[بنت العبسي]

ودِّي أمُـوتْ .. اليُـوم ... وأعيـش باكـر
وأشوفْ مِنْهـو .. بعـد مُوتـي فقدنـي ..!

ومِنْهو حَمَلْني لِيـن .. ذِيـكْ .. " المقابـر"
وأشْكـرْ أنـا .. كِـل مِـنْ كَرَمْنـي ودِفنِّـي

وبشُوفْ .. يرثيني أنـا كَـمْ [ شاعـر ] ..؟
ومِنْهو تركْنـي .. ومـا كِتَـب شَـي عنِّـي

شِخصٍ تعنَّـى لـي .. مـع إنـه .. مسافـر
وشِخـصٍ قِريـبٍ .. وآنـا مَيِّـت / طعنِّـي

وشِخصٍ يمثِّل دمعِتَـه .. مـا هـو قـادر !
وشِخصٍ تِطيـح دموعـه كِـلْ مـا ذكرنـي

ومِنْهو مِـنْ أهلـي ف العَـزا كـان حاضـر
ومِنْهو دعى لي فـي " صلاتـه " ورحمنـي

ومِنْهـو بنـى [ بإسمـي ] سبيـل ومنابـر
ومِنْهـو يفـز قلبـه .. إلا مِــنْ لمحـنـي

ومِنْهو عشانـي : طُـول الأيـام ساهـر ..!
ومِنْهـو ثـلاث أيَّـام .. راح وتركنـي ..؟

ومِنْهـو يرتِّـب .. غرفتـي .. / والدفاتـر
وإن شاف ( صوره ) لـي مـاتْ وحضنِّـي

يالله عسـى .. مـا تغفـى كـل المشاعـر
ويالله عسـى .. مـا ينصِـدِم يُـوم ظـنِّـي

خايـف يـروح العُمْـر .. وأكُـونْ خاسـر
وإن طـار طيـري .. مـا يفيـد / التمنِّـي

وخايـف يجينـي وقـت : أكْسِـر خواطـر
إن دارت الدنـيـا .. وزمـانـي كسـرنـي

ومـدام هـذي الدنيـا .. صـارت مظاهـر
وكِـلْ مَـنْ علـى كيفـه .. وجَـوَّه يغنـي

الضيـق وافـي .. والحـزن حيـل وافــر
والجـرح أكثـر شـي .. شفتـه يحبـنـي

عايـش وميِّـت بيـن .. ماضـي وحاضـر
والصبـر [ مفتـاح الفـرج ] ضـاع منِّـي

قل وش تبـي وتتركنـي يـا حزنـي آمـر
مسكيـن فرحـي / تصـدِّق إنَّ وحشنـي !!

( شاعـر ) ولكنِّـي .. مانـي ب شـاعـر
ودِّي أمـوت اليـوم .... وأرتـاح منِّـي !!


اعجبتني جداً فنقلتها

الموضوع الأصلي: منهو بعد موتي ذكرني ؟؟؟ | | الكاتب: بنت العبسي | | المصدر: شبكة بني عبس

[عبد العزيز]

يسلموووو على الذوووق والاختيار الرائع

[بنت العبسي]

هلا وغلا
يسلمك الرحمن من كل شر

[مرزوق العجوني]

مشكوووووره على نقلك لهذه الرائعه لنا ولا هنتي

[مسندالعويمري]

الله يستر مقبره
مشكوره

[المعزب]

تشكرين اختي بنت العبسي على هذه المشاركه

التي لاتخلو من العبر والتذكير

احسنتي وتقبلي تحيتي

[الهنوف]

غاليتي بنت العبسي
قصيدة رائعة ..مبدعة حتى في إختيارك

الله يعطيكِ العافية ووفقكِ الله

دمتِ بخير
أختك الهنوف

[بنت العبسي]

هلا وغلا بالجميع

ظننت ان القصيدة فائقة الروعة لذا نقلتها
ولم اعلم ان تواجدكم سيكون احلى منها سلمكم المولى جميعاً ونعم الحضور حضوركم