[خليف الوهيداني]

قصيده بالصديق العزيز حميد حمدان الشويعلي/شاعر القمه

البارحه سجيت الا فكـار مشـوار = في ليلة(ن)نجمه سطع من ظلامـه
وليلي على جـزلات الامثـال دوار = وخذتلي سجـت فكـر ونسجامـه
وحكرت فنجالي مهيـل ومسمـار = ومعنى الشعر قام يتزايـد زحامـه
ويلعب بفكري لعب بالميق طيـار = يومه خذا قـدم السمـو ابترامـه
قلت اعتذر لكن ماتفيـد الا عـذار = عند الخيـار وناطحيـن الجهامـه
وعند الذي بالازمـه درع وستـار = وزداد مع فعـل المراجـل قرامـه
وطيب وله بالطيب سيره ومعبـار = ومحسوب لا حسبوا رجال الشهامه
وبالشعر يغرف من عميقات البحار = ويرقا الجبـل ماينحـدر للعدامـه
حر(ن)نداوين علـى كـف صقـار = يعجبـك لا هـدوه قـو انصرامـه
ون جاء الزوم وحزت الضيق مابار = غيث(ن)سقى الارض السنيه غمامه
يامرحبا ترحيبت(ن)سـر وجهـار = بحميـد راع المرجلـه والكرامـه

الموضوع الأصلي: ويلعب بفكري لعب بالميق طيـار | | الكاتب: خليف الوهيداني | | المصدر: شبكة بني عبس

[سعد الشقل]

صح اللسانك يا خليف على هالقصيده الممتازه

ويستاهل الشويلعي ..//

[مرزوق العجوني]

صح لسانك ياخليف ويستاهل حميد وتقبل مروري

[ابو راشد العبسي]

صح السانك على القصيده

[خالد البغيلي]

صح لسانك ياخليف ويستاهل حميد وتقبل مروري

[عادل بن هون]

يستاهل

مبدع كما عهدناك ياخليف

[حــزام]

بيض الله وجهك اخوي الشاعر خليف الوهيداني
وصح السانك قصيدة تفر

[حــزام]

بيض الله وجهك اخوي الشاعر خليف الوهيداني
وصح السانك قصيدة تفرض نفسها
ولاخلا ولاعدم