[JljJjJl]

بسم الله الرحمن الرحيم
محاورة جرت بين الشاعرين
العميد ..و..الإممبراطور
يوم الاحد ليلة الإثنين 18ِِِِِ\ 6 \ 1429هـــ
الجحش
[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]يامرحبا ردّه تهز طويق وجبال السراه=وجبال مكة والعلم وجبال حائل كلهـا
الليله الليله حضر شاعر رفيعٍ مستواه=الشاعر اللي خوّته مهما حصل ماملها [/POEM] ثنيان
[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]فيك البقا يالشاعر اللي دور العلـم ولقـاه=ردة وفا من راسها عقد الحبـال وحلهـا
ولله يبارك فيك ونته غايت الشيخ وهـواه=يامن سقيت الشجره الخضرا ونمت بضلها [/POEM]

الجحش
[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]برنامج المليون وجّهنا بعكس الاتجاه = لكن عرفنا من خلاله ناس طيّب دلّها
من مازرع لو ياجد الزرع بطريقه ماجنا ه = والناس لو تأخذ من الدنيا دروس احسلّها [/POEM]

ثنيان
[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]برنامج المليون مانجمع صوابه مع خطاه=الاوله ياطيبها والثانيه عكسلها
والسكر الحالي لازاد الما عليه اقفى حلاه=اقولها وتقولها والناس عني قلها [/POEM]

الجحش
[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]شفنا الرحاه إتدور ماندري وش اللي بالرحاه = الظاهر انه حب من حب العجوز وخلّها
الصيف لو نوّه نشاء مابل حلق الطير ماه= والطير لاجاه العطش هز السبوق وتلّها [/POEM]

ثنيان
[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]الغيب محدن يعلمه والموت معدوم النجاة == والحبه اللي تدخل ببطن الرحى لعلها
والسيل يلقاله ثرى والعج ما يذكر ثراه == ياللي على هداج بل الكبد هيا بلها [/POEM]

الجحش
[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]الحب من حب العلوج وكل حبٍ من ذراه = واللي يبى النجمه بلا سلطان مايصلّها
السيل جاك أمع الوطاء والبرق يبرق في سماه = والنجم يهوي والجبال النايفات يهلّها[/POEM]

ثنيان
[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]ياللي تسولف بالعلوج الهرج هذا وش وراه = لاتنشد المسلم عن اعلوجن مهو فاضلها
المذن اذن للصلاه ونام ما صلى الصلاه = وانا استحيت اقول للمذن صلاتك صلها [/POEM]

الجحش
[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]الضلع من ماواق في راسه ماشاف اللي علاه = حتى لو الاحمق تعزوى بالسيوف وسلّها
اليا اذن المذن توض وصل ياقاض القضاه = واليانتهيت امن الصلاه اجلس شوي وفلّها [/POEM]

ثنيان
[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]يالي تسولف مع عميلن يعرف العد وغطاه = البير ماهي معجزه دام الرشا ينزلها
مضحك على الرجال لاطاحت اسنونه من جماه = يمكن يبرطم بالبراطم والدموع ايهلها [/POEM]

الجحش
[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]الوارد اللي يارد الما والرشا ماهو رشاه = يمشي من الجمّه وكبده ناشفه مابلّها
راحت على الباب الشمالي والشتى ذعذع هواه =والنفس تزعل والرضى مهمايكون اجملّها [/POEM]

ثنيان
[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]الليل يجليه الضحى والذيب في بطنه عشاه = واللي اعيونه بارزه جاها الخلال وخلها
السر من بيني وبينك حط من فوقه صفاه = لا يختلط من بيننا دق الحياه وجلها [/POEM]

الجحش
[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]الذيب لو حصل عشا ماجرّ بالنايف عواه = وان كان في بطنه عشا يامل عينه ملّها
مال الحياه دقاق ياثنيان برّق فالحياه = كتب اللغّه بالمكتبه والمكتبات اتدلّها[/POEM]

ثنيان
[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]فرعون طاغي في بلاد النيل واشر الطغاه = لكن موسى طق خشمه بالعصا وإحتلها
ياعالم الذره لا تزعل لنكرك راع الشياه == وشلون تزعل والفروض الخمس ماكملها [/POEM]

