|
خيارات الموضوع | ابحث بهذا الموضوع |
|
بسم الله الرحمن الرحيم
السلام عليكم ورحمة الله وبركاته هذه المحاورة بين الشاعر المعزب والشاعر ناصر خنيفر العمده المعزب سلام من الهجوس اللي تراودني وراودها=لها ايامه على العمده تحط الحمل وتشيله وانا ماني على كبحة مواهبها معودها=اجاريها على مد النظر بالحيل والحيله ناصر خنيفر هلابك من هجوسٍ ماتشح ابها مواردهـا=لها ايامن على ريف الطراقي محتمن حيله وانا ماني على كبحت مواهبها محددهـا=اجاريها على مد النظر واعرف تفاصيله المعزب اشوف الذيب والراعي وامر السالفه وادها=ذيابة ديرة الراعي على الراعي تعويله وابو تركي هواجيسه ايصدرها ايوردهـا=تنام الناس وعيون ابوتركي ممرحت ليله ناصر خنيفر ترى بعض السوالف لو عن الطوله تحددها=تريح ضامرك وانا بعد ماجهل بتحليله هواجيسي كما الناظور لطاغـي نسددهـا=ولكن قل لبن عطوان لايعرض معاميله المعزب ماضنك تجهل خيال السحابه مع رعايدها=رعدها في ذنيك وبرقها يالشايب تخيله وابن عطوان علم الذيب والمزنه يشاهدها=يحمس البن بالمحماس ويخلطه على هيله ناصر خنيفر انا ماني بعالم غيب وضح فـي بنايدهـا=انا محكم على الشاعر على شكله وتمثيله بن عطوان مثل البكره اللي في مزاودهـا=تدرهم كل ماغنا المعني في مواويله المعزب تجاهلت العلوم اللي مثل شرواك مقصدهـا=عطيتك موجز الموضوع يامدور تفاصيله وابن عطوان عنها بالدفاع الشرس موعدها=لكن معزب الضيفان لاتتعب مراسيله ناصر خنيفر تجاهلت العلوم اخـاف دعوانـا تصعدهـا=ابوعوجه حكاها وانت اشوفك جبت تكميله علامك قبل لاتعشي ضيوفك قمت تنشدهـا=علينا معزب الضيفان اشوفه مسرجن خيله المعزب ابو عوجه ماناخـذ مـن علومـه لـو يرددهـا=ولكن لاتروح بعيد يامدور على العيله انا مجهـل سلـوم النـاس يالعـود وعوايدهـا=ليا ضاقت عليك معزب الضيفان تشكيله ناصر خنيفر هذولا ربعك اللي فـي علابيهـا مجودهـا=علامك تنكر اللي ياكرب وسطك تناديله عسى ربي يعوض احزاب صرتم من شرايدها=يومن الحرب فوق الروس مشتبه قناديله المعزب علامك عند ابو عوجـه يابوتركـي تحرمدهـا=ليامنا تركنا سالفة عوجان توميله وانـا بالزعفـران وعودهـا والهيـل اقندهـا=ولا خلي شرايد حزبك الاقشر تغنيله
|
|
|
بيض الله وجهك يالعالم الفلكي على التنسيق
المعزب و العمده شعراء بمعنى الكلمه وصح ألسنتهم وبيض الله وجيهم
|
يتصفح الموضوع حالياً : 1 (0 عضو و 1 ضيف) | |
خيارات الموضوع | ابحث بهذا الموضوع |
|
|
مواضيع مشابهة | ||||
الموضوع | الكاتب | القسم | الردود | آخر مشاركة |
الحر النداوي + ابوتركي | العالم الفلكي | قسم المحاورات المنسقة | 10 | 16-06-2009 04:27 AM |
سعد المحيش + ابوتركي | العالم الفلكي | قسم المحاورات المنسقة | 7 | 10-06-2009 11:11 PM |
ابوعوجه + ابوتركي | العالم الفلكي | قسم المحاورات المنسقة | 8 | 12-05-2009 01:01 PM |
ابوتركي + ابوعوجه | العالم الفلكي | قسم المحاورات المنسقة | 1 | 06-05-2009 01:52 PM |
ابوتركي××سرحان | العالم الفلكي | قسم المحاورات المنسقة | 3 | 28-03-2009 12:13 AM |