[مساعد الشويلع]

قصيده الامير عبدالرحمن للامير نايف الله يرحمه


وش جِمَعْ بين الفواسق والخوارج والمجوس ؟

غير فَرْح بموت نايف لاطِم خشوم العِدا


نحْمِد الله جل شانه عد ما تغْرب شموس

وعد ما تهوي نجوم وعد ما لُبّي نِدا


و للذّي ربّي يقدِّر خاضعة فينا الرؤؤس

مؤمنين بحكم ربّي ونرتجي مِنْه الهُدى


غَطَّت الأرض الكآبه والوطن وجهه عَبوس

والوجوم أضحى ملامح والحزن أمسى رِدا


العَزا يجلي الخواطر يهدم هموم النفوس

إلّا لا مِن جا فْ نايف العَزا يصبح سُدى


عظَّم الله أجرنا بَه عَد ما قَدَّم دروس

في السياسه والرياسه والكياسه والنَّدى


قد أذاق اعدا بِلادَهْ من مرارات الكؤوس

من شبابه بالمهابه والحرابه والفِدا



ماهو لَجْل القافية قلت الفِدا والّا هجوس

فادى بْمحمّد بِلاده واهْلَك الحق الرِّدا



بْفضل ربّي ثم نايفْ كل حَرْب اْمن(ن) ضَروس

ضامنين النصر فيها دام فِعْلَه يُقْتَدى



يا إلهي حب نايفْ في ضمايرنا مْغَروس

و كلِّنا شهودك في أرْضِكْ يوم هو فينا غَدا



قايم بْسنّة نبيِّك ما رضى عَنْها جلوس

إرْحَمَهْ يا غافر لْمن تابْ وامَنْ واهتدى



حِكْمِتَك يا رب فينا تشْرِق وتغْرب شموس

والبِقا ياربْ لِكْ في المنْتَهى والمبْتَدا



منقول من تويتر الامير عبدالرحمن

صح لسانك يابوفيصل

الله يرحمه الامير نايف ويجعل مسكنه الجنه

الموضوع الأصلي: قصيده الامير عبدالرحمن للامير نايف الله يرحمه | | الكاتب: مساعد الشويلع | | المصدر: شبكة بني عبس

[شاعر الصعاليك]

الله يرحم ابو سعود ويسكنه الجنه

وهالقصيده ليست للأمير عبدالرحمن بن مساعد
لسبب ان الركاكه واضحه بالقصيده

ويمكن هذا شويعر عند الامير هههههههههههههه

شكرا لك اخوي مساعد ، وتقبل مروري

[مساعد الشويلع]

مشكور شاعر الصعاليك على المرور

بئمكانك تدق على ابو فيصل وتسئله تقول القصيده الك والا لشويعر عندك هههههههههههه