[صقر ابن عبس]

اخواني الاعضاء والمشرفين والمراقبين

اهدي لكم هذه المحاوره التي جرت بين
الشاعر /

زايد ابن عدله

و
الشاعر /

فايز مبارك

في مدينة انبوان

*-*-*-*-*

زايد ابن عدله

مرحبا في حفلة اهل الطيب وافين الخصايل
لابة " من روس عبس اهل المواقيف الجميله

اترك الجوال يافايز والاسماء والرسايل
انت تضحك والبلد صارت بها هزه ثقيله

فايز مبارك

البقا ياللي ترحب وانت كساب الجمايل
عبس عبس العز عبس المجد راعين الطويله

اول الدنيا رحايل واخر الدنيا هوايل
وانت قلي وش تخيله في مزابير المخيله

زايد ابن عدله

البعير اللي يشيل الحمل شال الحمل مايل
عقب ماهو باركن له عيت اعظامه تشيله

الزلازل يم واد العيص وانته يم حايل
كل ماقلت اطلب الله قلت لي ويش ادعيله

فايز مبارك

احتم الميقاف يازايد وشبي يافتايل
وادي اهل العيص يازايد عساه يسيل سيله

ماتمل من الجواب والا تمل من المسايل
كل ماوحى قصة" جاني بها يومي شليله

زايد ابن عدله

لو جمعنا حرب وعتيبه وجبنا عيال وايل
امرا" امن الله قضى ياصاحبي مافيه حيله

الزلازل والمحن صارت من اذنوب القبايل
مير كيف نعدل المذنب عن ادروب الرذيله

فايز مبارك

ليه دمعك ياعميلي من على الوجنات سايل
والعذاب اليا نزل ياصاحبي محد" يزيله

المشايخ نايمه والا انت في عز القوايل
لازم اندور لها ياصاحبي صاحب فضيله

زايد ابن عدله

يالله اني طالبك يارب في كل الوسايل
ترحم اشيوخ ونساء واطفال حيلتهم قليله

الامام اليا خطب بالناس من ضمن الفعايل
يرفع كفوفه ويدعي ربك اللي تلتجيله

وسلامتكم

الموضوع الأصلي: محاورة هزة العيص للشاعرين فايز مبارك وزايد ابن عدله | | الكاتب: صقر ابن عبس | | المصدر: شبكة بني عبس

[(*العرعري*)]

والله اليوم الصباح هزتين ارضيه قويه بالعيص

[العقاد]

يعطيك العافيه اخوي صقر ابن عبس ع المحاوره واعتبرها محاورة رائعه بين شاعرين مبدعين زايدبن عدله وفايز مبارك0
واستاذن اخوي العرعري بتثبييتها

[صقر ابن عبس]

مساء الخير يالعقاد يوجد خطاء في ردك باسم الشاعر زايد ابن عدله

كما انني نسيت ان اذكر وقت المحاوره وهي حدثت ليلة البارحه 15/5/1430

[العقاد]

صحيح وتم التعديل يعطيك العافيه

[البعيد الهادي]

محاوره رائعه بين مبدعين
رائعين
ويعطيك العااافيه اخي صقر بن عبس
وكل الشكر للمشرفين الرائعين العقااااد والعرعري
على المتابعه
ودمتم بود جميع

[(*العرعري*)]

صح لسانهم وبيض الله وجيهم وخذراحتك يابوجابرررررررر

[مرشدالمظيبري]

محاوره رائعه بين مبدعين رائعين ويعطيك العااافيه اخي صقر بن عبس وكل الشكر للمشرفين الرائعين العقااااد والعرعريعلى المتابعه ودمتم بود جميع