[طلال محمد ناهس]

على بالي تناديني انا اسف ماسمعتك زين

على بالي تناديني انا آسف ماسمعتك زين
ولاني أول العالم يخيب ظنه وأحساسه

احسب انك تبيني وقلت من هالعين قبل هالعين
وجيتك تايه الخطوه وصدري يشهق انفاسه

انا والله مدري وين انا رايح وجاي منين
غرابيل الزمن فيني تعدت حد مقياسه

توهمت بخيال الفكر هايم بين زين وشين
سحابة هم إحتاست مع النسمه ونسناسه

على هونك ترفق بي غريب وحاير الكفين
عجول اتبع صدى صوت بسمعي دقت اجراسه

ترى ماني من اللي يعشق اللعبه على الحبلين
وقلبي نيته اصفا من الما لورد كاسه

صحيح أخطيت .. واعذرني خطاي بسبة الأثنين
رداة الحظ .. وهموم تعاندني بوسواسه

ولاني من الخطا معصوم تدري والبشر من طين
ونفسه تامر بغفله ولاهو قاوي باسه

على كل حال سامحني .. انا ميت من الصوبين
خفوقي عايفن نفسه وعيني فارقت ناسه

تخطيت الدروب اللي تباري رحلة الماشين
سراب الشوق ياخذني لزلاتي وهوجاسه

على بالي تناديني .. وكني سامعك هالحين
ولاقصدي خطأ وادري عيون الناس عساسه

سهيت من الهموم اللي بقلبي ورحت مدر ي وين
على حظ الزمان اللي قلب وضعي على راسه


</I>

الموضوع الأصلي: على بالي تناديني انا اسف ماسمعتك زين | | الكاتب: طلال محمد ناهس | | المصدر: شبكة بني عبس

[منصور غنيمان]

تخطيت الدروب اللي تباري رحلة الماشين
سراب الشوق ياخذني لزلاتي وهوجاسه
صح لسان شاعرها وتسلم يد من كتبها

[طلال محمد ناهس]

اقتباس من مشاركة منصور غنيمان تخطيت الدروب اللي تباري رحلة الماشين سراب الشوق ياخذني لزلاتي وهوجاسه صح لسان شاعرها وتسلم يد من كتبها

صح بدنك سلمت
يسلمو على المرور

[.فيصل الذيابي.]

على بالي تناديني انا آسف ماسمعتك زين
ولاني أول العالم يخيب ظنه وأحساسه


تسلم اخوووووووي

[ولد الشرقية]

مشكور خيوووو طلال .

[طلال محمد ناهس]

اقتباس من مشاركة ولد الشرقية مشكور خيوووو طلال .

العفوو خيو ولد الشرقيه

يسلموو على المرور

[خطاف الشعار]

طلال لي
عودة أن شاء الله لنقد البنأ

[نايف ابن عليثه]

صــح لســآنكـ