي والقبـر وانسف الاعوام .. وابدأ مـن جديـد وتصرخ الاحلام .. كااافي يا بشـر!! لو شربت الليل .. مـا يرجـع فقيـد لو تعيش بويل .. مـا تـرد القـدر لو دموعك سيل .. والنظـرات بيـد ما غمرت سهيل .. لو عمرك سفـر هاجر الاوطـان .. ومسافـر وحيـد واسقي الخلان .. من عمري عمـر ليلي الاغصـان .. وايامـي جريـد وعامي البستان .. واشهوري شجر!! 5- الشاعر: هاني عايض العرعري من هو اللي بحق الثاني اخطا وتاب*؟؟* قل عسى الامر في تاليه خيره واتوب** كل ماتلتفت عيني حداها السراب**وقمت اشوفك تصادفني بكل الدروب** شد حيلك ترى ماعاد للضحك ناب**ولايهمك ترى ما فات شي محسوب** هاك روحن جسدها متجه للتراب**ضاعت انفاسها وانساح من كل صوب** .وش يهم البنادم غير يوم الحساب**من يلومه اليا صكت عليه الذنوب* .والله اعلم وش اللي بين الاضلاع ذاب**.طالبك ياعظيم الشان صلح القلوب** .ياهجوس الليال الموحشه والغياب**.من حضرتي وناري كل ليله شبوب** .صاحبي كل غفله في قفاها العذاب**.ومن تجاهل مصيره مافلح ومغلوب** .كلنا تحت حكم اللي خلق هالدواب**ونلتجي له اليا اشتدت علينا الكروب** وصاحبي والسؤال اللي بليا جواب**ماعرفت الحقيقه لين حل الغروب** 6- الشاعر: أبا الخيل الياطرالـي موقفـاً يـوم الاثنيـن اغيب من يسراه واصحى من ايمنه ماكنه الا حلم يعرض على العيـن همه وحزنه وسط قلبـي مخزنـه امن عليه اشهور وايـام وسنيـن سجناً مؤبد مانوى العفـو ساجنـه اقسى وامر عقوبه ابـلا قوانيـن موتاً عسى ربـي عليـه ايهونـه نزعاته اوسكراته اهون من البيـن لاحي لاميت عـزاء احبتـه عنـه مجنون لا والفـاً اورب المجانيـن اني اشك احيان واحيـان ظامنـه ان الجنون اسبابها وقتنـا الشيـن اللي على الاجواد شانت ضغاينـه شانت معاوينه وبيـس المعاويـن انا ادري انه ماحـداً سالـمً منـه رحماك يالمعبودعيـن الضعيفيـن ياللي تجير من استجارك اوتامنـه اما رحيـل الصبـح ولا مقيميـن والعمر عربونه وصل عند داينـه 7- الشاعر: أمير بكلمتي نركظ على وضح النقا يالهوامير نركظ على وضح النقا يالعفيري نركظ على كف القدر بالمحاذير نركظ على كف القدر بالنذيري نركظ على درب العنى والمقادير نركظ نخالط سهلها والعسيري نركظ ونقطف من زهور النواوير نركظ وسط ديره نفلها عبيري ياحلوها السجه وشوف المغاتير في بر مخلي تو روضه مطيري يرتاح بالي من عناه وتفاكير وارتاح من جو المدن والزميري ياقلب ادله والليالي تصاوير وقلب المعنى في هواها يحيري ياحافي الاقدام قدمك مسامير الدرب يمنى وانت دربك خطيري لا لا تعذر ماتفيد المعاذير خلك على دربك ودربك قصيري اعرف مدى الرجال وقت المسافير اما عطيته وجه و لا تديري شفت البشر يعشق حياة المضاهير وشفت الصدق غايب ويشكي اسيري والحلم غايب والامل بالتباشير والوقت ضايع والليالي تغيري وين الصديق اللي يهز الطوابير طاح الجمل والكل جاب الشطيري اقدع شقى والهم يقبل قناطير والعين تذرف دمعها ياخشيري كل ماتذكر مامضى والمشاوير اضيق واصبر واتعشم بخيري وارجع واقول الله يجزى الدنانير كم ضيعة ناس ن وسوت اميري وكم احرمة جايع وتصنع هوامير وكم نوخت شيخن مضى له هديري متى نشوف اللي نجيهم مسايير واسعد بهم مثل الكفيف البصيري بيدين وحده من فصيل الحميري 8- الشاعر: أخو صلفة شاعر سطر مقاله من هواجيـس ببالـه مامشى درب الجهالة دايم عقلـه دليلـه كم يوم وكم ليله خـال بـراق المخيلـه كل وادي نش سيله مابقى ربـع البيالـه ماتبع درب النذالـه ماتدانيهـم خصالـه دربهم ماله ومالـه علهـم نـار غليلـه ماشكى من يوم ميله ماشي دوم بسبيلـه من تعرض له ياويله عزتالـه عزتالـه الرجل ذكره وفاله كـل واحـد لاطرالـه يمدحه لاجاء مجاله ذاك هو حام الدبيلـه نادر في كل جيله دايـم فعولـه مهيلـه واحد يسوى قبيلة عربـه جـده وخالـه مايخيب من عنى له عنده اغلا من عياله كل حمل عنه شاله حض مضيوم دخيلـه بالكرم مابه مثيله وافـي يانـاس كيلـه دايم بنه وهيله مانقـص عابـي دلالـه جنبوا درب الخماله مايجيه الا الحثالـه وان ورد تقصر حباله مامعه عرف وحيله والردي راع الفشيلة بالقصيرة والطويله ماله فعول جليله ماذكر له يـوم طالـه العلا مايوم ناله مارقى من فـوق جالـه للردى مرخي عقاله كل عيب يحتمي لـه الردي نفسه بخيله بالردى يومي شليلـه ضايع دايم حصيلـه لامحالـه لامحالـه كان جاه السيل شاله حالته ياناس حالـه ماحفظ نفسه وماله مانفع منهو يجي له زيلته ياوي زيله كن جسمه جسم فيلـه وان فتشته ياحليله كالدقاقـة والجلالـه 9- الشاعر: منصور بن صبح ياشينها لاحدك الوقـت شينـاه وخلاك تطلب عون من لايـودك تجيـه ماتعلـم بخافـي نويـاه باالوجه معك وباالخفا النذل ضدك يقنعك بن الـي طلبتـه بتلقـاه وكل المقاصد يكتشف غيب سدك وده يفرج فيـك هـذا وهـاذاه وليا بحث خافيـك ماطـل وردك لاتحتـزم بلـي دروبـه ملـواه لو كان مر الوقت يمـه يحـدك عنز على قرمن حوالـه مسـواه الي ليا جـات الـوازم يسـدك عن الكرم والطيب مـارد يمنـاه وذكره مع العربان دايـم يشـدك عنده على كسب المراجل مداراه الازم الك وفـاق باالجـد جـدك المجد زاهله وهو بعـد يزهـاه ولو صكت امواج البحر مايهـدك ولا الردي في لازمـك لاتمنـاه لو كان مر الوقت يمـه يحـدك 10 - الشاعر: عبدالرحمن هليل باسم الله ابدى قبل ماقافي ابديه** وعليه متوكل وبه مستعيني رب الملا عالم بما اخفي وماابديه** وحده بما تخفي السرايرمبيني ومن بعد ذكره زان للشعر داعيه** وحضرت فكري والقلم في يديني وصخرت قاف بعذب الاحساس مسقيه** رتبتها باقات قدام عيني قافن يشوق كل من يستمع فيه** من مطلعه يطرب له السامعيني عن الردى والعيب والنقص ناقيه** من فيض وجدان الكلام الرزيني لعيون عبس ولابتي عبس مهديه** بني رشيد مدلهين الحزيني ولعين ملفي لادعانا نلبيه** بامره نقوم ولاطلب حاضريني سلام ياحرن بعيده مراقيه** ياراعي المعروف في كل حيني ياراع الكف الندي والمشاريه** طيبك يعد بصفحة الطيبيني سلام ياشعارعبس وعوانيه** يالجنة التحكيم والحاضريني الفوزمنكم ياهل العرف باغيه** تكفون حطوني مع الاوليني 11- الشاعر: سعيد عيد الرشيدي دار الفـكــر وافتـر دالـوب الافـكــــار 00 واسـترجع التفكير شيٍ(ن) نسـيته شيٍ(ن) مضى واصبح مع الوقت تذكـار 00 مــرات يقرانـي ومــره قـريتــه واسبح مع الهاجوس في غب الابحار 00 يقـوانـي الهاجـوس ولا قـويتـه والبـارحــــه وجنـــون الافكــــار زوار 00 وليل الهواء والعشق تو ابتديته الصاحـــب اللي غـاب مارد الاخبــــار 00 لا هــو تحرانـي ولانا احتـريتــه ليتـه بـدا بالعــذر واقبــل لـه اعـــذار 00 واستسمحـه لو الخطا ما جنيتـه هو ما درى انه حط وسط الحشاء نار 00 واحرق معاليق الضماير فـديتـه الصاحب اللي لاجله انبيع الاعمــار 00 اللي هـواني بالغــرام و هويته عليه اغــار من الهـــوا الطـايـر اغـــار 00 ولو يطلب عيوني تراني عطيته اشـتاق له شــوق الفيافـي للامطــار 00 واتذكـــره واتخيـــل انــي لقيتـــه 12- الشاعر: الجدي آه من وقت غدا سبعـه هزيـل اوضباعة سامنه