[خوي الذياب]

الشهرة اللى تجي بالكذب ماهيلي = غيري يدور على الكذبه ويشريها
يامن سرقت القصيده والمواويلي = وقمت تشدو بها والناس توحيها
والناس تدري بها جيل ورا جيلي = لا تحسب انك على مثلي تمشيها
لاكثروا اهل الحكا والقال والقيلي = اكتب بيوت تشوق في معانيها
اسرج خيولي مع من يسرج الخيلي = لاصارت السابقات تفوز بيديها
وارفع سلوبي عن اهل العدل والميلي = وصوّب اهداف كم رمّاي يخطيها
ببيوت شعرٍ سوات البن والهيلي = بين النشاما تقدّم في مصافيها
في بيت من يكرم الضيفان بالحيلي = من قبل ينشد ضيوفه ويش اساميها
ون جتني المخطيه من فاتر الحيلي = قمت اتعيما عن الزله وراعيها
والغلطه الثانيه تمشي مع السيلي = اصد عنها ولا حتى استمع فيها
وان جاب له ثالثه ذوّقته الويلي = من خنجرٍ طعنته يبلش يداويها
من عقبها يشكي لغيري ويشكي لي = ويتوب لاشعار ما ينظم قوافيها

الموضوع الأصلي: الشهره اللى تجي بالكذب ماهي لي | | الكاتب: خوي الذياب | | المصدر: شبكة بني عبس

[عساف الرشيدي]

صح لسانك ونعم فيك وتقبل سلامي وتقديري

[صعصعة]

صح الله لساانك يا خوي يالذيب
وعودًا حميدًا وإن شاء الله أخر الغيبات

[خوي الذياب]

الاخوان

عساف
صعصة

مشكورين على شعوركم الطيب .

[أثير الشوق]

لاكثروا اهل الحكا والقال والقيلي
اكتب بيوت تشوق في معانيها
اسرج خيولي مع من يسرج الخيلي
لاصارت السابقات تفوز بيديها


صح لسانك

[عقيل الرشيدي]

صح لسانك ﻻهنت