[بندرأبن طريف المظيبري]

ابتدى قلبي يحبه والسهر جاء في المنام
................من يجيه النوم أصلا والقمر ناوي يجيه

ابتديت أحب وأحلم واللي مثلي مايلام
...............والله أني بالمحبه قلت هذا اللي أبيه

قبل أعرفه كان فجري لونه أشبه بالظلام
...............من عرفته والليالي لونها ماله شبيه

أن تكلم قال قلبي اه ياحلو الكلام
..............ينتهي حكيه وأنا أجلس أنتظر شي يحكيه

أن سكت ارسل لعينه من عيوني الغرام
...............وأرتبك في نظراتي والقى نفسي ذبت فيه

أن تبسم اخ منه ياحلاة الابتسام
...............هو شبيه البدر لا الا هو ماله شبيه

لمسته ياهي حنونه يلمس الطفل وينام
................مره جاء يلمس يديني وضاعت أعلومي بيديه

كلمته تهتز فيني كل حرف له مقام
...............كل جمله من كلامه تزدهر دنياي فيه

كل نظره من عيونه كنها لقلبي وسام
...............كل بسمه من شفاته تقهر اللي مايبيه

والله أني من عشقته مالقيت له اي كلام
...............كل لغه في الكون تعجز تبتديه وتنهيه

بعد كل اللي ذكرته اللي مثلي هو يلام
...............وش أسوي القلب شافه قال ياويلي أبيه

الموضوع الأصلي: ▓عيوني الغرام▓ | | الكاتب: بندرأبن طريف المظيبري | | المصدر: شبكة بني عبس

[سـعود المضيـبري]

صح الله السانك اخووووووي بندر

ابيات في قمة الرووعه والجمال

[بندرأبن طريف المظيبري]

اقتباس من مشاركة سـعود المضيـبري صح الله السانك اخووووووي بندر ابيات في قمة الرووعه والجمال

حياك الله صاحب القلم الرائع
ارحب فديتك منور