[صياف]

اقتباس من مشاركة رادوي العبسي الله يبارك فيكـــ ياصياف ماعينت السيف القاطع دائماً مبدع وتبقى ياصياف الشاعر الثابت بكل الاحوال

السيف ماجود بشكل دايم

[ابو حشر]

البيت عندك ياصياف

[صياف]

اقتباس من مشاركة ابو حشر برقنا فوقك من البارح ويمطر بالغشوني .... وانت من تحت البيوت السود حاديك العمودي كان ظاري للحنانه روح ركن بركوني .... سيفنا مسلول يامال الغنيمه لليهودي

ليه يامال الغنيمه قمت تطبع كل لوني = لاتحسبنك على مامدت ايديك محسودي

انت سيفك بالرخا معروف فعله ومعنوني = مير ماتقدر تسله من ورى عرق النفودي

[االبواردي]

ياهلا ومرحبا برادوي العبسي ابرك الساعات

[ابو حشر]

انت غادي ياولد غطفان في رسم الفنوني .... ريشتك ريشة حمامه والشكل حرن جرودي

مانسله غير في وقت الملاقى والفتوني .... وانت تدري في حدود الدار مانبقى نزودي

[ابو حشر]

اليل وانا بو حشر

[االبواردي]

اقتباس من مشاركة صياف ليه يامال الغنيمه قمت تطبع كل لوني = لاتحسبنك على مامدت ايديك محسودي انت سيفك بالرخا معروف فعله ومعنوني = مير ماتقدر تسله من ورى عرق النفودي

ماتطوف عليك ماشا الله عليك ههههههههه يامال الغنيمه فكر صاحي

[صياف]

اقتباس من مشاركة ابو حشر انت غادي ياولد غطفان في رسم الفنوني .... ريشتك ريشة حمامه والشكل حرن جرودي مانسله غير في وقت الملاقى والفتوني .... وانت تدري في حدود الدار مانبقى نزودي

ماوصلك الى الصحيح الي عياره مايخوني = مير من يفهم كلامي ياوجودي ياوجودي

الله انه يرحم الحاله علامك طحت دوني = كان هذا اخر ماعندك مابقا لضيف جودي