[حروف عربية]

" شيله يامحلا ممشى " كلمات سلطان المسعودي أداء أحمد الرشيدي" http://www.youtube.com/watch?feature...&v=bzxznol_r6k ياماحلا ممشى الديار الخليه في خايع ماهو من الناس مسكون عقب اغتشته المزنه العقربيه واحيت ورق عود سناوي ومدفون حقاق نون كلبوه برديه عشره ليالي تردف مزون بمزون لين اكتسى بالعشب والمخضريه واصبح محيلن زين للي يحيلون وانا على السجات رجلي جريه ما ني كما اللي من عنا الوقت مسجون ادرج قدم رجلي هناك وهنيه واسج مثل العالم اللي يسجون واشب ناري واركي الشاذليه على طرفها واشقر البن مسحون صفرا على فنجالها المشهويه ريح قهوتها يبري الضيم والكون ورفقة خوين مايبور بخويه ظفرن فعسرات المواقيف دندون مصاحبي معه نومسه له وليه وقدر الرجال بقدر الاصحاب مقرون واشوم عن مطرح نفوسن رديه والرزق بأمر مدبر الكون مضمون ولا همني وش قالو الناس فيه ربك يحاسبهم على ما يقولون لو ابهتوني والحقوني قفيه الله محيط ابهم وهم مايحيطون لابد من يومن تعاقب رحيه يومن يخلي قاسي الحب مطحون عواقبه فأهل الردى كارثيه يسبل عذابه فوقهم لين يفنون للتحميل هنا

الموضوع الأصلي: شيلة يامحلا ممشى الديار الخليّه للشاعر سلطان الهذلي اداء احمد الرشيدي | | الكاتب: حروف عربية | | المصدر: شبكة بني عبس

[ولد حايل]

صح لسان الشاعر
وبيض الله وجه احمد
لا هنت حروف عربيه