من كل صـوب وقتنا اللي مانحصل له حصيـل راح يشعبنا على كـل الـدروب يشعل البارود فـي راس الفتيـل رحت انا وياه حارب ومحـروب وكل ماعدلـت بـه ميـل يميـل تصفق ابنا ياعرب صلف الهبوب كم صديق كان واليومـه محيـل مثل نجم بان ثم جـاه الغيـوب وكم صديق بالرخا يصهل صهيل وان بدا لك لازم ثلجـه يـذوب وكم صديق فيه من طبع البخيـل مايسرك لو تبـا منـه الذنـوب وكم صديق لو تجي يمه دخيـل مايقـدر جيتـك مالـك وجـوب كلهم نفس الشكل نفس المثيـل بالجروم وبالعقـول وبالقلـوب الله اكبـر كـل ماينـزاح ليـل والله اكبر لاضوى وقت الغروب اتذكـر واتفـكـر واستخـيـل في ليال دوبحـت يـادوب دوب لاهي واطرد هوى نفـس عليـل لين شفت الوضح بالعارض تلوب ادري اني طرقي وعابـر سبيـل وادري ان الله يقبل كـل تـوب يالله اغفـر ماتقـدم ياجلـيـل واغفر اللي ماضي لي من ذنوب 13- الشاعر:نواف المثنى ألطيب جازه طيب يراعي الطيب= وأهل الردى متحصل ألا رداها دنياك ياجاهل تراه تجاريب =لابد من يوم (ن) أتغسل أبماها كم غادرت في رو س ترقا المراقيب =راحم ولا لحقو ربع من مداها وكم هيبت شجعان لا يمكن تهيب =تارد على الموت الأحمر لدعاها وكم عزت أرخيم(ن)وكم غرت أصحيب= في صحبت ألي للمصالح بغاها هذاك خله خوته منبر العيب =أرفع عنه نفسك وحاسب أخطاها واحذر ألي مبتدى قبل ليشيب =صاحب الرجال(ن)تتبع ألي هداها أهل الكرم والجود والدين وأطيب= الله عطاهم مال غيره عطاها سعادة بخوه ودله بترحيب= وحجاج يضحك والمراجل يباها ماهو من ألي يدعي بالمكاسيب= وتحتر نفسه من خلاها بخلااها وقال المثل ألمرجله دربه أصعيب =مأكل من دور عليه لقاها ولأقلته ضايق ولاهي عذريب= حبية أبين وجهه من قفاها ودنياك ياجاهل تراه تجاريب= لابد من يوم(ن) تغسل أبماها 14- الشاعر: قسورة الغاب ماهقيت بسكوون الليل للـورّق زام ليـن غنـت لحـوونً ماتنكرتهـا حسبي الله علي نغمة هديل الحمـام ليلـةً جابنـي حظـي وسامرتهـا اضحكتني مقـام وعذبتنـي مقـام حسبي الله عليها يـووم قاصرتهـا ليتني ماسريت الليـل وجفـن نـام ليت عنها القـدم زلـت وعبرتهـا ليتها ماتغنت فـي لحـون الغـرام ليتني عن جـروح العـام طيرتهـا جريتك ياحمامـه ماعليهـا مـلام الملامه عليـه يـوووم جاوورتهـا ياهديل الحمام وياسكـوون الظـلام صدفـةً جمعتنـا ماتصوورتـهـا يووم طيفه عبر وارخا عليه اللثـام ول ياليلـةً زارتـنـي وزرتـهـا مادريت ان لذكري بقلبـي خطـام والعهد بالجـروح العـام دثرتهـا والله اني علي الذكري شديد الخصام لين نادتني طيووفـه وحاوورتهـا في عنوود الضبا ماباح سد الغـرام غير شكواي وسط احشاي كثرتهـا مايفيد السكـووت ولايفيـد الكـلام ويـل قلبـي ليـا منـي تذكرتهـا 15- الشاعر: محمد حسيان ياللي نويت الهجر هوليـه تبغيـه متدري أني مـن فراقـك بونـي على وليف القلـب زادت بلاويـه وهموم قلبـي بالضمايـر محنـي أنشهدن الحـب يبلـش براعيـه وأنشهـدن الحـب منـك طعنـي جيت المكان اللي لقيت الغلا فيـه ودموع عيني فوق خـدي كونـي وقفتبه ساعـه وأناظـر حواليـه لعـل همـي بالحشـى يستكنـي عل المكان اللـي وقفبـه يساقيـه مزن الحيا من غيثهـن يمطرنـي صد وتركني بعـد ماكنـت بيديـه ولا أقدر على فراقه ولو غاب عني واليا أتصلت اليوم مالقـا مناديـه حتى الرسايل وصلهـن قاطعنـي أنا أدري أنـه كاثراتـن معاديـه وعذال حب الزيـن جنـه وجنـي يشكي عليـك القلـب لازم تلبيـه ويشكي عليك اللي بهواك ستجني لامدورن غيره ولابغـى بناخيـه لو عرضن فـي حبهـن يقعدنـي الله عطـاه الزيـن والله معطيـه كـل الوصايـف بالغـلا كملنـي مثل العسل حالي ولاأحدن يحليـه حلو العسل وسط الشفـى يذبلنـي لو طالـت الأيـام مانـي بناسيـه عسـاه يرجـع والليالـي كفنـي وطلب عسى الوالي يعزه ويحميـه لعـل همـي بالحشـى يستكنـي الموضوع الأصلي: ((( القصائد المشاركة بمسابقة أفضل عشر قصائد لعام 1430هـ ))) | | الكاتب: كاتب الرشيدي | | المصدر: شبكة بني عبس
آخر تعديل بواسطة عادل العويمري ، 06-11-2009 الساعة 12:23 AM.
|
|
|
16- الشاعر : الرئيس الله يسامـح نظـرةً مـن عيونـك خلت بقلبي لـك شخابيـط وخطـوط نظره ومعهـا دمعـةً مـن جفونـك سالت على خداً به الكحل مخلـوط ومن نظرتك من حشمتك من جنونـك درستني بالحـب وأعطيتنـي نـوط ومن شاف حالي قال يا الله عونـك ويشك في وضعي وأنا إنسان مضبوط ما يدري إني دائمـاً مـع شجونـك ودائم مع الهوجـاس والهـم مضغوط وطيفك يبكينـي بضحكـة سنونـك لا مر طيفك صار للشعـر صاعـوط وان كنت أنا شاعر ترى من فنونـك زينك بشعري له مواثيـق وشـروط ( نقش الغرام) أصبح بقايا طعونـك يكبر مـع الأيـام بالعمـر محطوط وحلمي أعيش العمر داخل غصونـك واقطف ثمار الغصن من جـال ناقـوط وهدي لك ازهار لها نفـس لونـك واعطيك ماتطلب هديه ومصفـوط لكـن ؟ فمـان الله ربـي يصونـك حلمي تحول من سعاده إلـى قنـوط فرحت حياتي ماتت !. العـام دونـك حاولت فيها وانتهت .. وأنتها الشوط واليوم شأني غير عن وضع شؤونك وهذا قدر في عالم الغيـب مخطـوط ومادمت أنت بخيـر.. لا يضايقونـك أعرف تراني لـو تنحيـت مبسـوط ومن عاشرك في ذمتي مـا يخونـك الله يهني واحداً فيك مربـوط 17- الشاعر : الشبح فنجال دله يطرب الـراس والكيـف محموس حمسة فن ماهـو غشامـه دله مـع بـراد لـو كنـت بجنيـف هـذي علـوم المرجلـه والنشامـه لكن راح الوقت هـاذاك يـا سيـف حطوه بعض الناس وسـط القمامـه وراحت مع الي فيه لفـه وتحريـف وقت(ن)غريب(ن) ماعرفنـا نظامـه ما عاد نعرف جملة الحق والزيـف أخوان عند الـي يضـارب كلامـه العولمه صارت بروس المشاريـف صارت على ماقيل كنـق الزعامـه صحيـح مبداهـا خرافـه وتأليـف مير العرب تعرض عليه انظمامه ..؟ أهدافهـا قتـل العـرب بالتخاريـف والواقـع انـه نـدعـي بالفهـامـه حتى الشباب اليوم صارت ملاقيـف ماتحتـرم شايـب عليـه احترامـه والمشكله حتى البنـات الغطاريـف أتبـدل البرقـع بلبـس الفخـامـه عري وفسوق وشي بالكون ماشيـف العيب هـذا الوقـت بـان انعدامـه الحكم حكـم الله والشـرع بالسيـف أصحو بلاش المشي مثـل النعامـه 18- الشاعر : شاعر الوطن مشكور يا ساكت عن الحق مشكور خليت لاهل الكفر دولـة فلسطيـن تسرح وتمرح مقبره مالهـا سـور تصلخ وتذبـح بالنسـا والوراعيـن دم العرب هذا الزمن صار مهـدور أرخص بواجد من حيـاة أم قرنيـن كل(ن) يناظر صم وبكـم ومعـذور مـدام حـب المـال دم الشراييـن ما هي غريبه عنتره روعـه ثـور المشكلـه روع (ثنينـه وعشريـن) (أولمرت) واثق ماهو كاذب ومغرور روس العرب بيديه حبحب بسكيـن أبذكر التاريـخ مـن وعـد بلفـور مليون واحد كيف يهزم ملاييـن ؟؟ عار العرب يا ناس في عام مشهور ألف وتسع ميـة وسبعـه وستيـن وصار التنافس بيننا شـي مذكـور الجار ماهو جار من عـام تسعيـن وان كان تبغى العله الـي لهـا دور نمشي ورى الغربي سوات المجانين ولي يخلينا بـلا احسـاس وشعـور بعض العرب ما طبق الشرع بالدين ومشكور يا ساكت عن الحق مشكور بكره تبـا تسمـع بـدم المصليـن 19- الشاعر : نادر بن مساعد الحافـظ الله يابـلاد الحرمـيـن وعيون من يسهر لك بكل نايـف اللي على امنك يسهر الليل ليلين ولصالحك مايعتـرف بالطوايـف لادرهمن شهب الضباع المساكين ستلهن مثـل الحـرار النوايـف يعطيهن المخلاب بالخشم والعيـن ويردهن مثـل النعـاج الولايـف زبن المجنا هو خـلال المعاديـن جاسر على الفنجال لا صار كايف ماجات له منحه ولا جات له دين ولاجاته له كذبه ولاهي طرايـف من ورث ابوه موثق الحكم بالدين ومنهج خوانه نادرين الوصايـف نبقا لهم دايم على العهـد باقيـن عهد الجدود ولانقضنا الصحايـف حنا لهم فالسلـم مثـل البساتيـن واهم لنا مثـل الغيـوم الردايـف وفالحرب يمناهم تـدك المياديـن وحنالهم مثل السيوف الرهايـف انا اشهد ان الدار عند المواميـن اخوان نوره ماهو العلـم زايـف وانا اشهد ان العود عقب سلاطين عبدالله وسلطان والحـر نايـف 20- الشاعر : محمد بن عبدالله الرشيدي ( غيم ) ليلً كساك البشـت والغيـم ضمـك -- حياك مـن غرتـك لاحـد ماطـاك هـلا هلابـك كـل مابـي يخمـك -- يقول انا اولى من هذاك وهـذولاك لا رزم سحابـك للحنايـا يضـمـك --واليا ارتعش جلدك من الخوف هداك عاضك حنان ابـوك ومدلـل امـك --اللي اليا غطرف لك النـوم غطـاك زايد عن امـك كل شئً يهمـك --جوده وفيضه لانشف ريقك اسقـاك ونود الصبـا لا هـب يمـك يشمـك -- والغيم يحجب كل شمـس تحـداك ارفع يدينك شـوف لافـوح كمـك -- مـره يجيـك ومرتيـن ايتـعـداك خلك وفي واسق الوفاء نبض دمـك -- دام الوفي جالـك صديـقً بدنيـاك حافظ عليـه وخلده في مهـمك -- لا تعمـسك بعض الطواري وتنحاك ولوغرك الشيطان وابليـس زمـك-- اقول لابـو عقبهـا مـن ترجـاك 21- الشاعر : محمد الراشد صحيح احبك من زمـان الطفولـه يوم الشقا عن قرب الاطفال تايـب حتى المحبـة يـوم جتنـا خجولـه مستغربة؟ طفلين صـاروا حبابـب نضحك نسولف كل خافـي نقولـه والحب مخفينـه ..نخـاف القرايـب رعيـان نفـرح بالربيـع بْحلولـه لاقفى الدهر من جيّة الوسم هايـب نفرح بساعات المطـر فـي هطولـه وانضيق اذا مافـي سمانـا سحايـب وكان الفراق الليل لاعلن وصولـه ويروح ليلي بـس افكـر بغايـب والصبح كـل" كيـد ولـم ذلولـه وكل" على الثاني من الشوق ذايـب احيانا اركـب والذلـول معقولـه عجلان ..ماظنه عشـان الركايـب مع الفرح مـرت سنينـي عجولـه وكل" مشى في درب مثل الذهايـب لاصوت لاصورة ولاشفـت زولـه مدفون حي بدون قبـر ونصايـب والعنك ياشـي" يجـي بالسهولـه مصيـرك تواجـه وراه الصعايـب شفني؟ربحت الكاس قبـل البطولـه وشفني خسرت الكاس يوم الكسايب ماكـل شـي" لابغيتـه تنـولـه تمشي وترجع باخر الوقـت خايـب اخذت لي في نعمـة الحـب جولـه وتغيـر الواقـع بليـا سبـايـب واصبحت اعرف الحب عرضه وطوله وعرفت وش معنى الجروح العطايب حب الطفوله يوم وصـل الرجولـه تبدلت حالـه وشفـت المصايـب بس انت حاول قدر الامكان تولـه لوني على مركاي والـراس شايـب انت بخفوقي لـك ربـوع وحمولـه وابشـر بعـزك لوتهـب الهبايـب انا انتظـر؟ لـو اليديـن مغسولـه وسلم على رمشك عطيب الضرايب وعـزالله انـي لاذكـرت الطفولـه ودي اعود طفل لو صرت شايـب 22- الشاعر : حمود البراهيم على ذكراك ومن لهفت عيون(ن) ودهالقياك تخيلتك على شاشة خيــــال الفكــر قدامي توقعت انها لحظة وصــــــال وصــــادقه وياك جمعت لك اروع اوراق الغلاءفي غفلةايامي قضيت الليل مع وقع الخيال ولالحقت اقصاك اقلب صـــــورتك فى نـــاظر(ن) غبتى ولانامي تهادى نظرتى مابين طرفك والهدب وشفاك تــلاشى بين وجنات الخدود ونحرك الزامي الهت فيك العيون وسطرت بهدابها ذكراك عساها تلتهي بك عن خيال راح مادامي تنحى بك خيالك بعد ماطــال اللقاءوخفاك على ضوءالشروق اقراءحقيقة نشوة احلامي دريت اني اعيش اوهام قلب ماقــوى فرقاك شكى فى غيبتك جرح الزمــان وهم والامي حياتى ينحنى ضيم الليـــال وشقاء لرضاك يتوق لك الخفوق اللى شقى بالحب ونظامي حيــاتى كل مامرت على قلب العنـاء طرياك تجــدد بة صــوابة ونفتح بة جرحة الدامي حياتى كان تيارالغلاءوالشوق ساق اخطاك على نفس الطريق اللى تلاقت فية الاقدامي انا كلي امل وانت الامل يمي تجي برضاك لعلك في وصالك تحيي اوراق الغلا الظامي 23- الشااعر : يوسف الأسود من يوم عمرك عشر وانته بعيني كبيـر(000)وانا بعمرك وساوي في عيونـك بلـد صغار نمشي على الفطرة ونلعب كثيـر(000)واكبر طموحتنـا انـاء نسولـف بعـد صغار ماهمنا اللي حولنا ويش يصيـر(000)كلن يسولف على الثاني وياخـذ عهـد واسرارنا كلها متجمعـه وسـط بيـر(000)وسط الصدور اتجمع ماتسولـف لحـد اثنين ماكان فيـة اول ولا فيـة اخيـر(000) متساويـن بغلنـا بيـن ذخـر وسنـد والناس من حولنا اصحاب في كل خير(000)انقدر النـاس ونساعـد ونغلـي فهـد مشى الزمن هكذا حتى اللقـاء الاخيـر(000)يومة وصل بس ما عني وعنـة نشـد والموت كسر اشداد الوقت وارغى البعير(000) وكثرت سكاكينة اللي مـا تعـد بعـدد جلست اسولف مع الواقع بصدرن اسير(000) استيسر الحزن ذاتـة ليـن همـه ورد من يوم عمري عشر وانا بعينك كبيـر(000)وانتة بعمري تسوى فـي عيونـي بلـد 24- الشاعر : العريض اللي لها بالغلا قـد ر ومقـام ٍ رفـاع=بكل المقا ييس ماحد حطم ارقـا مهـا ماحد تعلاّ سواها فوق عرش النـزاع=في عرش قلبٍ عجز يحتال بأحكامهـا تلعب بقلب ٍ طواه الشوق لعب الرضاع=يوم استحلت خفوقـي رزت اعلامهـا يوم انتشلني غلاها من سنين الضيـاع=ليلة ذبحني شعور الخـوف.. قدّامهـا يوم اقبلت قلت يالبيه و ا مرك مطا ع=اقفت ليال الحزن لا عادت ايّـامهـا جتني وهي مرهقه من قـوّة الأندفـاع=في يدينهاورده ودفتـر ومـرسامهـا جتني بجبروتها الطاغي وقلب ٍ شجاع=فـي كبريائهـا وحشمتهـابهند امهـا في طهرها في حياها زايـد الأرتفـاع=في ظعفها العاطفي في قـوّة الهامهـا جتني وانا اقاسي الشده ومر الصـراع=جت تشتكي جرحها يوم الزمن ضامها قريت بعيونها شوق وسفـر وانقطـاع=ملا مح الحزن اشو فه بـدداحلامهـا واقفت وانا جرحي الدامي يزيد اتساع=والروح عيّت تطيق الصبربصيامهـا 25- الشاعر : عبد الله المظهور للشعر دور .. وله مواقف .. وحـزه دوره إيبيـن بـالامـور العسـيـره والشعر لامن جـاه شـي(ن) يهـزه ياقف .. عسى في وقفة الشعر خيره ونفسي تراهـا ياالخـوي مشمئـزه غير كلامك .. واعطني شـي غيـره ولاعاد تنشدني عـن علـوم غـزه العين تدمـع .. والايـادي قصيـره وحنا العرب .. ماغير كشخه .. ورزه وكلن على امريكـا يدربـي سفيـره كلـن يبيهـا تحترمـه .. وتـعـزه مع انهـا سـاس الامـور الحقيـره هي تدفع اسرائيل .. وايضـاً تـوزه يديرهـا .. واحيـان تبغـى تديـره ثورن يدفـه ثـور .. واخـر يكـزه متجمعيـن(ن) كلهـم فـي حضيـره وحنا مابين اكياس عنبـر .. ومـزه ناكل .. وغزه بين نـار .. وذخيـره ولا نزعـج الحاكـم .. ولا نستفـزه وكلن امير .. ويشتغـل لـه بديـره وياصاحبي ياابـن الرجـال الاعـزه ترى سواليف السياسـه خطيـره !!! لاعاد تنشدنـي عـن علـوم غـزه غيّر كلامك واعطنـي شـيء غيـره
آخر تعديل بواسطة عادل العويمري ، 06-11-2009 الساعة 12:47 AM.
