[نايف سليمان]

السلام عليكم ورحمة الله وبركاته

هذي محاوره جرت بين السبع الضاري وشاعر الثقلين أنقلها إليكم

السبع الضاري

كل مااشوف النجوم المضيئه بالسمـا=اكتم انفاسي ولـو سـاس بيتـي فوقهـا
والسبب من رأس مابه سنون ولاجما=صـار لـي بشـت ٍ تبـذ الخفـا بفتوقـهـا

شاعر الثقلين

جعل عينك مايجيها مع الوقـت العمـا=كل مالديت نجم السمـا فـي موقهـا
خل راس ٍ قد توفا من اسباب الظمـا=وطش بشت ٍ تبلشك في وساع شقوقها

السبع الضاري

انـت باصرنـي:وش اللـي دهـانـي كلـمـا=طاح ذوقي والثعالب تعلاّ ذوقها ههههـه
ان تركت الرأس الأبيض ذبحني من رما=والسحابـة خفـت ارعـودهـا وابروقـهـا

شاعر الثقلين

مالك الا الصبر يالسبع يمكـن ربمـا=السباع بتالي الوقـت يرفـع سوقهـا
ان تركت الراس الابيض تحدر لضرما=لين برقا تعتزي لك وتفـزع روقهـا

السبع الضاري

الصبـر لطـال ضـاع الزبـيـدي والكـمـا=والعرب وش ضيع اديارها و احقوقها؟
خايـف انـك بعـد بكـره تقـول انـه هـمـا=والامانه لـو يطـول الزمـن ماتبوقهـا!!!

شاعر الثقلين

يارجال المعرفه كان هرجي ماسما=والله ان الدله الفايره مااسوقهـا
من يدقق رمية السهم لامنه رمـا=منه بنت القوم تنعى وتبكي شوقها

السبع الضاري

رأسك اشهب من كثر مايفوح من الدما=خنجـر ٍ شرايهـا عـاف كـثـر ادقوقـهـا
العوض بعـد اربعميـة سنـة فيـذا النمـا=كـان نشبـت لقمـة الملحـجـة بحلوقـها

الموضوع الأصلي: محاورة السـبـع الضـاري مــع شــاعـر الـثقـلين | | الكاتب: نايف سليمان | | المصدر: شبكة بني عبس

[العالم الفلكي]

صحت السنت الشعار

مشكور يانايف سليمان على التنسيق

[نايف سليمان]

اقتباس من مشاركة العالم الفلكي صحت السنت الشعار مشكور يانايف سليمان على التنسيق

لا هنت على المرور المشرف

[عبدالهادي بن صبح]

شعراء كبار صحت السنتهم

أشكر المنسق

[شاعر الجيلين]

الله اكبر

صح السانك يالسبع الضاري وصح السانك ياشاعر الثقلين فطاحله شعر الله يديمكم

[المعزب]

كل ماشوف النجوم المضيئه بالسما = اكتم انفاسي ولو ساس بيتي فوقها
والسبب من راس ماله سنون ولاجما = صارلي بشتاً تبذ الخفا بفتوقها

اهب اهب ياخوي المعزب الله اكبر عليك اشهد بالله ان هالبيتين يضرب فيهن المثل؟

ولايهون شاعر الثقلين