[سحايب]

معوض خير ياحي تهقوى في الزمان ومـال *****سنينـك لورقيـت بعدلهـا يطرحـك مايلهـا

تعلم واعرف ان الدرب قدامك سهـل وجبـال*****جبـال تطولهـا وجبـال بعيونـك تخايلهـا

ومعوض خير ياحي وردت الما بدون حبـال*****يطول بك الوقوف وشربـة المـا ماتحصلهـا

وقوفك عند راس البير مايسقيك لـو فنجـال*****ولا ينفعك شوف الجمه اللي ماانـت طايلهـا

ومعوض خير ياحي خدعك من الرجال اشكال*****تشوف أشكالها وتحطها ارفـع مـن منازلهـا

تعلم من زمانك لا تصير من أجهـل الجهـال*****ترى في كل يوم تجيـك عبـره لا تجاهلهـا

إذا ربي وهب لك عقل تلقى في الرجال رجال*****تعرف اللـي يطلـع قيمتـك واللـي ينزلهـا

ترى من بعض ما يندي الجبين ويحرج الرجال*****ليا سـاق الميانـه فـي نفـوس مـا تقبلهـا

ومهما شفت في صاحبك من نخوه وطيبه فال*****ترى بعض السجايا كثـرة اللإلحـاح يقتلهـا

معاريف الرجال ديون وديون الرجـال ثقـال*****ليا صرت امتعافي ليش تغرق فـي جمايلهـا

رصيدك في حياتك سمعتك مع طيبيـن الفـال*****رجال الطيب والمعروف بالمعروف عاملهـا

ولا تبدي بجاهك في مقام مـا يسـر الحـال*****ولا تشفـع لنـاس مـا تنومسـك بفعايلـهـا

ليا جاتك تعذرها ما دام العـذر لـه مدخـال*****ووقت الجد قول الها الصحيـح ولا تجاملهـا

وخذ مني نصيحه لاتصدق كـل مـا ينقـال*****يجـرك للنميمـه ليـن يطرحـك بحبايلهـا

يجي لك ناقل النمـات بهـروج تغـث البـال*****سوالف في قفاك وحظك اطيب يـوم تجهلهـا

يبـرر بالحميـه والصداقـه شينـة الأفعـال*****يجمل صورتـه بعلومـه اللـي مـا تجملهـا

ولو كانت حميه فيك رد المخطيه فـي الحـال*****ولا كان إستمعها في قفـاك وجـاك شايلهـا

ترى من جاب لك ودى وهذي عـادة النقـال*****يحاول يقتنص من فمك كلمـه لأجـل ينقلهـا

ومثل ما قال عندك راح عنك وعند غيرك قال*****وزود عشر فوق الكلمـه اللـي كنـت قايلهـا

تجنب مجلسه لا تجلس إلا مع كريـم خصـال*****تحمـل ميلتـه وان ملـت ميلتـك يتحملهـا

ولا تصبرعلى الجار الردي لو هي ثلاث ليال*****تضرك جيرتـه لـو كـان بيبانـك تقفلهـا

وبيع الدار بأول سومة تعرض علـى الـدلال*****ورزقـك عنـد رب كاتـب اللقمـه وكافلهـا

وبنتك لا تزوجها الردي لو هو كثيـر المـال*****تربيهـا علـى الطـالات وتشـوه سلايلهـا

وكم من لاش يرمي خيبةأبنة فوق راس الخال*****لو ان الخال من روس الرجال ومـن دلايلهـا

ليا منك عرفت تميـز الطيـب مـن البطـال*****وفادتك التجارب في الحيـاة وفـي مسايلهـا

وكشفت الفرق مابين الصحيح وحيلة المحتـال*****وتعلمت الفراسة فـي الوجيـة اللـي تقابلهـا

بعد هذي ترى مالك غنى عن صحبة العقـال*****يدلونـك بـراي ينقـض الدعـوى وتفتلهـا

يقولون الرجال اللي سوالفهـم حكـم وامثـال*****ليا من ضاعت الحيلـة يـدل القـوم عاقلهـا

نصيحة واحد جرب وشاف من الزمن أهـوال*****يقدم لك خلاصة هجـرة جـرب هـوا يلهـا


راااقت لي

الموضوع الأصلي: ليا من ضاعت الحيلـة يـدل القـوم عاقلهـا | | الكاتب: سحايب | | المصدر: شبكة بني عبس

[عادل بن هون]

كلنا راقت لنا


حكم جميله واقعه بمجتمهنا اليوم

سلمت يمناك

[سحايب]

اقتباس من مشاركة عادل بن هون كلنا راقت لنا حكم جميله واقعه بمجتمهنا اليوم سلمت يمناك

ويدك مشكورعلى مرورك لاهنت

[راسبه بالحب]

سلمت الايادي ..


متميزه بطرحك دائما ..

[سحايب]

اقتباس من مشاركة راسبه بالحب سلمت الايادي .. متميزه بطرحك دائما ..

التميز حضورقلمك صفحتي
مشكوره قلبو

[سيوف بني عبس]

صح لسان شاعرها
سلمت الايادي

[فيصل المتعب]

صح اللسان قايلها

ومشكووور اخوي على الطرح

[سحايب]

اقتباس من مشاركة سيوف بني عبس صح لسان شاعرها سلمت الايادي

صح بدنك مشكوره على مرورك