|
|
|
_ 30 _ الشاعر : المحيط الهادي الارض كوكـب بالفضـاء مستقلـه والشمس فيها ماتخـاوى مـع الليـل وسقف الكواكب ثابـت فـي محلـه من غير عمدان تشيلـه عـن الميـل والناس فوق الارض تسعيـن ملـه وفيهم من اللي يعبـد الثـور والفيـل ياكثـرهـم لـكـن فـــإرادة الله في ثانية يقضـي عليهـم سرافيـل ياهاجس الشعـر .. الحيـاة المملـه ثارت حفيظة متعب الجيش والخيـل تعـال خـذ دفتـر خفوقـي وفلـه ولايزعجك فالصدر كثـر المواويـل خـذ ماتبيـه ومايخالـفـك خـلـه وليا تعبت مـن العنـا والمراسيـل ماكـل دلـو يـروي اللـي يتـلـه وشط البحر ماهو مثل ضفـة النيـل البحـر حلـق المضميـة مايبـلـه والنهر من ميـه تزيـد المحاصيـل لا والله .. الا علـة الوقـت عـلـه مافاد فيها الاخـذ والحـط والشيـل ودروبي اللي من ورا الضلـع كلـه قامـت تلاقطهـا عيـون الدرابيـل فالبال غصن ماكسـا الارض ضلـه ميت ضما وغصون غيره محاميـل ليـت الثريـا اللـي بعينـي مطلـه تنشد لو أنه يوم عن غيبـت سهيـل الشوق مثل ( الهيل ) والصدر ( دله ) والبعد ( جمر ) تفوح منه المعاميـل والمزنـه اللـي بالصـدر مستهلـه ياما سقت بيض الـورق والمناديـل ياهاجسـي لمـرك الشـوق قـلـه قـدام لاتسفـي عليـه الغرامـيـل جسمي هنا .. والقلـب يـم الاهلـه له بين جـرات الكواكـب مداهيـل مايجذبـه لـلارض فنـدق وفـلـه ولا يوم شدنه تواقيع ( أبـا الخيـل ) لولا الغـلا وزروع عمـري وفلـه لقطع عن العالـم دروب المواصيـل _ 31 _ الشاعر : عبد الرحمن محمد سعيد الرشيدي ( بن سعيد ) حاولت ألاقي في طريقي نهايات لكن طريقي ماله أية نهاية عانيت ماشي في طويل المسافات الدرب مضلم ما صفى لي سمايه وغرقت في وسط البحور العميقات اللي نهايتها تحول بدايه أعدل مساري ثم أطيح بمطبات مدري ردى بالوقت وإلا ردايه ومدري نهاية عمر وإلا بدايات وإلا نوى صبري يبيح خفايه بس الوكاد إني بحمول وضغوطات نفسيّتي ضاعت وقفى هنايه أجمع جروحي لكن أضيع بشتات مبلي ولكن مدري وش هو بلايه بعض الجروح أضفها في ملفات والبعض منها تنكشف من عنايه أحيان أهل الدمع عبرات عبرات وإحيان أرد الهم لأقصى حشايه ذقت الشتيمه والقهر والتفاهات والخوف عذبني وزوّد شقايه لو قيل لي مجنون عشت بقناعات وبحثت بالدنيا وألاقي دوايه لكن لأنا مجنون بين الجماعات ولا عاقلٍ يسلك طريق الهدايه صحيح غارق في بحورٍ غويطات بس ودي أطلع دون ما أنظر ورايه يالله السلامه كان فيها سلامات واسلم من دهورٍ تسبب عمايه هذي دروبي كل أبوها خطيات بس لازم أمشي يا عرب في خطايه وحكايتي ما مثلها بالحكايات وهذا ترى موجز عن أصعب حكايه نهايتي بالدرب مثل البدايات وبدايتي ما مثلها إلا النهايه _ 32 _ الشاعر : أحمد سلهود هلا باللي سرق حزن الزمن من نظرة عيونـي وخلا نظرتي بيضاء لوقـتٍ كـان سـوداوي أناظر فـي وجيـه الخلـق وألقاهـم يهنونـي وأنا قبلك تجي ذيب الهلاك بمهجتـي عـاوي تلحقت برمق وقتي وعـاد المـاء لعرجونـي بعد ذاك الجفاف اللي جعله من الضمـاء ذاوي رزقني فيك ربي من دعـاء نـاسٍ يحبونـي وقف حظي على حيله بعد ماطـاح متسـاوي حبيبي عادي التحطيم مـن نـاسٍ يحسدونـي لأن أكثـر عبـاد الله لا ترحـم ولا تــاوي عيوني منك أنا صرت استشف الكحل بجفونـي وإذا به شخص غاوي بالمحبه فيك أنا غـاوي تعال أجلس على عرش الغلا يا مرهب طعوني لهيب الشوق عاث بداخلي ويـدورك ضـاوي تضلل عن وهج حره بضل القلب وغصونـي ولا منه ضـواك الليـل دور فيهـن مخـاوي عصافيـر الغـرام بشجرتـه قامـوا يغنونـي تصدر من نهر حبٍ عليـه الضامـي الـراوي صدح صوت الغرام بمنبرك يا محرك شجوني واحس أعضاي مطربها بصوته حضرة الراوي الآ ياململم شتات السكـون امشتـت اسكونـي تزلزلني بفرصاد الشفـاة اوحكـي شرقـاوي حبيبي شف غلاك اجتث عرق الياس من كوني وخلا نظرتي بيضاء لوقـتٍ كـان سـوداوي _ 33 _ الشاعر : رائد الذيابي تجين .. نشاور ../ ايام العٌمـر .. ونعـزي المصبـاح ونكسـر .. ضـوه بنـورك ونذبـح ./. باقـي آهاتـك تجين .. نعلّـم التيـن الحكـي /.. ونزخـرف التفـاح ونشعل في ../ حنايا الدرب .. مـن شمعـات وجناتـك تجين .. ونطفي انضـار العيـون ../ ونلحـق الارواح ونمشي .. وين .؟ ما ادري ../ ولكـن فـي مداراتـك تجين .. نشارك اهداب الطيـور /.. مـن الفجـر لا لاح ونكشف للصبـاح .. ان الشعـاع اسبـاب ./. لفتاتـك تجين .. نعانق الوان المساء ../ اللـي وقـف يرتـاح مابين اهداب .. عينـك والولـه حاضـر ../ ولا فاتـك تجين نفك .. ازارير ../ الزمان وعمـرك اللـي .. راح ونرمي بالجمر ../ دمعـة حطـب .. ونلملـم شتاتـك تجيـن .. نعاتـب آيـات الفنـار /.. بنضـرة المـلاح ونكتب .. للسفـر سـر الوجـود ../ وسـر خطواتـك تجين نهاجـر .. بيـوت البعـاد ../ ونسكـن الافـراح تجين ونرسم .. النشوه من الجوري ../ علـى شفاتـك تجين .. نشيل نعش التيه ..! في دربك ليامـن / صـاح تجين نخبّر .. النـآي الحزيـن ../ شلـون همساتـك تجين .. نعد كم مره .. كسىا ./. بدر الوجود .. وشاح وقمتي من كرم .. نورك حضنتي الكون ../ فـي ذاتـك تجين .. نقارن المسك ../ بشذا نسماتك .. اليـا فـاح ونربط .. فـي متاهـات العنـا .. شرطـان هقواتـك تجيـن .. نقفـل ابـواب القبـور ../ ونبلـع المفتـاح وابنحت .. فوق صدرك عايشن ..! ( فيذآ ) ../ ولا ماتك تجين.. نبهرج ../ ايـام العمـر .. ونعـزي المصبـاح ونشعل في .. خفوقي نآر .. حبـك ../ واذبـح آهاتـك 34 ـ الشاعر : بدر نوران ناس ٍِ تجيـب الهـم ونـاس ٍ تزولـه وناس ٍ لها من دقـة البـاب مقصـود وناس ٍ تبي شي ٍ وهـي مـا تطولـه وناس ٍ تحصد الزرع والزرع محصود وناس ٍ تبي تصبـح نجـوم البطولـه والعـرف فيهـم خابرينـه ومعهـود وناس ٍ تراهـا بالمواقـف صمولـه عز الخوي والمدح فيهم تـرى يـزود والحـر يبقـى عنـد هرجـه وقولـه دايم على درب الوفـا يمشـي سنـود وان ماعنـى للنـاس جـوه وعنولـه كنه على كسب الفخر صـار محـدود ومسكة رسن خيلـه أصيلـه جفولـه يبيلهـاا خيـال يسـرد لهـا سـرود قـد قادهـا جـده بحـرب الحمولـه وخاله وأبوه والعلـم ثابـت ومشهـود وما كل من ينـوي يثبـت وصولـه بعض البشر الصبر عنده لـه حـدود وأنـا أخـذت بعالـم العـز جـولـه وقادتـي خالـي وأبويـه والاجـدود أبوي قال : أبعـد عـن اللـي فعولـه فيها الردى والذل لا تصير مصـدود ومن يفعـل الشينـه حذيـرك تعولـه دربـه تـرى دايـم ردي ٍ ومسـدود وخالي يقول : أختـار بنـت ٍ جفولـه مردده مـن نسـل معـروف معـدود توفـي ولـو غيابكـم صـك حولـه ولا شفتها راغت كما ظبـي مطـرود بنـت الحمايـل وافـيـه وخجـولـه وذكر اهلها من نبـا العيـب مجـرود وختامهـا منـي نصيـحـه بقـولـه خلك عزيز النفـس وافـي بالعهـود 35 ـ الشاعر : بركه الخياري كل ماذعذع هوى الليل في قلبي سرى هاجس مايعلمه غير علام الغيوب ماعرفت أعالجه بالعلاج ولا برى جرحه اللي غير عن كل جرح بالقلوب ياهني اللي عن الجرح داله مادرى ماعطاه الله من الهم و الجمر الشبوب طحت طيحت طايح لاظلال ولا ذرى خان فيه الوقت و إنغر بالحلم الكذوب ياوجودي وجد من طب بالسوق وشرى من حلاله علتٍ يوم غرته الدروب و ياوجودي وجد من شاف بالصك وقرى حكمه بتعزير بكره قبل وقت الغروب وياوجودي ثم مثله من قبال ورى في زمان الجور لاهو ركوب ولا حلوب طال في الحزن ماذوق لذات الكرى والصدر ولواله أصبح على حاله ذنوب يأهل المدن العريضه وياناس القرى لي حبيب دونه النفس عيت لا تتوب تل قلبي من غرامه إليا منه طرى تلت اللي مامشت غير في يوم الحروب نوع نفاثه مع الجو ما تمشي ثرى بين مردوم السحايب وصفاق الهبوب من فراقه ذقت الاوجاع لاكن ياترى نلتقي عقب المتاهات بالوقت اللعوب أو لقانا شي ماهو حقيقي مفترى كذبة الافكار ولا خيالات القلوب ناعس العينين مترف صغير وأسمرى يكتمل بالزين لو مالبس له غير ثوب لا نظرني طبت وإنفك باب ومعبرى الله اللي حط له في من بد الشعوب ياعسى مايخيب من ظن ظنه وإحترى عقب لوعات الليالي و ضيقات