[شاعر الصعاليك]

السم عليكم ورحمة الله وبركاته
حبيت اشاركم بهذه المتواضع ، واتمنى ان تنال استحسانكم

وش عاد باقي ياهل الهجن والخيل = دق الطبول ازعج مسامع وطنا
اما نوردها على شاطي النيل = والا يموت المهتني ما تهنا
ما هو كذا فعل الرجال الحلاحيل = اللي تشيل احمولها ما تثنا
في صفحة التاريخ ما احتاج تحليل = عندي علوم أهل الوفاء ما تدنا
قوم ٍ ترد المعتدى بالتهاليل = اطيور شلوى ومنوة اللي تمنا
في ساعة العسرة وصب الفناجيل = كلن شرب موته بفنجال بنا
واليوم جيل اليوم كنه كما قيل = هبوب ريح ٍ في نخيل المهنا
لا عاد اله راس ٍ يجيب التماثيل = ولا عاد ابه خير ٍ ولو قال حنا
وأنا خذيت من المعارف تشاكيل = والمعرفه من مكسب اللي تعنا
من لا احتزم من قبل جر المواوويل = يبي يربط بالحبال ويونا
ومن يطرد الصيدة بليا محابيل = مثل البعير اللي مع الدرب حنا
ومن لا سبر فوق الحزم بالدرابيل = تبي يدينه من فؤاده تحنا
ومن لا يعرف أن الصبح يتبعه ليل = خله يهيم بوادي ٍ فيه جنا
بكره تبين الغايبه للرياجيل = ونشوف فعل اللي بالابيات غنا

الموضوع الأصلي: وش عاد باقي ..!! | | الكاتب: شاعر الصعاليك | | المصدر: شبكة بني عبس

[ذيبان الرشيدي]

ومــن يـطـرد الصـيـدة بـلـيـا محـابـيـل
مـثـل البعـيـر الـلـي مــع الــدرب حـنـا
ومـن لا سبـر فـوق الحـزم بالدرابيـل
تــبـــي يـديــنــه مـــــن فـــــؤاده تــحــنــا
ومن لا يعرف أن الصبح يتبعه ليـل
خــلــه يـهـيــم بــــوادي ٍ فــيــه جــنــا
بــكـــره تـبــيــن الـغـايــبــه لـلـريـاجـيــل
ونـشـوف فـعـل الـلـي بالابـيـات غـنــا
.
.
الله اكبر ..
أييه بالله .. وشعاد باقي ..
صح السسانك .. على ما أسلفت وأدلفت ..

[ابوصالح لرشيدي]

الله الله عليك ياصعلوووووك
صح السانك وبيض الله وجهك .
قصيده في قمة الرووووووعه ,,

بــكـــره تـبــيــن الـغـايــبــه لـلـريـاجـيــل
..................ونـشـوف فـعـل الـلـي بالابـيـات غـنــا
انا اشهد انك تقول وتفعل .

تحياتي لك يامبدع .

[سعد محمد]

عزالله انها قصيده وافي من شاعر جزل

وبيض الله وجهك على هـذا القصيده العذبه,
لاهنت ونتطلع لجديدك الجميل ,

[خليف الوهيداني]

عزالله انها قصيده وافي من شاعر جزل

وبيض الله وجهك على هـذا القصيده العذبه,
لاهنت ونتطلع لجديدك الجميل

[مرتاحه دومز]

فـــي ســاعــة الـعـســرة وصــــب الفـنـاجـيـل
كـــلـــن شــــــرب مـــوتــــه بـفــنــجــال بـــنــــا


صح لسانك
ابيات روعه بمعانيها
تسلم يمينك

[أفــراح]

صح لسانكـ ^_

[الزعيم..]

الله الله على هاالابيات
شاعرنا وافي ولا تنحر الا الجزايل
صح الله السسسانك