[الحجازي]

اقتباس من مشاركة قسورة الغاب جوالنا ياصاحبي ماهو بتعبية الرصيد = ندفع فواتيره من المحصووول مرمر وذهبي لعل راسك يالحجازي من علووومك مستفيد = واتحقق المطلووب واتشيل الحمل بالمنكبي

خلوووووووووها اسمع

البحر قام يخضة اللي للسباحة ما يجيد=الله يكافينا صواديف الزمان القلبي
لا جاك قال أنا الفلاني من فلان بن واليد= لوما له ألا يوم في الطرقة يحد الجنبي

[قسورة الغاب]

اقتباس من مشاركة الحجازي خلوووووووووها اسمع البحر قام يخضة اللي للسباحة ما يجيد=الله يكافينا صواديف الزمان القلبي لا جاك قال أنا الفلاني من فلان بن واليد= لوما له ألا يوم في الطرقة يحد الجنبي

هذا زمان الرابظه تقووووم وتسيد العبيد = واتطاول البنيان لو ماتاكل ولا تشربي
القسوره ياصاحبي بالشان في زيد وعبيد = كلن يقووول انه خلف هذال والا الاكلبي

[بن عجوين]

السلام عليكم ورحمة الله وبركاته


مساكم الله بالخير


متابع وبدون عنصريه ههههههههههههههههه

ش

[الحجازي]

اقتباس من مشاركة قسورة الغاب هذا زمان الرابظه تقووووم وتسيد العبيد = واتطاول البنيان لو ماتاكل ولا تشربي القسوره ياصاحبي بالشان في زيد وعبيد = كلن يقووول انه خلف هذال والا الاكلبي

خلوووووووووها اسمع

المالكي وش مقصده يوم أرسل أبيات القصيد=خطه سوات الفارسي لو كان ينطق بعربي
صل الفرايض صلها واترك ولد شوقي فريد=اللي يجيب هروج لا تقرأ ولا هي تكتبي

[الحجازي]

اقتباس من مشاركة بن عجوين السلام عليكم ورحمة الله وبركاته مساكم الله بالخير متابع وبدون عنصريه ههههههههههههههههه ش

حياك الله يا بن عجوين
لا احنا خوان ولا بيننا عصرية إن شاء الله

[قسورة الغاب]

اقتباس من مشاركة بن عجوين السلام عليكم ورحمة الله وبركاته مساكم الله بالخير متابع وبدون عنصريه ههههههههههههههههه ش

وعليكم السلام ورحمة الله وبركاته
ومسا النوووور والسروووور
حياك الله يابن عجوين
وهذي والله الساعه
المباركه عاش
من شافك

[قسورة الغاب]

اقتباس من مشاركة الحجازي خلوووووووووها اسمع المالكي وش مقصده يوم أرسل أبيات القصيد=خطه سوات الفارسي لو كان ينطق بعربي صل الفرايض صلها واترك ولد شوقي فريد=اللي يجيب هروج لا تقرأ ولا هي تكتبي

انته معك سبعة لغات وتعرف العلم الوكيد = والمبتدا قبل الخبر والاسم يبقي مختبي
قدام لا تستفحل الشكه تجهز للشديد = خلك مع حزب السباع اتروووس حرب التغلبي ههههههه

[الحجازي]

اقتباس من مشاركة قسورة الغاب انته معك سبعة لغات وتعرف العلم الوكيد = والمبتدا قبل الخبر والاسم يبقي مختبي قدام لا تستفحل الشكه تجهز للشديد = خلك مع حزب السباع اتروووس حرب التغلبي ههههههه

خلوووووووووها اسمع

نبي نذر الكحل بعيون الكبير مع الطريد=ونقول يا ورقا على الأغصان غني والعبي
ومن بعدها تبي تبين الشمس ويذوب الجليد=وأما حزن شيخ العرب وألا لعله يطربي

ما قصرت يا قسورة الغاب وتشرف بالعلب مع شاعر في مستواك
تصبح على خير طال عمرك