الكروب 36 ـ الشاعر : عامر الصيعري ( كنق المشاعر ) باسالك من انت وانا من سهاء == جاوب سؤالي كيف ماتذكر لسم جـــوب انـا انتــــه وانته لي اناء == بضبط اسمي انت وانا لك اسم شخصين صارو شخص في داخل حشاء == مهما يجي من الوقت ماحسو الم جوبـــــت يـــاربي تحــــفضني لنا ء == وانسى ورق شعري وخطات القلم عجل وشف صدري ودقق بالعـــطاء == انضر وشف قلبي باسمك مـــرسم وانضر هنا ضلعي على اسمك يحتماء == وانضر هنا كبدي بشــــوفك تبـــتسم وانضر هنا معلاق صــــورتك اعتـــلاء == بجنب الريات الي تقايــــس بالنسم جول على صدري بنضره من شفاء == شف هالحشود مبايعه لك بالحكم صاحو الحشود بصوت واحد ياهلاء == امـــر وحــــنا بـــلاوامـــر نـــلتزم جوب وقال اهدو وهذا اول نباء == قال البدايه والملك تحت الحكم انا الخدوم الي على عرش الهوى == وانتم ملوك الحاكم الي لكم حكم لازم شعار الحكم يظهر في السما == اول اوامر نــتـــحــد نرفــــع عـــلم شخصين صارو شخص في داخل حشاء == مهما يجي من الوقت ماحسو الم 37 ـ راشد رباح يافاتنه مـن ويـن لويـن رحتـى ساعة ماغابة شمسهـا وصطفاقـه صلتى وجلتى فى هوانـا واخذتـى شوق اليتيم الـى هنـاه اشتياقـه سقتى بروق الشوق يمـه وخلتـى وبل السحاب الى بشوقـه علاقـه يومك من اعذب نهرواصفى شربتى اروى ضماء ريقك بروح اعتناقـه ويومـك بصوتـك لليالـى هتفتـى لقاء صدى صوتك وصوتك شفاقـه يومك على شوفة رحيلـه عزمتـى والعين تشكى يـوم حـزة فراقـه هبتى ولا خفتى ورحتـى وعدتـى فى ساعةً هـرج السـان بطلاقـه ارهالـك بحلـوك ومـرك وهمتـى وارهيتى لحسه خجل فـى رواقـه ملتيلـه بلحظـة كبـر واعتدلتـى لحظة وقوفه فـى شمـوخ ولباقـه مـن ود والا هـم فـى مافعلـتـى والا على شانك سبـب ف افتراقـه نلتى مانلتى من ظروفـه وحزتـى ماحاز من لجلك وقف فـوق ساقـه اوفاء بعهده والعهـد لـه وقفتـى وقفةً صديـقً مايخـون الصداقـه عمتى مساء والعصر والصبح عمتى خارج نطاق الشـوق والا بنطاقـه 38 ـ مسند العويمري كتبت الشعر في صفحة خيال وحـل حلـم وسـال عن حلومـن تحقـق فـي عنـاق القـوم ملزومـه تخيلـتـك خـيـال الـلـي تـخـيـل بلـخـيـال خـيــال خيـالـن شــح فــي بـرقـه ورعَــاده وديـمـومـه خيالن سار بي صوبك وفي لحضة وصولك قال طلـع نـور الفجـر لابــد لعيـونـك مــن القـومـه يطـول الشـرح وعجـاج الخيـال وشـي ماينقـال نهـايـة رحـلـة الطـرقـي لـيـال أيــام محسـومـه شكيتك همي الصامت على مر الزمـن لـو طـال شكيتـك همـي اللـي لـو خفيتـه بانـت وسـومـه يتيم من الفرح جفنن كبـر والدمـع دمـع اطفـال يتبـاهـا ويتصـبـر و الحـلـوم تـفـتْـر أعـزومــه اذا الحملـه ثقيلـه والجمـال الـي تشيـل اهــزال تبـي تبقـا مـع أحمولـن بقـت بلـقـاع مـردومـه يقـال الوقـت مظلـم فـي طيـوفـه والـدجـا لازال أقول الشمس تبقا شمس فوق الارض معلومـه أضـن الحيلـه الـي مـا تبـيـض جبـهـة الحـيـال ضعيفـه والضعـاف بسوقهـا مـاهـي بمسيـومـه وطن تبقـا وطـن غالـي ويفـداك العمـر والمـال ولـكـن عـزتـي تبـقـا بـقـدر وعـــز مشـيـومـه وطـن تلقانـي بجنـبـك اذا بــار العمـيـل ومــال وطن تبقـى يدينـه بيـض لـك ماهـي بمسمومـه 39 ــ فوزان بن مربح البارحـه يـوم اول الليـل ولا قريت في راي الحديث ابن ماجه قريت مانـي بالـرواه اتسـلا لكن لقيت القلب دينـي علاجـه كلا لمن يغفل عن الديـن كـلا لو انتهج كل العلـوم انتهاجـه واللي على روح الخلايق تـولا ان الحياه بليـل والله سراجـه ان الهدى نور الحيـاه وتجـلا مثل الشروق بطلته وابتهاجـه لو فيه من غلة يديـه استغـلا بالدين وادابه على شان حاجـه مايدري ان النفس خيـط تـدلا وفي منتهاه يواجه اللي يواجـه اما على نـار الجحيـم يتصـلا يجهل ليامنـه دخلهـا خراجـه جل من تعالـى ماعليـه نتعـلا لكن يامخلوق ادع ربك وناجـه وانت برجـاه وعزتـه ماتـذلا وان حاط بك هم عليه انفراجـه لابـتـلاك بنعمـتـه لاتبـلا حي تسبب ضيقتـه وانحراجـه حاول بالاخلاق الحميـده تحـلا الكبر عرش ابليس والكذب تاجه سلام ياشيخ ليا جيت هـــلا شيخ تنومس نظرا في حجاجه مشعل كما جدي الكواكب تعـلا شوفه علاج الي وشوفي علاجه يابعد كلمـة لا علـى كلمـة الا الاوله تنفي والاخرى احتجاجـه قلها عساك بضلهـا تستضـلا العمر عود فيه عدل وعواجـه وين القصيد ومحتمين المخـلا وفلة حجاج اللي عقدبي حجاجه 40 ـ بعيد المصابيح ودعتهن قبل امس في يوم الاثنيـن توديـع فرقـى مابعدهـا تـلاقـي مثل الذي ودعه شوفه من العيـن واحرمه من شوف الاهل والمراقي فيهن ثلاث رياض وعشره بساتين ولي عن سموم القيض مرفا وواقي وسبعت عشرمنهن مخاضير وسنين سوقهـن سـوق الجمـل للنياقـي وعامين منهن ياهل العرف عامين فيهن تحطـم مركبـي واعتناقـي كني على جمرالغضى مستوي زين وانا اتحـرى لهفتـي واشتياقـي اخذ مع د و الخلا يسـار ويميـن وطلب عسى ربي يعافـي اشواقـي وخوانها وخواتها اللـي صغيريـن اللي على بيض السرايـر بواقـي لاشفتهم يهل دمعـي مـن العيـن ويصير عندي بالوسيعه اضتياقـي من الكيماوي صايرن شوفهم شين والروس بيض ومثل بيض الطواقي يـاالله ياقابـل صـلاة المصليـن انت العظيم اللي على الكون باقـي يامنزلن صورت تبـارك وياسيـن ياباسطن سبعـن وسبعـن طباقـي يارب تخرجهـم لاهلهـم معافيـن وتبـدل الاحـزان فرحـة تلاقـي ياسامعين لدعوتـي قولـو اميـن ودعولهم عند المسـاء والزراقـي 41 ـ أحمد منصور الرشايدة نامي .....بأحضان السلام ترعاك اسراب الحمام... وتصون حلمك:ان تعكر صفوه ، سحب الظلام.... ياأمة , رجعت من الهيجاء, عالية المقام ! سحقت اعاديها, وساقتهم الى الموت الزؤام! وأعادت الشرف الذي اغتصبوه, بالقضب الدّوامي! زعموا:سيمضي _قبل ان نحظى به_مليون عامّ! ((فشـــروا !))....فها هي ذي بيارقنا , تزيّنُ كل هام!! وتلوح ...هاهي ذي هناك, تلوح من خلف الغمام..... خفاقّةً , فوق الفيالق, وهي تمسك بالزمام... البحر طوع بنانها..... والنهر يصغى باحترام! ومن المحيط , الى الخليج, سهامها ...فوق السهام ! نامي ... فمن حق القنا... ان تستريح من الصدام... وعلى المحارب, ان يجرب مرةً, دفء المنام ! ويذوق , من بعدالطّعان, يذوق فاكهة السلام !!!!! خدٍّي مخدتك الطريّه , والفراش من العظام . وغطاؤكِ الاهداب , ياقمرا يضيءُ دجى الظلام... اني قتيل (( حضورك ))المغزول , من ريش النعام ! يقف الجميع, اذا خطرتَ, وينحنون الى الامام .. ويقبّلون يديك , من خوف, وعربون احترام!... وأنا اخاف عليك من حقد عليك, ومن ملام! ياأمةً ,شغلت لحاظُ عيوبها بال الانام !! فتجمعو في بابها((شوقا !)) وذابوا في(( هيام!)) لا النفط بغيتهم..... ولا الذهب المكدّس في الخيام لكنه حب القطا... (صدِّقوا!!!) وأسراب اليمام !! فترفَّقي بالعاشقين((اذن!)) وهُبّي...للسلام!! نامي على جمر الغرام.. ياأمّةالعرب الكرام... تحميك امريكا(( الوفّية)) ههههههههههه من اصابات الزكام! ((وتردُّ عنك العين )), في صحو الحياة, وفي المنام !.... نامي ... فها هي ذي بيارقنا تزيِّن كل هام ... وحديثنا ....فوق الحديث كلامنا ....فوق الكلام !!!!!!!!! 42 ـ شعور انسان ( احمد سعود ) يامطاوع النمات والكذب والزور **** خله يفيدك من يديرك بشوره نفسي عزيزه عن هوى كل مغرور** مالي ومال اللي تمادى بغروره مادام غيري في محبته مجبور *** القلب عن حبك حمينا جسوره ياما نصحتك والجهاله لها دور *** قلبك عمى والدرب واضح بنوره واليوم مادامك مع الغير مسرور ******* انا بعد قلبي تزايد سروره خلك مع الأنذال منهي ومامور ***اللي على الوجهين في كل صوره كفاني الماضي معك عدة شهور ** قطفت ورد الحب بـا أول زهوره لابد من يومً به أيامك أتجور *** وتذوق من لوعات وقتك وجوره تذكر محبً صادق احساس وشعور ** يومن قلبك صادقٍ في شعوره وتذكر لحبً بالوفا كان معمور **** حبً مضى واليوم ولت عصوره
آخر تعديل بواسطة كاتب الرشيدي ، 10-11-2009 الساعة 02:55 AM.
