[جمعان خلف]

السلام عليكم ورحمة الله وبركاته

احبتي أعضاء وزوارهذا المنتدى اسعد الله مساكم بكل خير
يسعدني أن اضع بين اياديكم هذه القصيدة الجديدة المتواضعه ارجو ان تحوز على اعجابكم ورضاكم

ياهجوسي هجي الفج الخرايم = وانتقي من صادق المعنى بيانه
صاطي المخلاب وسط الراس حايم = راج حتى هاج فكري بكفخانه
اشقرٍ عن نظرت اهل الدون شايم = الجدي وسهيل صاروا من اخوانه
يوم حلّق من تحت دهمٍ رزايم = حن وارزم هاجسي ثقل ورزانه
ياقبائل عبس ماسمع كل لايم = ابتدي واللـه عليه الاستعانه
وينكم ياهل المروه والعزايم = التخاذل بالامر مثل الخيانه
المساعي غامضه والجو غايم = والخباثه تلبس ثياب الميانه
والتهايم تاصلك لو كنت نايم = من عبادٍ طبعها ظلم ولعانه
والسبب تركه على المسلم ظلايم = واكثر ذنوب البنادم من السانه
العزايم من فوايدها الغنايم = والمهانه للرجل مثل الجبانه
واللـه اني عن بعض ماوحيت صايم = صومة اللي صام شهره برمضانه
لين مرني خبيثات النسايم = وايقضن فكري وهاجن في كيانه
مصدر الاخبار مندوب الشتايم = حامل الاسفار مكروبٍ ابطانه
ولو حكيتوا يامروجة النمايم = ماكسبتم ياخبيثين البطانه
مجدنا متعليٍ فوق النعايم = نرتفع والنا على العالي مكانه
القدايم طيبه والحظ قايم = ماطلبنا المجد من رابط احصانه
طبعنا معروف مانرضى الهزايم = للوطن والدين وحقوق الامانه
أسأل التاريخ يعطيك القدايم = وأخذ من حاضر هل الفعل استبانه
وأنت ياراع النمايم مانت دايم = مايدوم إلا كريمٍ جل شانه
البحر لاجاك من قاصيه عايم = هائجٍ والموج خانه فوق خانه
مايخلي لك أثر وإلا علايم = لاتعزوا وأنت بيتك في طمانه
والعلوم اللي على صحون الولايم = من نتائجها المذله والاهانه

جمعان خلف الرشيدي

الموضوع الأصلي: ياقبائل عبس | | الكاتب: جمعان خلف | | المصدر: شبكة بني عبس

[مرزوق العجوني]

صح لسانك يابو خليفه ولا هنت وتقبل مروري وتقديري

[خاتم الرشيدي]

صح السانك وبيض الله وجهك على الجزله من راس جزل
وعاداتك الجزاله والعلوم الطيبه وتم تثبيتها وختمها

وتقبل خالص الود والتقدير

[عادل العويمري]

صح السانك وبيض الله وجهك على الجزله من راس جزل
وعاداتك الجزاله والعلوم الطيبه

وتقبل خالص الود والتقدير

[JljJjJl]

صح السانك وبيض الله وجهك على الجزله من راس جزل
وعاداتك الجزاله والعلوم الطيبه

وتقبل خالص الود والتقدير

[برق الوسم]

شاعرنا/جمعان خلف الرشيدي
كفووو صح السانك وبيض الله وجهك على الجزله من راس جزل
وعاداتك الجزاله والعلوم الطيبه
وتقبل خالص الود والتقدير

[جميل مساعد]

صح لسانك يابوخليفه ... تحياتي

[معيض الرشيدي]

وينكم ياهـل المـروه والعزايـم
التخـاذل بالامـر مثـل الخيانـه
ابشر بعزك وانا راع العشوى لكن يبو خليفه اليد الوحده متصفق

مصدر الاخبار منـدوب الشتايـم

حامل الاسفـار مكـروبٍ ابطانـه

مدام انه حامل الاسفار مهو ضاروانت قلت

مجدنـا متعلـيٍ فـوق النعـايـم

نرتفع والنا على العالـي مكانـه

بيض الله وجهك يابو خليفه وقول لك لولا عوالى مجدنا محد سبنا ولا احد يلحق قومن الا من شدة الغيره والحسد
اما بنسبه لي كل ما اسمع احد من خلف اروقة وستار الجوال يسب افتخر وازتاد فخر حث اعلم بان مسبته قهر واحتراق داخلي وهو يعلم من الذي يتحنطب من خلف الستارهل يقدر يقابل انا اقول مايقدر=