[سعد الشقل]

واللي بعدك رجال مافيهم قصــور = قدالأمانه والأمانه ثقيلـــــــــــــــــه



شاعر بني عبس

سلام تسليمه بها ورد وعطـور=من هاجس ٍ طبعه يجيب الجزيله
ياذيب كانك غبت ياذيب مذكور=وان غاب ذيب يحل ذيب ٍ بديله

العوضي

يامرحبا ترحيب والبال مسرور = اعداد ماهلت بروووق المخيله
انا معك حاضر لياجاني الدور =وكلن على ماقيل يعرف حصيله

شاعر بني عبس

دام البقى وعداد ماطارت طيووور=يأبن الرجال اهل السيوف الصقيله
عساك لامن رحت تلقالك قصـور=والكل منا يرفـع اسـم القبيلـه

العوضي

حنا رجالن بالمواجيب مانبور=واللي يحمل له حمل يرتكيله
انا ليمن رحت بالعز مخبور=من عبس قومن ماتجيب الفشيله

شاعر بني عبس

اطلب ولي العرش والذنب مغفور=بأمره عسى منزلك راس الطويله
اصحى معي يامعتق الفعل ماجور=والهرج لامن دل يكفـي قليلـه

العوضي

الله نهي المسلم عن الكذب والزور=وبحمل الامانه الله اوصي خليله
صاحي ولي معني ولي فكر وشعور= يوم ان بعض الناس ضيع دليله

شاعر بني عبس

لونك حكمت تعود للقبـر مجبـور=وتحاسب بجزل العمـل والهزيلـه
ان غبت تبقى ساكن ٍ داخل صدور=لو كان في شوفتك ذي مستحيلـه

العوضي

الموت حق وغايتي جنه الحور=والله ينزلنا مع اهل الفضيله
ان جيت ولا رحت للجرح دكتور=اعالج المرضان واشفي غليله

شاعر بني عبس

نهاية المشوار خذ باقة زهور=وسلمت ياراع البيوت الجميله
ارجـو السموحـه لــو بــدى مـنـي قـصـور=وفـمـان ربـــي عـــد مـاســال سـيـلـه

العوضي

مشكورياشاعر بني عبس مشكور=وراع الوفاء وطيب انا ابقي عميله
مابك ردي ونته صقر ورثة الصقور=لحك راس الزند خشم الفتيله

الموضوع الأصلي: المرحله الثانيه .. المحاوره الثانيه شاعر بني عبس × العوضي | | الكاتب: سعد الشقل | | المصدر: شبكة بني عبس

[ابو بيان]

صح اللسنت الشعراء ومشكور على التنسيق

[محمد الراشد]

صح السنتهم جميعا وطاروق جميل

[العمر واحد]

العوضي

الله نهي المسلم عن الكذب والـزور

وبحمل الامانه الله اوصـي خليلـه

محاورة طيبه

لكن المعنى عن الامانه والشعراء اتجهو اتجاه ثاني للكذب والزور ودار الاخره والخ000 معدا هذا البيت للعوضي وعجز البيت غير موزون ومكسور كسر واضح 0

وجهة نظر قابله للصواب والخطاأ

[العووضي]

اشكرك علي اجتهادك لكن البيت واضح كوضوح الشمس في منتصف النهار

[الحر النداوي]

صحت ألسنتكم شعراء كباااااااااااار

[هذا انا]

صح السنتكم

[الغريب*]

صح السنتهم جميعا وطاروق جميل