|
|
|
43ـ مالك الصامل ماعاد فيها غريب لكل شي منتهاه مثل البدايات تنهيها نهاياتها نويت اسج الركايب يم درب النجاه تعبت من عالم(ن) ياشين نياتها عشت بزماني وانا دايم شديد انتباه فاهم تقاليد خلق الله وعاداتها أخذت فن التعامل من عقول الدهاه ولا مد يمنايه الا بجزل مداتها والناس دايم تحاول تعكس الاتجاه وتحمل انفوسها من فوق طاقاتها تزعل من الحق وتدور على الاشتباه ولاغيرتني طبايعها وشرهاتها تطاولت بالبناء حتى الحفاه الرعاه يعني القيامه مبينتن علاماتها يارب عشنا وشفنا ضعفنا بالحياه انا بجاهك عن الدنيا وشهواتها يارب عفوك ليا جينا حفاةُ عراه يوم الوقوف العظيم وكشف عوراتها ويحاسب العبد يوم البعث فيما جناه والنفس برحمتك تنجيها حسناتها أغفر لعبدك عن الزله وسدد خطاه قدام نفسه تعذب عند سكراتها وافرج لقلب يتضايق من خلاه بخلاه يسج سجه ولا يحسب حساباتها 44 ـ جميل مساعد يـــازمــــانــــي عـــلــــيــــك الــــــرفــــــق مـــاتـــرفـــقـــا لوتكرم وخبري ما انت شخصٍ بخيل بـيــن نـــار الـغـمــوض وبــيــن نــــار الـلـقــا وش بــقـــا يـالــوضــوح ولابــقـــا مـسـتـحـيـل كـــاتـــمــــه بــالـــخـــفـــوق ولاحـــصــــلــــه نـــــقــــــا مــاعــرفـــتـــه وربــــــــــي مــاخــلــقــنــي ذلـــــيــــــل حـكـمــتــي لـلـحـقـايــق مــــــن فـــعــــل مــاتــقـــا والـصــراخ الـقــوي يـكـفـيـك شــــر الـعـويــل والـقـصــايــد مـــواقـــف مــاتــجــي الابــشــقـــا والـشـقـا مايـجـيـب الا الـقـصـيـد الـجـزيــل طــــــــارقٍ بــابـــهـــا والــــجــــن جــــــــن أزرقــــــــا وآقـــف بوجـهـهـا والـبـحــر بــحــرٍ طــويــل وأن طـــــرأ مـــاطـــرأ والـــلـــي نــــــزل مـــارقـــا قــــدهـــــا مـــاتـــزحـــزح قــــــــــد نــــــــــار الــفــتـــيـــل لا ذبــحــنـــي صـــبــــر والــعـــمـــر مــايــفــرقــا ثـابـت ابخطـوتـي والــراس عـيــبٍ يـمـيـل عـــزتـــي غــالــيـــه لا لا تـــمــــون اصـــدقــــا مــاوراهــا يـاغـيــر الــمـــوت حــمـــلٍ ثـقــيــل حــاســب الـنـفــس زيــــن وحـلـمـهـا بـالــوقــا لاتــــــكــــــاثـــــــر كــــــثــــــيـــــــر ولاتـــحـــاقـــرقـــلـــيــــل عـــــــن ردي الـــكــــلام الــنـــفـــس مـاتـنــطــقــا مـــنـــه مــاتــفــرق الـعـقــيــل شـــمــــسٍ ولـــيــــل والـــــــــــورود الــجــمــيــلـــه هـــمــــهــــا بــالـــســـقـــا والــســقــا يــتــعــب الـــفــــلاح بـــعــــد الـمــقــيــل يــــــــادروب الــعـــنـــا يـاشـمــســنــا الــمــشــرقــا مـاتـفــرق غــيـــوم ولا حـصــلــي حـصــيــل بـيــن نـــار الـغـمــوض وبــيــن نــــار الـلـقــا وش بـقــا يـالـوضــوح ولا بــقــا مسـتـحـيـل 45 ـ عبد الرحمن العويمري جو الفراق وغيم الأشواق والتيه= على بعضهن من بعضهن تشاكن وصار العتب على الزمن والمشاريه= هذا الزمان اللي بحزنة لفاكن لية المفارق يازمان الشقا ليه= يااحلى الليالي لية دارت رحاكن يعني فرح عمري معه جرح قافيه= ومغلفة بالجرح ضحكة جماكن والجرح وهمومة وقلبي وأمانيه= اسمع صداهن داخلي لاتحاكن يحكن عن غدر الزمان ومساريه= وذكرى الغلا من بين ذيك المساكن ذكرى وليف(ن)غاب والقلب هاويه= مايدري ان جوي بلياة داكن ياصاحبي شف خافقي شوف وش فيه= من يوم غبت الهم بالقلب ساكن غبت وجروح القلب هدت هقاويه= وحبك وجرحك في ضلوعي تراكن حبك مناة القلب والجرح كاويه= وعيون حبك في غيابك تباكن هذا وانا طرق الحزن بس اغنيه= تشتاق لك عيني وكل الاماكن 46 ـ shoeely ma (مخاوي) ياعذبتي في غيابـك تعترينـي ضيقـة الحـال ردي علي الضيا واعطينـي المجـد وصهيلـه اشتقت لاحلى الليالي شوق ما يطري على بـال واشتقت يا عذبتـي لعيونـك السـودالكحيلـة ياماعلى حنجرتـك الدافيـة علقـت الامـال واهديت عطرك وهمساتك للاضـلاع النحيلـة واشتقت للضحكة اللي صبت من الحلـم شـلال والمبسم اللي يشب البرق من سـدر المخيلـة تعالي ابغى استريح بظلـك الممـدود واختـال تعبت واتعبني الركـض الطويـل بـلا وسيلـة تعالي ابغى عيونك معطفـي وذراعـك الشـال ترجف عظامي من البرد العنيد ومـن صليلـة البارحة كنت افكـر واعـزف التفكيـر مـوال وابكـي رمـاد الليالـي والمسافـات الطويلـة من يختصرني لوصلك مـن يبشرنـي بالامـال من يطفي الشوق في صدري ومن يبردغليلـة قضيت الايام لاجـل اعيونـك الحلويـن رحـال بين الورق والمحابـر والطـروق المستحيلـة ولمست في بعدك الدرب الطويل امن اشهب اللال واخضر عود البلح في بيـدر الشعـر ونخيلـة ذكراك في داخلي جلسـة غريـب ونـار ودلال وشعاع قمرا ودمعة شوق احـر مـن الفتيلـة لي في عيونك سهاد وفي هدبك الظـل مقيـال لكن مااسرفت في فيـة هدبـك وفـي مقيلـة وشلون اشوفك واكيد العـاذل الكـذاب واحتـال وانـا نفـد صبـري الطيـب ولا فاليـد حيلـة عليك مني سـلام وحـب يـا دلوعـةالبـال ما رف رمشك وما ذاب الزهر فـوق الخميلـة اتذكرينـي ليـا هـب النسيـم وحـرّك الجـال واختل وجه القمر في ماه واطلـق بـه سبيلـه 47 ـ زلزال الرعود كل ماتطلع عليـه مفاجـأة الطريـق اتذكر كلمـة ٍ مـن زمـان اوحيتهـا كلمة ٍ تبرابها تجربة عمـر الصديـق طشها في بحر آمالـي وانـا زليتهـا قرّبتها بيض الايام لابـواب المضيـق واوقفتلي لين ضاق الوسـاع وجيتهـا اثرها تبرم وصالي مع البيت العتيـق مثل ماقال ابـن وسام!يخـرب بيتهـا والله اني مانويت انقض العهد الوثيـق واترك اعهود ٍ على عاتقـي حطيتهـا لين حال الموج بين السواحل والغريق واستوت عندي سوا اخذتها او خليتهـا مايكلـف ربنا..نفـس فيمـالا تطيـق اما انا لو هي بودي فنت ..مااعفيتهـا اه من صبر ٍ صبرته على زيف البريق انشفت حالي ورجلـي وراه احفيتهـا كني اللي كل يوم ٍ معلّق فـي فريـق الحضـر مريتهـا والبـدو مريتـهـا شيء في حقي وحق النشامـا مايليـق لكن انـي مثـل مـا جبتهـا وديتهـا مادرا عنها معي لاالبعيد ولا الرفيـق صغتها في عرش كسرا سنه واخفيتهـا لو محاديب الضماير مثل نارالحريـق كل ماشبت بطيـب الرجـاء طفيتهـا اكفخ بجنحان حلمي كما الحر الطليـق واتفاءل ليـت الايـام تصـدق ليتهـا من حجا شم الشواهق نظر عيني يويق حق الارض اللي لو اموت ماطبيتها!! 