الجحش
[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]موسى ماهو موسى النبي حتى العصى ماهي عصاااه = ابو عصى هذا تلقّا مليها وشتلّها
اذا النجوم ( و) كورت والليل عسعس في دجاه = وذا البحور (و ) فجرّت ) خذها لاوالله خلّها [/POEM]

ثنيان
[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]لاتكذب القرأن يوم ابوك وسط اذنك قراه = ياشين كبد ابوك لتصير السبب في غلها
ياسارقن ثوب البعيد اللي غدت فيه الوفاه = اشرب بحر واموات خلق الله منى ربلها [/POEM]

الجحش
[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]يالشاعر ثنيان موسى ذا ماهو موسى هذاه=فهمت والا اعيدهـا الله لايعيـد اسجلّهـا
لاوالله الا ياجمل فجّرت فـي فمـك اللهاه=لكـن لهاتـك بعدهـذي ضفهـا وفطلّهـا[/POEM]

ثنيان
[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]العبد ربه يامره ربن ملى الدنيا عطاه = يمهل ولا يهمل اعباده ماهما يمهلها
لسانك اللي عقب البرطم متدري وش بلاه == بلاه من كبر البيوت اللي عليك اصلها [/POEM]

الجحش
[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]عزالله انك بنت في راس الجبل مثل القطاه=تبا المكاسب والمكاسب مانته بكفـو لّهـا
كم واحدٍ قبلك تمنّى مير ماحقـق إمنـااه=انا الجحش شاعر وأهين الطاغيه وأذلّهـا [/POEM]

ثنيان
[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]البيت هذا ضعيف لا يزعل ولا مدور جزاه = لن الضعيفه مايجيني لوم يوم ازلها
انا وصلت الى الكواكب بالبصيره والقناه= ولا أنت في بطن الشعيب احفر لها ودفلها [/POEM]

الجحش
[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]صحيح هذا البيت فيه الضعف واضح واشتباه = مكسور لكن خاطب اصحاب النظر وارسلّها
اللي بنا بيته وهدّه مانقول انه بناه = وأنا على شاني ضعونك جبتها مجتلّها[/POEM]

ثنيان
[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]الفقر بيته ينعرف مهو مثل بيت الغناه = ونته يزولك وغيرك ناسن ايزولها
باقي معك وحده من العشره وعمك والوصاه = وانا وليتك والطلايب كلها مضحلها [/POEM]

الجحش
[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]بيتي من الفولاذ ويذريك يالعاري ذراه = والناس لاتنهش جسدها والكبود تعلّها
وشلون تالا وانت مالي واحدٍ مأحدٍ ولاه = يابو عيونٍ كحلها برموشها زاهلّها [/POEM]

ثنيان
[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]ضلف الحويه للرقبتها جاب سكين الذكاه= وذكاتها سالت ولا يفها بقن يثغلها
انا الخصيم اللي تبي تبطي وقلبك مانساه = ماني مثل صحبانك اللي في لحاها اتلها [/POEM]

الجحش
[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]اكلتلك صكه على الطائر يابو كوت وعباه = صكّه لها التاريخ يشهد ماقدرت اتقلّها
انت الخصيم اللي نشب راسه وقرنه في قفاه = واصحابي الشعار والله مأنته بقدّلها [/POEM]

.
.
.
.
.
المحاورة تعتبر مجال خصب للنقد وماكتبتها إلا لذلك....إنتظروني

الموضوع الأصلي: تنسيق محاورة ثنيان وعميدالشعراء...مع النقد.. | | الكاتب: JljJjJl | | المصدر: شبكة بني عبس

[هداج تيما]

الجحش
شفنا الرحاه إتدور ماندري وش اللي بالرحاه
الظاهر انه حب من حب العجـوز وخلّهـا
الصيف لو نوّه نشاء مابل حلق الطير مـاه
والطير لاجاه العطش هز السبـوق وتلّهـا

