[رويبح رباح العويمري]

الزين يامسعد ترانا لقيناه دهم الذوايب والمحاجيرسودي
انهودها مثل الزبيدي حلاياه بجفريتن ترزم عليها الرعودي
من مدلهمن باول الوسم ساقاه جتهه الرجوع وقام نبته يزودي
بفياض خضرن واشقح الريم يدلاه فيه النعامه ساكنه والفهودي
يوم جت تهوس وتقصرالمشي بخطاه والحال ينعشها سمايل برودي
عمهوجتن مثل الغزيل حلاياه مع جملتن تمشي عوين العنودي
مربوعتن ماهي عريضن محقاه شبت على قلب المشقى وقودي
لاشافها راعي الهوى مايتحداه يضربلها قبل التحيه سجودي
انا مهيدين عن هوى البيض لولاه لعل عرضت شوفته ماتعودي
يوم شفتها عييت انا الصبر لاقواه وكبدي غدت مثل الصهاره بعودي
تراالحضيض اللي يتمجد بلماه قدام ياتي في طويل اللحودي
والكف كفيت الرشا عن مدلاه مير ان نوب القلب قرده يعودي

الموضوع الأصلي: قصيدة الشاعررابح دحيلان الرشيدي | | الكاتب: رويبح رباح العويمري | | المصدر: شبكة بني عبس

[غازي البراك]

صح لسان شاعرها وتسلم يد كاتبها

[رويبح رباح العويمري]

شكرا على المرور الاخ غازي البراك

[مسندالعويمري]

صح لسان شاعرها وتسلم يد كاتبها


ارجو من مشرف الشعر الشعبي تعديل القصيده

[رويبح رباح العويمري]

مشكور الاخ مسند العويمري مالذي تريده من تعديل القصيده الرجاء التوضيح بخصوص طلبك بتعديلها

[مسندالعويمري]

مشكور الاخ مسند العويمري مالذي تريده من تعديل القصيده الرجاء التوضيح بخصوص طلبك بتعديلها






تعديل القصيده تنسيق القصيد

[رويبح رباح العويمري]

شكراللجميع4774

[أبونواف]

صح لسان شاعرها وتسلم يد كاتبها