[مساعد الخياري]

[frame="13 70"]
أخر زمن صار القهر فيه عادي
وتعودت نفسي على الضيم والجور
إن رحت ولا جيت مالي منادي
أصبحت كني شخص ميت ومقبور
وحتى الصديق اللي عطيته ودادي
بيني وبينه كون حجاب مستور
جلست أعد النجم والليل هادي
يانجم لو تدري وش بداخل الزور
يانجم أنا ماني عن الدرب غادي
لا كن بدورات الزمن صرت مجبور
تسهر عيوني ماتذوق الهجادي
والصدر من كثر الهواجيس محشور
والدمع من عيني غدا شي عادي
والفكر في كثر التفاكير مسحور
شفت العناء شفت الوزى والنكادي
وأصبحت بالدنيا مع الهم مسرور
سندت مع وادي وفيضت وادي
ولقيتهن كل من السيل محفور
أحد يعيش بدنيته بالسعادي
وأحد يقضي عمر دنياه محسور
والله هو اللي للمخاليق هادي
أحد مع أهل الحق وأحد مع الزور
أحد إتعض من قوم لوط وعادي
وأحد غفل عنها ولا طاع بالشور
وأحد تجاهلها وأخذها عنادي
مايحسبنه عقب مايموت منشور
وأحد سجد طاعه لرب العبادي
وآمن برب كون رمال وبحور
لا كن عسا الله لي يحقق مرادي
في جنة الفردوس نسكن مع الحور
وأرتاح من ضيم الدهر والمعادي
وأصير من عقب التعاسات مسرور

الشاعر \\ بركه صالح الخياري
[/frame]

الموضوع الأصلي: آآآآخر زمن لشاعر \\ بركه صالح الخياري | | الكاتب: مساعد الخياري | | المصدر: شبكة بني عبس

[ابوطافش]

صح لسان الشاعر

[مساعد الخياري]

صح بدنك

أبو طافش

ومقدر لك مرورك

[ابو محمد العريض]

تسلم اخوى مساعد على النقل

وصح السان الشاعر

[مساعد الخياري]

أبو محمد العريض

صح بدنك و شاكر لك مرورك و دمت بود

أخوك مساعد الخياري