ثنيان

الغيب محدن يعلمه والموت معدوم النجاة

=والحبه اللي تدخل ببطن الرحى لعلهـا

والسيل يلقاله ثرى والعج ما يذكر ثـراه

=ياللي على هداج بل الكبد هيـا بلهـا

الجحش

الحب من حب العلوج وكل حـبٍ مـن ذراه

واللي يبى النجمـه بـلا سلطـان مايصلّهـا

السيل جاك أمع الوطاء والبرق يبرق في سماه

والنجـم يهـوي والجبـال النايفـات يهلّهـا

ثنيان

ياللي تسولف بالعلوج الهرج هذا وش وراه

لاتنشد المسلم عن اعلوجن مهو فاضلهـا

المذن اذن للصلاه ونام ما صلى الصـلاه

وانا استحيت اقول للمذن صلاتك صلهـا

المعنى منها بدا

والواضح ان الشاعر ثنيان لم يستقبل

المعنى المرسل من الجحش

وايضآ من متابعتي الى محاورات الجحش

يتضح لي ان الجحش له اسلوب اجده في اغلب محاوراته

وهو انه يدل الجمهور ان خصمه لم يلتقط معناه وان الخصم راحت عليه

راحت على الباب الشمالي والشتى ذعذع هواه
والنفس تزعل والرضى مهمايكـون اجملّهـا

على العموم المحاوره كانت رائعه

واستمتعنا بها

ونقول الله يبيض وجه الشعراء

والله يعطيك العافيه يا الزلزال على هذا التنسيق الرائع

[المرعب]

تنيان
البيت هذا ضعيف لا يزعل ولا مدور جزاه
لن الضعيفه مايجينـي لـوم يـوم أزلها

أعتراااف خطيرر........ !!!؟؟؟؟

الجحش

صحيح هذا البيت فيه الضعف واضح واشتباه

مكسور لكن خاطب اصحاب النظر وارسلها

تأكيد الأعتراف

الجحش

[GRADE="DEB887 D2691E A0522D"]

راحت على الباب الشمالي والشتى ذعذع هواه
والنفس تزعل والرضى مهمايكـون اجملّهـا

[/GRADE]

[GRADE="00BFFF 4169E1 0000FF"]
صدقت والله يالجحش ليتها بس هذي هههههه خلونا ساكتين أحسن !!!
[/GRADE]
[GRADE="DEB887 D2691E A0522D"]تحياتي للجميع [/GRADE]

[على هونك]

بسم الله الرحمن الرحيم

محاورة جميلة في نظري انها زادة عن حدها لكثرة الابيات على مشارف النهاية

عندي تعليق بسيط


عزالله انك بنت في راس الجبل مثل القطاه
تبا المكاسب والمكاسب مانته بكفـو لّهـا


رد ثنيان


البيت هذا ضعيف لا يزعل ولا مدور جزاه
لن الضعيفه مايجينـي لـوم يـوم أزلها


كلام في مكانه وهذا من ذكاء الشاعر للخروج في صورة امام الجميع توكد بانه

يترفع عن سواقط الكلام ويجاهر فيها امام الجميع لكي يثبتها على خصمه وهذه تعتبر الضربة القاضية للخصم



رد الجحش

صحيح هذا البيت فيه الضعف واضح واشتباه

مكسور لكن خاطب اصحاب النظر وارسلها


بيت متواضع كان يريد ان يجعل عيب البيت وضعفه في للوزن والقافية وليس في النطق والمعنى وذلك تضليل واضح

[سعد الشقل]

محاوره جزله من شاعرين غنين عن التعريف ../

أشكر اخي الزلزال على التنسيق ./

وفي انتظار الانتقاد منكـ أيها الناقد الجديد ..//

[ناصر خنيفر]

الزلزال مشكور على التنسيق والمحاوره ممتازه لم الاحظ شي يخرج عن المالوف حالهم حال كبار الشعار وهذه حال المحاوره فيها بيت قوي وبيت وسط وبيت ضعيف خاصه اذا طولة والاهم من هذا من يكون الجحش ههههههههههه

[(فارس الرشيدي)]

ثنيان


انا الخصيم اللي تبي تبطي وقلبك مانساه
ماني مثل صحبانك اللي في لحاها اتلها



الجحش

انت الخصيم اللي نشب راسه وقرنه في قفاه
واصحابـي الشعـار والله مأنتـه بقدّلـهـا

ياشيخ ياجحش اشهد بالله انك بلوى وانك شاعر من اكبر شعّار الخليج على ذمتي ومدافعتك عن حتى اخصماك الشعراء تثبت انك غريب بهالدنيا

[البحتري]

السلام عليكم ورحمة الله وبركاته

بصراحه محاوره بغاية الروعه بين الجحش والشاعر العملاق ثنيان سرور اتمنا لشعارنا دوام التوفيق والنجاح ... الف الشكر للقائمين على هذه المحاوره تقبلوا تحياتي