[أحاسيس]

ابد ماجيت اباركلك ولكن جيت ابا وصيك.....
على اللي ناوي تدخل بها الليله معذبــــــــــــــــــــتي
ترى لولا الظروف اللي عطتك وحدت محاكيك..........
قسم بالله ماتدخل عليها لو على رقبــــــــــــــــــــــتي
ولكن النصيب اقوى ولا ادري ويش اسوي فيك........
نعم صارت معزبتك ولا صارت معزبــــــــــــــــــــــــتي
كذا شاءت بنا الاقدار تحرمني لجل تعطيك........
كذا لا زم عشان تفوز انت اخسر بتجربـــــــــــــــــتي
تراها غاليه جدا وتكفى والله يخليك........
تدللها تدلعها تنسيها مصاحبـــــــــــــــــــــــــــــــتي
انا من كثر مغليها احس اني بديت اغليك.......
ولا تسأل باية حق ولا وش مناسبــــــــــــــــــــــتي
لأنك لو بتسالني بتسمع شي مايرضيك........
لذا ياخوي لا تسأل ولا تسمع لاجوبـــــــــــــــــــتي
ابيك تحطها في داخل عيونك وبين ايديك........
وهي دلوعه اعتادت على كثرة مداعبــــــــــــــــــتي
تداعبها شوي شوي حتى تشتهي طاريك..........
وشاغبها الين تقولك بطل مشاغبـــــــــــــــــــــــتي
واذا هي مالها خلقك ولا تضحك ولا تسليك........
تحملها وسألها ياعمري ليه عصبـــــــــــــــــــــــتي
فبالك اسمع انك بيوم تضربها وهي تشكيك........
ما يحتاج اوريلك بفن الضرب موهبــــــــــــــــــــــتي
صحيح انك بتملكها ومعاك الصك بالتمليك.........
وانا عارف حدود الله ومن حقك معاقبــــــــــــــــــتي
ولكن قلها المجنون وصاني وهو يعنيك.......
يقول انه بينتظرك ولو شيب وشيبــــــــــــــــــــــتي
وانا مجنونها اللي مانساها وانت مايمديك........
تغطي ذكرياتي في هواها وربع تجربـــــــــــــــتي
احس اني تماديت بكلامي والغضب حاديك........
ولو انك في مكاني ما تفكر في محاسبــــــــــــــتي
كفاك اني تركت الليله اشغالي عشان اجيك........
دخلت القاعه برجلي ولا ويش عاقبــــــــــــــــــــتي
وانا ما جيت اخرب عرسك الليله ولا اذيك........
انا جيت ابخاطبك واسمع مخاطبـــــــــــــــــــــــتي
توصى وانتبه واحرص عليها والله يهنيك.......
ترى كل الكلام اللي طلع من ضيقي وكبــــــــــتي
ولكن ما قدرت اني اقوله وانت مايخفيك........
اخاف اني اذا قلته تقوم وتقطع رقبــــــــــــــــــــتي

الموضوع الأصلي: ابدا ماجيت اباركلك بس جيت اوصيك | | الكاتب: أحاسيس | | المصدر: شبكة بني عبس

[كاتب الرشيدي]

لو ما الشعر أكثره من خيال وإلا هذه القصيدة متعدية الحدود من الأدب والأخلاق

[الزعيم..]

أحاسيس ..

قصيده لها عقده ااالخااااااااص ..

سلمت الاياااااااااااااااادي