[حمد الرشيدي]

محاوره بين الشاعرين صياف بن عواد الحربي ودحيم عبدالرحمن الرشيدي
في يوم 18/6/1419
دحيم:

مرحبا في من حضر في حفل بني رشيد=بالطراقي كلها كبارها وصغارها
جيت ياصياف طرقي وعاني من بعيد=مرحبا بك والطراقي نحب اخبارها

صياف:

بارك الله فيك ياراعي البيت الجديد=من رجال(ن) بالشرف كملت مشوارها
اجتمعنا ليل جمعه وبكره يوم عيد=ياعساها معرفه ماتبيح اسرارها

دحيم:

بيتنا معمور والناس للخالق عبيد=في جنوب الارض ويمينها ويسارها
مانزل سوق الذهب غير تاجر له رصيد=اشترا وابتاع بالسوق مع تجارها

صياف:

المجالس عامره بالسوالف والقصيد=ماتزين الملعبه غير من شعارها
انت عندك خمس حاجات ماأدري وش تريد=مار دور وحده جاهزه واختارها

دحيم:

السوالف بين عنتر وبين ابن الوليد=طايره ركابها تنظر لطيارها
مانبا إلا الطيبه وأهل الراي السديد=والله أنه يكفي الناس شر اشرارها

صياف:

دق زير المعركة عند هارون الرشيد=مار قل للزمل ترتاح فوق ازوارها
البدو راحم حضر لانزول ولا شديد=مزرعه خضرا وفله طويل اجدارها

دحيم:

الجمال امعقله والقياد من الحديد=يالسحيمي عقلها تنصح من اوبارها
العباد تريد والله يفعل مايريد=أهل الطوله على العز شبت نارها

صياف:

البنادم يعبد الله شقي ولاّ سعيد=من عرف مدخال بقعا عرف مضهارها
كلمة العاقل ثقيله ماتنقص ماتزيد=وارضكم تحت المطر مايطير اغبارها

دحيم:

من يعبد لخالقه فاز في يوم الوعيد=والله اللي يعلم إسلامها وكفارها
يالسحيمي خوذ من راسي العلم الاكيد=ماوقف دون المدينه ياكود انصارها

منقول من جريدة عكاظ 27 ديسمبر 1998م الموافق 9/9/1419

الموضوع الأصلي: محاوره بين دحيم الخياري و صياف الحربي | | الكاتب: حمد الرشيدي | | المصدر: شبكة بني عبس

[بندر الذيابي]

صح لسااااااااااااااان الشاعر ولاهنت اخوي علي االنقل


الف شكر لك


اخوك

بندر

[بدر الحشية]

صح لسان الشاعرين ولاهنت على النقل

[صادق الوعد]

مشكور اخوي على النقل الرائع

لشاعرين من عمالقة الشعر

دحيم .... وصياف

وبيض الله وجهك (حمد)

تقبل ؟؟ تحياتي

[عبدالعزيز الخياري]

شكرا لك أخوي حمد على النقل.

[بدر السيحان]

الجمال امعقله والقياد مـن الحديـد
يالسحيمي عقلها تنصح من اوبارها
العباد تريـد والله يفعـل مايريـد
أهل الطوله على العز شبت نارها

اخي الكريم تشكر الحقيقه على هذا النقل الرائع
والجهود الطيبه
محاوره نقض وفتل رائعه من قبل الشاعرين العملاقين
لك منى كل الود
اخوك السيحان

[الجـــــادل]

لاهنت اخوي حمد على النقل الطيب

اختيار موووووفق

دمت بود

أختك الجادل

[ريان]

اقتباس من مشاركة حمد الرشيدي محاوره بين الشاعرين صياف بن عواد الحربي ودحيم عبدالرحمن الرشيدي في يوم 18/6/1419 دحيم: مرحبا في من حضر في حفل بني رشيد=بالطراقي كلها كبارها وصغارها جيت ياصياف طرقي وعاني من بعيد=مرحبا بك والطراقي نحب اخبارها صياف: بارك الله فيك ياراعي البيت الجديد=من رجال(ن) بالشرف كملت مشوارها اجتمعنا ليل جمعه وبكره يوم عيد=ياعساها معرفه ماتبيح اسرارها دحيم: بيتنا معمور والناس للخالق عبيد=في جنوب الارض ويمينها ويسارها مانزل سوق الذهب غير تاجر له رصيد=اشترا وابتاع بالسوق مع تجارها صياف: المجالس عامره بالسوالف والقصيد=ماتزين الملعبه غير من شعارها انت عندك خمس حاجات ماأدري وش تريد=مار دور وحده جاهزه واختارها دحيم: السوالف بين عنتر وبين ابن الوليد=طايره ركابها تنظر لطيارها مانبا إلا الطيبه وأهل الراي السديد=والله أنه يكفي الناس شر اشرارها صياف: دق زير المعركة عند هارون الرشيد=مار قل للزمل ترتاح فوق ازوارها البدو راحم حضر لانزول ولا شديد=مزرعه خضرا وفله طويل اجدارها دحيم: الجمال امعقله والقياد من الحديد=يالسحيمي عقلها تنصح من اوبارها العباد تريد والله يفعل مايريد=أهل الطوله على العز شبت نارها صياف: البنادم يعبد الله شقي ولاّ سعيد=من عرف مدخال بقعا عرف مضهارها كلمة العاقل ثقيله ماتنقص ماتزيد=وارضكم تحت المطر مايطير اغبارها دحيم: من يعبد لخالقه فاز في يوم الوعيد=والله اللي يعلم إسلامها وكفارها يالسحيمي خوذ من راسي العلم الاكيد=ماوقف دون المدينه ياكود انصارها منقول من جريدة عكاظ 27 ديسمبر 1998م الموافق 9/9/1419

هذا الشعر ولا بلاااااااااااااش

صيـــــــــــــاف الحربــــــــي

دحيــــــــــــــم الرشيــــــدي

الله لايهينك حمد نبغا محاورة ذيب الشمري ودحيم الرشيدي

لانها حماااااااااااااااااسيه ياليت تنزلها ................