48 ـ النقيشي قالولى ابطيـــــــــت قلت لاعاد من بطا عساك طيب من جميع الهوايل قلت اليه حساب اسنين من تبعى الهوا اولاخـــير فلى يخلفن الرسايل رمتنى الى زينها يسقى الـــــــــــــطنا وبزينــها ماقربتها المحايـــــل رميتها رميــــــــــت عنود مــــع الخلا وهـيه رمتنى بلعـــيون الكحايل خرعوبتـــــــــن تشدا المطرق القــنا الى مطاليــــــعه رمال اوسلايل وجدى علاها عد ماينبـــــــــت الحيا وعداد ماهلت عليه المـــــــخايل وونتـــــــى ونيتـــــــــــها بين اوخفا ياليت لى معـــهوحــلال اورحايل فى ظـــــــف ربعاْ ماداخلوهوالعـــــدا اهل الكرم واهل اليدين الطـوايل انجيــــــت ابتبعهو ودارى من الخطا ولد الطلق مايمـــــشى الابدلايل اخـــــــاف من زله ومن هرجت المـلا الى يبينون القول لوبالفـــــعايل ايقــــــولها الى ظايق الين والجــــسا ولايشد الحمل والحمل مايـــــل 49 ـ ابو احلام (سعد عايض الرشيدي) يا الله يا إلـي الكل شملٍٍ تلـمي يا رب يا لي ميـت العشب تحييه عسـى السعادة بيننا(ب)تنـمي عـمرٍ طويـل بطاعة الله نقـضيه أخير من حياة هـم(ن)وغـمي وأنـا مـعافى وهـوربي معا فيـه ودي أشوفه و أذكر الله وأسمي وأقـول يا ربي من الشـر تحمـيه وأقول حب(ن)ما يقربك يـمـي لا عـادت أيـامـه ولعـاد ماضيه يامن علي أغلى من عروق دمي وأغلى من النادر على كف داعـية لا تلومني لوصرت شغلي وهمي (ت)ستا هل الحب المثالي وراعـيه وأشوفك أغلى من أخواني وعمي وأغلى منك يا مطلب الروح ما فيه مغـلا منك يا غير معـزة أمـي غـلا حقيـقي وافـياتٍ معانـيه أنـت الـذي من شا نك الحب تـمي وأنـــت الذي حـــبك بقلــبي مخـفـية وأنت الذي بالقلب لازم تضــــمي بــيتك ضــلوعه والسكن في كراسية وأنت الحبيب وغيركم ما ي همي وأنــــت الذي يرتاح بــالي لطا ريــه وأنت الذي تامر وأنا أقـول سمي وأنــت الــذي لو تطلب الروح تفديه وأنــا الذي أرتاح ليا جيت لـمــي أنسى همومي وأشــكر إلي عطا نية يا قاري الأبــيات هــلل وســــمي قل لا إله إلا الله إن كـــنت ترجــــيه 50 ـ ابو هاني يقول من قال الحكم والتماثيل*** شاعرمن الشعاريحسب حسابه ماهي خسارة مدحتي للرجاجيل*** زبن الضعيف اللي زمانه غدابه يابوعباد خابرك رجال حلحيل *** من روس ربعابالملاقاء ذيابه هذاالزمان اللي حياته غرابيل*** فيهاالضعيف اليوم زايدعذابه الواسطه مالي عليها مداخيل*** بالمجتمع ياذيب ماهي غرابه الوضع واضح مايبي شرح تحليل*** وضعي صعيب وكل واحد درابه واضن مثلك عارفه بالتفاصيل***وانادخيل اللي عزيزن جنابه تكفى يابوعبادعليك التساهيل***هذاسؤالي وانت تعرف جوابه حيثك من ارجالا الهم بالقاء حيل*** ورجل لولاءالطيب وش ينبغابه ويالله ياللي خالق الشمس والليل*** الي خلق كل البشر من ترابه انه يفكك من جميع البهاذيل****** في جاه من نزل علينا كتابه والرجو السموحه كان بالهرج تعديل***وإلا كثيرالهرج مابه مثابه وصلاة ربي عد رش المخاييل***** على الرسول اللي طريقه مشابه 51 ـ z المــجهول ــz جتني رسالة من صدى خافق الروح *** وقريتها بإحساس قلبـي وروحـي قريتها وانهدّت قصـور وصـروح *** وأنا من أول عالياتـن صروحـي تشكي تقول القلب يا خوي مجروح *** ما تدري اني غايراتـن جروحـي تهلّ دمع وترفع الصـوت بالنـوح *** واللـي فقـد غاليـه لازم ينوحـي ما كلّمتني يمكن الصـوت مبحـوح *** من النوح وإلا ما استطاعت تبوحي جتني رسالتها بها دموع وجـروح *** وانهَد باسباب الرسالـة طموحـي تقول ياخوي الزمن صار مفضـوح *** والشيب فيني لو تشوفـه يلوحـي يا بو علي مالي بالأغراب مصلوح *** مادام قلب اللـي نحبـه شحوحـي ودّي بشوفك دام الأعمار بفسـوح *** قبل الرحم يا خوي منـا يروحـي زلّ الزمان اللي به أفراح ومـزوح *** أنخـاك تكفـى لا تظنّـه مزوحـي وبعد الرسالة صار بالقلب ذابـوح *** طار المنام وصار فكـري يشوحـي أختي رسالتها لها القلـب مفتـوح *** كلّي لها والقلب ينصـت ويوحـي أقولها ودموع عينـي لهـا فـوح *** وسط المحاجر دمع عيني يفوحـي أجاوب الورقا على عالـي الـدّو ح ***وأنوح من فرقا الرفيق السموحـي والله لو إني وسط الأطباق مذبـوح *** لأظهر كما خطو الحصان الجموحي وأقول يا عين المها ما بها شروح *** لو تطلبين الروح تفـداك روحـي 52 ـ عبد الله معزي ياهـاجـسـي صـوتــا مـــن بـعـيــد نــــاداك = مـــن عـالــي هـضــاب الـمـحـبـه دعــاكــا شــــد الـرحـايــل لــــه وزهـــــب مـطــايــاك = وارخ الـــعـــنـــان لــمــســرجــاتــا تـــبـــاكــــا ارسـم علىطـويـق الجـبـل سـكـة خـطـاك = حــتـــى تـبــيــن لــــــي مــــــواري خــطــاكــا الله يــجــمـــلـــي مـــــشــــــدك ومـــــبــــــداك = ويــزيــن لــــي بــيـــن الـمــهــار مـعــداكــا صـوتــا تنـاديـنـي تـــرا هـاجـســي جــــاك = سـمــعــت فـجــبــال الـضـمـايــر صـــداكـــا تصـرخ علـي وهاجـس السمـع مـوحـاك = لـــــولا الـمـشــاعــر تـسـتـجـيــب لــنــداكــا وايـضــا بـحــوري مــــع تــرنــم شـفـايــاك = تــهــيـــج ويـــــــدب الــهـــلـــع والــهـــلاكـــا ويـسـل واد الشـعـر مــن فـيـض ذكـــراك = لــــو كــــان نـبــتــه مـيــتــا مـــــن بـطــاكــا يالـي مـن غبـون الغـلا اسقيتنـي مـاك = وعـلـيـت نـبــت ارضـــي بـوابــل سـمـاكــا حبـك بحـر وابـحـر مـعـه مـثـل الافــلاك = واســطـــول شــعـــري مــارســـا الابـمــاكــا يـالــي جـبـيــن الـصـبــح طــلــة مـحـيــاك = الــيـــا تـفــجــر فـــــي ضــلامـــي ســنــاكــا ومــن انـكـسـار الـضــو بـالـمـا حـلايــاك = بــيــنـــك وبــيــنـــه بـالــمــيــول اشــتــراكـــا تـكــبــر ويـكــبــر فـــــي هــمـــك وبـــلـــواك = ويــزيــدفـــي قـــلــــب الـمــعــنــى غـــلاكــــا انت الهوى وانت المنى وانت الاملاك = وانــــت الـــــذي جـريـتـنــي فـــــي هــواكـــا عـفــا عـــن الـهـفـوات طـبـعـك ومـبــداك = مــحــشــوم والــعــفـــه تـــكــــون غــطــاكـــا تبطـي تشـيـب تـمـوت لايمـكـن انـسـاك = ويـشـيــب عـصـفــور الــهـــوا مـانـسـاكــا دام الـــغـــرام لــهــاجــس الــشــعـــر وداك = كــــل الـهـجــوس الـغـالـيـه مـــــن فــداكـــا 53ـ الحسن بن عبد الله القحطاني (مسموح يالغالي) تحدثي يا دار عنتـر عـن السيـف اللي من العبسي ورثـه الرشيـدي واذا عجزتي عن سمـو التواصيـف أنا بعد عجـزت قوافـي قصيـدي أذهان حارت في سما الكم والكيف وأستسلمت في مجد فجـر وليـدي أقلام جفت في سطـور التعاريـف وأسقيتها حبر من أقصـى وريـدي يومن تاريـخ الرجـال المشاريـف ما ينكره من كان عقلـه رشيـدي تدللي يا بنـت زفـي الغطاريـف تاريخ عبس اليوم حالـه فريـدي أركى له رجال وغداء حاله مريـف وأثمر وهو من قبل عيشه رغيـدي بعض الشجر تنطر مطرها من الطيف وتموت حيه 0 قبل يوم الوعيـدي وأشجار عبس تغازل البرد والصيف فيها ذراء اللي ما لقى له عضيـدي قد قاله اليامي يوم أنه لفـى ظيـف مجد الفخر بشت الفخر للرشيـدي سفير يام اللي كسى شعره الريـف كساه شالح بشت فخـر جديـدي يام الحلام أهل الوغاء والصواديـف عز لعانيهم علـى الضـد كيـدي صبري على الفرقاء بحر والعناء سيف في بعد ربعي صار وقتـي نكيـدي 54 ـ خالد القصاني البارحه يوم كلاً نام بفراشه ...............