[بدر الحشية]

يالادمي دنياك للشاعر الكبير/محمد الأحمد السديري

يالله انا من جود حسناك طـالبك=عــــفوك ومدك حيث منت iiبخيلى
يالادمـي دنياك هـــــذي تـعذبك=لوطــفت فيها مالقيت الدليلى
كل على مذهــــب امامه iiيخاطـبك=يبيك من زايــد ذنـوبه iiتشيلى
واليا عصيت اهل المذاهب iiتعاتبك=كـل يقـول ابيــك يمـي تجيلي
ولو انتحيت بعيد بالســـؤ تطلبك=وكــل بصاعـه من ذنوبه iiيكيلي
احــد يصحـــح لك حديثه ويرهبك=واحــد يقول الحق عندي نزيلي
واحــد يخيفيك في كلامــه ويدبك=وابليس يضحك له وهـو iiمستشيلي
الناس عــوجــان المناطق تكذبك=وعن الصحيح الكذب معهم بديلي
ان مارضـــيت بقولهم نتف iiشاربك=وتكبر ذنـــوبك لوغناك iiتهليلي
ناس عــلى درب الفضيله تحـاربك=وعلى دروب الشــر تهذل هذيلى
ودروبهم عســـرات عــوج وتتعبك=ما تســـتوي لك لا ولا تستويلي
ينبيك عن دنياك ماضي تجـــاربك=وعــزي لحالك كان عرفك قليلى
اتبع نبيك واتـــرك اللي iiمجنبك=واقضب مماشـــى سنته لا iiتعيلى
اللــي بغار الثور للرشد iiيندبك=وابوبكر عــنده نديـم وخليلى
نصايحه للرشـــد حــذرا iiتغايبك=هــرجه صـحيح وكل فعله جميلي
ســـنة نبيـــك للفضيله تقـربك=المصطفى ماله شـــبيه وعديلي
واحــذرك عـن نقالة السو تقربك=ومن يتبع العايل لـزوم iiيعيلى
لوانت ما تغضب ترى الناس تغضبك=وعـقب المعزه يجعلوانك iiذليلى
وتــرى ردي العرق للعيب يجـذبك=وتصير بدروب الـردا له عميلي
وبنت الردي حذراك حـذراك تعجبك=واحــذر تصير لمثل هذي iiحليلى
وعـن ما يعيب النسل عرب مناسبك=وعليك في بنت الحصـان iiالاصيلي
يجـي ولدهــا فارق عن قــرايبك=ويقف في وجـه الخصيم iiالقبيلي
ان كبرت القالات بالفعل يعجــبك=ويبرد هـمومك كان قلبك iiغليلي
مثل القطامي في هـــداده iiيشببك=والــدم من مخــلاب كفه يسيلي
ليا صارما صلبين الارياء مكاسبك=تـراك بين الناس تبقى هـزيلي
وترى دروب الخبث يالعبد تذهـبك=ويفــوت عمـرك ما تحصل iiحصيلي
احــذر يابن حــوا تطمن لحاجبك=الا لــرب للخــلايــق يــزيلي
الي بعفوه عن عــذابه يرغـــبك=وعينه لكل الخلق دايـم iiتخيلى
في لوحه المحفوظ يا لعبد مذهبك=نــزل بحــق وكل ما به فضيلى
ومعاشر الخايب مع الناس يذربـك=وتصبح قليل الميز عقلك هبيلى
ومعاشـر الطيب على الطيب يجلبك=يصـــير جسمك مثل جسمه iiعليلي
لا تقرب الأجــرب بالامراض iiيعطـبك=يصـــير جسمك مثل جسمه iiعليلي
ممشا الخفامن صافي العقل iiيسلبك=ويصير لك يــم الرذيله iiسبيلي
وعـن مارد الانـذال نزه iiمشـاربك=واشــرب نظـيف لوورادك طويلي
ولياك تنسى يابن الأ جواد iiواجبك=والي يـروم المجد حمله iiثقيلي
يا لادمــي وان كان كبرت iiمصايبك=ازبن على محي ا لبلاد iiالمحيلى
ازبن على رب بعرشــه iiيراقـــبك=وناجه وبعد العسـر يره جليلي
ناجــه ولاجـل ارضاه وجه iiركايبك=وخــلك لعلام الســـرايردخيلي
هــو الذي ينجيك من كود iiصـايبك=ويذريك من كربات هــول مهيلي
يا لعــبد مكن عــند ربك iiمقضبك=وفــكر وقـــدر وانتبه iiلاتميلي
ولحـــد من الخلاق يالعبد حاجـبك=هــو الذي مـده وعـفوه جزيلى
وهــو الذي في ما فعلته iiيحسابك=وهـو الذي بارزاق عبده iiكفيلى

الموضوع الأصلي: يالادمي دنياك محمد الأحمد السديري | | الكاتب: بدر الحشية | | المصدر: شبكة بني عبس

[شاعر وصافي مشاعر]

الله يعطيك الف عاااااااافيه اخوي بدر على النقل الجميل,,,,,, انت فعلا" ذهبي....

بنتظاااااااااااااااااااااااااااااااااااااار جديدك.

[عبدالعزيز الخياري]

لله درك يابدر الحشيه

على نقل القصيده للشاعر الكبير/محمدالسديري




سجل إعجابي

[بدر الحشية]

شاعر وصافي مشاعر
عبدالعزيز الخياري
مشكورين على المرور الرائع والعذب ولاهنتم

[!! هـيـبـة مـلـكـ !!]

شكراً بدر
شكراً بدر



تقبل مروري

[!! هـيـبـة مـلـكـ !!]

شكراًبدر


لك تحياااتي