[رشيد]

كلمات سمو الشيخ : حمدان بن محمد بن راشد آل مكتوم ( فزاع )



يا آخر طموحاتـي وذروة حنينـي
تلبس على فالك وانا بفالي امـوت
..
اموت في اللبس الخفـي المبينـي
والشعر لامنـه تناثر على الكـوت
..
الصوره اللي بين خدك وبينـي
تقول ياسكـر تعال إلمـس التـوت
..
فعيونـك تحتها شامتينـي
خيل العـرب في معركة عين جالـوت
..
كل شـي يتمنى يشاركك فينـي
الأرض والأشجار والبحر والحـوت
..
يامبرئـك يا مظلمك يا ظنينـي
ماضاع لك ضايع ولا فات لك فـوت
..
أقسى الرجال ان شاف حسنـك يلينـي
والبنت في جنبك اتحـول لطاغـوت
..
خذني معـك بلاك انا مايبينـي
ياشعر بو راشـد وياسحر هـاروت
..
هذي امنياتـي يامبعثر سنينـي
الود ودي نجتمـع لو بتابـوت
..
ودي احطـك ياحبيبي في عيـني
واسكر عيونـي عليك انت وامـوت
..
وادخل معـك قبر الغـرام الحزينـي
واسمع تناهيد المحبـه بلا صـوت
..

الموضوع الأصلي: أخر طموحاتي | | الكاتب: رشيد | | المصدر: شبكة بني عبس

[سعد الرشيدي]

رائعه

اشكرك على النقل وعلى حسن الاختيار

اخوك سعد

[رشيد]

شرف لنا اخوي سعد
تواجدك هنا بموضوعي

لك مني كل الشكر والتقدير

[عيسى المويسه]

صح السـان الشاعر

فزاع


ولاهنت على النقـل المميز اخي العزيز



لك تحيتي



...

[ابن سعيد]

صح لسان الشيخ / حمدان

ومشكور على النقل

يا إخ / رشيد

[رشيد]

سلمتم ولا ندمتم

[سلطان العايضي]

فعيونـك تحتها شامتينـي = خيل العـرب في معركة عين جالـوت

لا هنت على النقل

[رشيد]

سلمتم ولا ندمتم