[سعد الشقل]

ناصر الشويلعي

اثر الجحش مايسري الا اخر اليل=وانــا احسبـنـه مايتـعـدى مـحـلـه
هـذا زمــان ٍفـيـه كـثـر التهـاويـل=حتى الجحش لـه صـورة ٍبالمجلـه

رشيدي من الشمال

الجحش ياناصر يحب التعاليـل=يبيك لكن مالقى احد (ن) يدلـه
شفته وهو مقفي يجر المواويـل=ولا عاد ندري بعدها وش حصله

ناصر الشويلعي

صرت انت من حضه لحيث نك حليل=تعـرف وش اللـي يطلـب وصاحيـلـه
رح اتبعه وان اعجبـك نـاد ابـو ذيـل=تـراه يمـون ولـو تبـى الجحـش كلـه

رشيدي من الشمال

انته تدور له وترسـل مراسيـل=وانا ما ادور له ولا مرسل (ن) له
وان كان يوجد من وراكم محاصيل=قلي وابو ذيـل ان تعـداك قلـه

ناصر الشويلعي

صـحـيــح الــدورلـــه والــدربـــل بـدربــيــل=وانــــــت بـنـيــابــه جـيــتــنــي فـزعــتــلــه
مــالـــي لـــــزوم ٍفــيـــه يـاغــيــر لــشــيــل=وسبحان من جابك تشيل الك حله

رشيدي من الشمال

انته تدور يابـو خالـد مداخيـل=لكن فرضـك لا تذكـرت صلـه
انا احسبك من ضمن ركابة الخيل=واثرك لا شفت الجحش ماتملـه

ناصر الشويلعي

عزالله انك رجل وافي وحلحيل=وجبلـتـك ياحيـهـا مــن جـبـلـه
وانا شهدنك شاعر ٍ توفي الكيل=منته من اللـي فيـه شكـه وعلـه

الموضوع الأصلي: ناصر الشويلعي × رشيدي من الشمال | | الكاتب: سعد الشقل | | المصدر: شبكة بني عبس

[أنكسارحلم]

بيض الله وجهك ياسعد
على سرعت التنسيق للمحاوره اشهد بالله
انك كفو والله يوفقك بالدنيا والاخره
تقديري

[رشيدي الشمال]

بيض الله وجهك ياسعد
على التنسيق
والله يوفقك
وتقبل تحياتي

[بحــ الخليج ــر]

بيض الله وجيه الشعار ناصر الشويلعي ورشيدي من الشمال قمة الروعة بالفتل والنقض باسلوب راقي وهذا يدل على تمكن الشاعرين من فن المحاورة
وبيض الله وجه المشرف سعد الشقل على التنسيق والمتابعة

[نايف سليمان]

صح ألسنت الشعراء محاوره قيمه

هذا زمان ٍفيـه كثـر التهاويـل=حتى الجحش له صورة ٍبالمجلـه

[عبدالعزيز الخياري]

صح الله السنة الشعراء ناصر الشويلعي ورشيدي الشمال
والف شكر لك اخوي سعد على روعة التنسيق الذي يسهل قراءة المحاوره

تقبل تحياتي

[منصور العجوني]

صح الله السنت الشعار وعاش المنسق سعدالشقل