[صقر ابن عبس]

اخواني الاعضاء والمشرفين والمراقبين

اهدي لكم هذه المحاوره التي جرت بين
الشاعر /

حمود عبدالله هجنان العويمري

و
الشاعر

/ زايد ابن عدله

في حفل زواج /

فهيد عايد الرشيدي

في قرية افيعيه

يوم الخميس 27/5/1430

البدايــــــــــــــــــــه

حمود هجنان

يامرحبا من هواجيس" بحرها طويل
ردية" يتعب الطرقي على شانها
اشوف بالملعبه شاعر ولاله مثيل
تاجر اليا جاء الخزينه صار سلطانها

زايد ابن عدله

دام البقا فيك ياراع الكلام الاصيل
لكن راس الكحيله جود اعنانها
اليا اعتذر لك زميل يجيك غيره زميل
وانا خصيمك يالينك تسمع اذانها

حمود هجنان

شيء" يجي له بديل وشيء ماله بديل
والخيل ماتركض الا وسط ميدانها
ماكل رجال يقدر يصنع المستحيل

هاك القوافي ووازنها بميزانها

زايد ابن عدله

طبعا" تقوله ولكن مالقيت الك خيل
لكن انا عمك اللي قاد فرسانها
اعرفك يابدر يابن صفوق مالك وكيل
لكن غسان ماهو مثل ورعانها

حمودهجنان

انته من العصر تفتلها بليا فتيل
لكن ياليتها راحت لـ جدانها
مايشبهك بالخليج الاشبيهك نبيل
لكن ليت البضايع وسط دكانها

زايد ابن عدله

انا علومي يابن هجنان مثل الصقيل
لكن لاتنكب الحفله بـــ هجنانها
ماقول رابح صقر ماقول ابو بكر اصيل
ياويلها الحيه اللي مدت اللسانها

حمود هجنان

لاتامن السيل وانته جالس" بالمسيل
اخذ العلوم الطريه واعطنا اثمانها

والسلام ختام

ودمتم بود

الموضوع الأصلي: محاوره جديده بين الشاعر حمود هجنان والشاعر زايد ابن عدله | | الكاتب: صقر ابن عبس | | المصدر: شبكة بني عبس

[محمد عيد عسكر]

اشكرك اخوي صقر بني عبس علي المحاوره الجزله ونشالله انشوف شي صوتي للشاعر زايد بن عدله

[مرشدالمظيبري]

شاعرين مبدعين

[ناصر الخياري]

تسلم يالغلا ...

[المحترف العبسي]

الله يعافيك على النقل