اناعيوني من اللذات محرومه كني مريضاً دخل في غرفة انعاشه ....................لاهوبنايم ولاهوقادرالقومه والمشكله جاجتن بالقلب دشاشه ..........من قبل يومين هي بالقلب ورجومه ان قلت قربته اقفة منحاشه، ................تقول انا عندكم ياقوم مظلومه قلت اصبري لين يبداء الصبح بفلاشه، .................والايتجلا ظلام الليل ونجومه قالت صبرنا وطال الصبرونقاشه،، ..........عطني خبر قبل صبحك يبدي يومه قلت اصبري ومنحيني فرصت الباشه، ............أظني أقدر على الموضوع وقومه وانباح نور الصباح وعلمنا ماشه،، ...........والمشكله في رجوم القلب وتلومه الظاهر يشاف قدم الناس كالشاشه، .......والخافي اعظم جسم في داخل أهدومه مايزين الداخلي فخامة أقماشه، ...........لاصارت الذمه من البعض معدومه يمشي مع الناس كنه جملة ادباشه، ..........واليا نصحته عليك يوجه السهومه كنك على قول ابن جدلان غشاشه، .......دائم على الصاقطه تهوي به أعزومه 55 ـ عثمان البراك لا مالت الشمس وتعدت للزوال وللغروب = قمت آتذكر فالزمان وفالليالي وش جرى كنت أحسب ان العاشق اللي يعشق الجادل كذوب = حتى طرالي في حياتي شي ماعمره طرى الله يسترمن عواقيب المسافة والدروب = والله يستر لا تعلقت بمشايخ وومرا وجهت صوبك واكثر العالم مع الأحباب صوب = كل يميز دربه وكل على همه سرى ألا الضميراللي يحسب انه مع الناس محسوب = أفقر من الذرة وفجأة طاح باموال الثرى عمري وانا ما صدّق آشوف النعومة والعذوب = حتى ولا شفت النعومة فالمناطق والقرى يازهرة الأيام لو تدرين باوهام القلوب = أوهامي اللي بالخيال ونوب باحلام الكرى السكر امع الماء يذوب وقلبي بشوفك يذوب =ما كنّ أشوف ألا انت مابين الثريا والثرى تستعذب النظرات نوب وتكتم النظرات نوب = كنك ترى اني أراك ونوب ماكنّك ترى ان كان في عشق المودة والغلا بعض العيوب = أشهد شهادة كلبونا فالمعاييب خشرا سولف تواضع لي وعطني من غلا الأحباب كوب = بريت جروح العالمين ونص جرحي ما برى ودي أعيش بفي رمشك لا رياح ولا هبوب = اعيونك الثنتين ما شا الله ورموشك ذرى قولة جرير اللي حكم للعالمين وللشعوب = مايذبح ألا نظرة عيون الغضيض الأحورا واحترت مدري وش ورى سر الحوادث والغيوب = أما آتقدم خطوة الـــ قدّام ولاّ ارجع ورى اتصدقين اني على الأمرين فالحال مغلوب = وانّ الفؤاد اللي يحبك مات حبّ ولا درى توّي عرفت المغرم اللي بالهوى ماهو كذوب = وتوي فهمت اللي حصل للعاشقين ووش جرى
آخر تعديل بواسطة كاتب الرشيدي ، 24-11-2009 الساعة 08:04 AM.
|
|
|
56 ـ صقر بن عبس ياهجوسي ياهجوسي عزوتي في كل حزهالوعد حان الوعد والليل ياهجوسي سرينا بأفتخر في روس ربعي وآخذ مع الطرق فزه ياعسى ربي على سكة هل الخير ايهدينا ربعي اهل المجد والتاريخ وارجال المعزه والكرم بكفوف ربعي والوفا منا وفينا عبس ربعي عبس قومي عبس ظلي عبس عزه في نهار الموقف الغصاب عبس اهل اليمينا من قبل عصر الصحابه والنبي وحروب غزه والجزيره كلبوها النا من البصره لسينا المليك زهير والفارس ولد شداد عزه عنتر العبسي وكل الناس عنهم عارفينا محتمين احدودنا نقدم على الصف ونعزه لو نشدت الضلع عنا قال كنه من حدينا عبس حنا بوجه جيش الفرس بيرقنا نرزه لين هلّلّنا عليهم مثل نصر الفاتحينا عبس جمره بالقبايل والحروب المستفزه يوم وقت الاسودين وقلة العيشه غزينا ولانزال بديرة الاجداد والعايل نكزه بالسيوف الصارمه نقطع بها عرق الوتينا والعدوعن دار عبس بمقدم الشلفا نخزه كم روسٍ دون ديرة عبس طاحت من يدينا تشهد النا معركه بالبير والضلع وملزه وغزوة شريفه والاخرى غزوة الدبه وفينا وانت ياللي تومي براسك تقل عرنون وزه هل تعلم في فعايل عبس والا جاهلينا اسمع العلم اسمعه لاتحسب ان الهرج رزه اسمعه مدام عبدالله ملكنا محتمينا الجبل مافيه ريحٍ يابيض الشارب تهزه انشد العرّاف في هذا الزمن والاولينا واحفظ اللسانك عن اعراض القبايل لاتدزه انتبه من نزغة الحقّاد وابليس اللعينا انت مع ربعك شبيه لـ كنداليزا بنت بزه ضنوةٍ مالله خلفها لاحلاه ولاعوينا عارفين اصلك وفصلك عرق تين وعرق مزه واحد العرقين سوسه والله اعلم بالدفينا مير ابى اقفل ملفك واتطرّق واتنزه وانسي الموضوع وادله مثل ناسٍ دالهينا والختام ازكى سلامي بالموده والمعزه والله اكبر والله اكبر والله اكبر مهتدينا 56 ـ عايض بن صالح الرشيدي ( ابو صالح الشويلعي ) البارحه سجلت من صيد الافكار نزل البيوت اللي نبيلاً هدفها اسبر نظرعيني على النزل واختار اقز منه الطيبه وخطفها من شأن ماتسولف مفسرت الاشعار اللي مضامين البيوت تعرفها اهل الخيول مروضة قب الامهار فيما تبيه تعنها وتعسفها وانا مدنيلي على الدرب فكسار يخطف من افواه الجوازي لعفها يوم الركايب بالعصا مطرقه نار يقطع مسافه دمعته ماذرفها والخد ميدان المراكب والاحرار لعل حاضرها يواكب سلفها لو تختلف باشكالها دمها حار حذفه وشرهتها على اللي حذفها منها يصابح دار ويمسّي بدار مسافته لو طالت الله خلفها ومنها الياخذله مع الدرب مشوار رجليه بالطرقه ايبيّن جنفها ومنها كثير الياقطع خمسة امتار الناس بالسكه وهو مع طرفها واقع يشوفونه بعيدين الانظار اللي زمان العولمه مانصفها والاقريبين النظر عمي الابصار ماتحق شوف عيونها من صلفها والمركز العمده وسلمان عمار والذيب ابن عطوان يهرف كنفها شعار اهل معنى ومارد ومصدار اوتار عسرات اللحون تعزفها على الذهوب مسلطه مثل الاقمار و ان لاحضة جرباه تلعن جدفها يقوله اللي كان مذهب ودوار ذهيبته ماغيرهم من وصفها حسد القريب وظلم ناقلة الاخبار لو ابدت الايام للناس اسفها انتهاء وقت المسابقة المحدد وانتظرو التصفيات
آخر تعديل بواسطة كاتب الرشيدي ، 02-12-2009 الساعة 03:29 PM.
|
«
الموضوع السابق
|
الموضوع التالي
»
| يتصفح الموضوع حالياً : 1 (0 عضو و 1 ضيف) | |
| خيارات الموضوع | ابحث بهذا الموضوع |
|
|
مواضيع مشابهة
|
||||
| الموضوع | الكاتب | القسم | الردود | آخر مشاركة |
| التصويت على القصائد بمسابقة تشطير أبيات الشعر | كاتب الرشيدي | منتدى الشـــعــــر | 77 | 09-06-2011 06:21 PM |
| نتائج الفائزين بمسابقة الموسم2 لعام 1431هـ | كاتب الرشيدي | منتدى الشـــعــــر | 94 | 09-01-2011 11:35 AM |
| المشاركة..بمسابقة شاعر الموسم 2 | المعزب | منتدى الشـــعــــر | 84 | 06-11-2010 12:23 PM |
| ((( مسابقة أفضل عشر قصائد لعام 1430هـ ))) | كاتب الرشيدي | منتدى الشـــعــــر | 255 | 07-01-2010 11:12 AM |
| افتتاح مخيم رمضان السنوي لعام 1430هـ | سعد الرشيدي | المنتدى الإسلامـــي | 22 | 27-09-2009 04:50 AM |
الساعة الآن +4: 10:10 AM.
جميع الحقوق محفوظة شبكة بني عبس
