[خليف الوهيداني]

قيلت القصيده بحفل زواج اخينا الشاب حمود خلف الخزيم
بامنطقة حايل

جيتك وحضرت ماحسبت لشغالي=ومن شانك أشغالنا يالقرم نخرها
ولو كنت حافي قدم جيتك ولابالي=من دونك الرجل ماوالله نقصرها
ياللي الك بالوفا والطيب منزالي=ويمناك بالطيب والمعروف غامرها
يامسند اللي شكالك عثرت الحالي=لاجاك نفسه هواجيسها تحاصرها
وقت الشدايد تقوم وترخص المالي=ويمناك بالضيق ماتحسب خسايرها
أجهر بها فيك ورمي قدمك عقالي=وعلومك مثبته والكل خابرها
ياحر يامعرب الجدين والخالي=ياللي علوم المراجل ماتغيرها
وبحفلنا مرحبا بابعيد وموالي=ترحيبتآ ماتكدر وجه خاطرها
باظيوفنا مرحبا رجال رجالي=نيابتآ عن حمود علن وكررها
ولفراد كل القبيله أهد المثالي=وأهد التحايا لغايبها وحاضرها
وشمل بها شيوخنا ماضين الفعالي=عز الجلاوي ومسند من يقاصرها
أهل الكرم والوفا وعيال الابطالي= لا قامت الحرب وشتبت سعايرها
لفعالهم مابها عنادآ ولا جدالي=وبحقوقنا الناس والله مانسايرها
ولاتهزنا هرجت اللي مالهم والي=اللي غدا الذل فيها عن عشايرها
ناسآ تبيع الشرف باجنيه وريالي=وصحابها في رذايلها تخاشرها
وقتآ مضى طيبنا لليوم مازالي=نموت بالمرجله ولا نغيرها
ولانجحد الطيبه في زيف القوالي=الطيبه في جميع الناس نذكرها
ويامرحبا بالشمال بحايل الغالي =وأميرها اللي فعل يمناه باطرها
وفي مملكتنا الحبيبه عد همالي=وعد المساجد والاذان اب منابرها
في مملكت من بحكمه ماحدن عالي=عسا ذنوبه عظيم الشان يغفرها
عبد العزيز البطل زيزوم الجيالي=اللي بلاده باشرع الله مطهرها
ورحل وعقب لها شجعان وعيالي=ولاغيروا في قواقنين متخيرها
وخلو بها الامن حتى بالخلا الخالي=في شرقها وغربها ويمين ويسرها
وحنا فدا للوطن في كل الحوالي=تامر علينا ونمشي تحت أوامرها
في عهد من لعظم القالات حلالي=أصعب قضيه ليا جاها يدبرها
عبدالله اللي ستر لدار وظلالي=اللي بطر شعبها وزاد ابتطورها
دارن سكنا غلاها سهال وجبالي=ودبل غلا برها نهضت عمايرها
هي درت الارض والله مالها أمثالي=أجمل مناظر باهالدنيا مناظرها
مهبط وحي ماسكنها كل دجالي=حكامها سترها والله ساترها
وبحفلنا مرحبا بابعيد وموالي=ترحيبتآ ماتكدر وجه خاطرها

الموضوع الأصلي: ويامرحبا بالشمال بحايل الغالي | | الكاتب: خليف الوهيداني | | المصدر: شبكة بني عبس

[امير الحرف 2]

صح السانك على القصيده

[مسندالعويمري]

خليف الوهيداني

صح لسانك على هالقصيده الوافيه في معانيها

والوافيه من وفا شاعرها

[سعد بن عادي]

صح لسانك يا ابو خلف


وحمود يستاهل من يعنا له


وعسا زواجه مبرررروك

[مرزوق العجوني]

صح لسانك ياخليف على الرائعه ولا هنت

[امير الحرف 2]

مسند العويمري رجاء لاتعدل مشاركاتي انت تفهم ولا لا
هذه وجهة نظري ولا لك دخل فيها انا قلت بانها اقل من عاديه وهذا رايي
والله مابقى الا تجبر الناس على ذوقك كل وذوقه يالعويمري
واختلاف الراي لايفسد للود قضيه
مرة اخرى لاتتدخل في مشاركاتي علم

[سعد الشقل]

اقتباس من مشاركة امير الحرف 2 مسند العويمري رجاء لاتعدل مشاركاتي انت تفهم ولا لا هذه وجهة نظري ولا لك دخل فيها انا قلت بانها اقل من عاديه وهذا رايي والله مابقى الا تجبر الناس على ذوقك كل وذوقه يالعويمري واختلاف الراي لايفسد للود قضيه مرة اخرى لاتتدخل في مشاركاتي علم

اول شي صح اللسان الشاعر..// خليف الوهيداني

على القصيده الرائعه والجزله بمعانيها


اما بخصوص اخي امير الحرف

اخي الكريم ..// ماشالله عليك انت ما خليت احد ما انتقدته من الشعار

وللعلم اني ما عمري شفت لك بيت شعر بالمنتدى..//

وياليت اذا عندك شي جزل تقدمه لنا عشان انتعلم من خبراتك الي تبني عليها النقد

مع خالص التحيه للجميع..//

[خليف الوهيداني]

اقتباس من مشاركة امير الحرف 2 صح السانك على القصيده

صح بدنك

بس انت مسبب مشاجره وياليت اني شاهدت انتقادك

بعدين ياخي ارسل لي على الخاص على شان اشوف انت على حق والا على باطل على كل حال انتقادك على راسي واذا مزعلك شي من القصيده انا حاضر وياليت تمنع الاسما المستعاره

ومشكور يامسند العويمري

مسند العويمري رجاء لاتعدل مشاركاتي انت تفهم ولا لا
هذه وجهة نظري ولا لك دخل فيها انا قلت بانها اقل من عاديه وهذا رايي
والله مابقى الا تجبر الناس على ذوقك كل وذوقه يالعويمري
واختلاف الراي لايفسد للود قضيه
مرة اخرى لاتتدخل في مشاركاتي علم



قريت ردك على مسند ومن قال انها ماهي عاديه رضا لك اقل من عاديه

بس لي الشرف ان باوسط حروفها مؤ سس المملكه العربيه السعوديه عبدالعزيز بن سعود وصقر العروبه عبدالله بن عبدالعزيز وشيوخ قبيلتي

وسطور مايعلم بها الا المحنك والذكي وياليت كان انتقادك بغير هذا المثل

لك تحياتي واقول المسند اعرض القصيده لنقد وافتح المجال الامير الحرف


وانا موافق

لكم احترامي ابن خزيم