[العريض]

فعت سمر الجدايل وانتخت بالقذلـة الهلّـة

تبي مني عروسٍ للقصيد ازريت لاغويهـا


ويوم اني لقيت لْها الخلوج وجيت ابا اوصله

تنحرك الكـلام اللـي فهقهـا دون مغليهـا

خضع لك راس مسبوق القصايد وانحنى كلّه

وانا بك شاعر الدنيـا ومشغلهـا وماليهـا

يذكرني رحيلك مجلـسٍ باقـي علـى حلـه

مداهيل الرجال اللـي تنومسنـا مواطيهـا

هنا سليت سيفٍ يوفي الثارين مـن سلّـة

هنا علقت رمحٍ يطعـن الجـوزا ويطفيهـا

هنا بينـت مصحفـك الكريـم ودلنـا دلّـه

معك نبدا مواعيـد الكـلام وننتهـي فيهـا

هنا ساقيت غصنٍ من غلا كنّا تحـت ظلـه

نسولف بالغنـا يابايـع الدنيـا وشاريهـا

هنا كان الرجل جبال ما تقبـل خنـا الزلّـة

عمايمها سحـاب وابلـة باقـي مواضيهـا

رجالٍ لو تشوف الما غدر مـا شربتـه لله

نبت عشب الرضا ياسيدي بـأول مغازيهـا

هل التوحيد وكنوز العلـوم ونصـرة الملـة

رجالٍ يضحـك التاريـخ لاولهـا وتاليهـا

هنا ماضيك ورياض الخليل اللي رعى خلـه

شربنا عذبها مـدري لعبنـا فـي مغانيهـا

هنا..تخنقني العبرة وانا اكتب يارسـول الله

على قبرك نسيت الناس حاقدهـا وحانيهـا

وهو قبرٍ يتيه مـن الفخـر بالبيـد وتجلّـه

على حسدٍ تبين مـن سمايمهـا وصاليهـا

ويهناك الوفا قبرٍ يضمك فـي ثـرى تلّـه

مدامه بين فردوس الجنان وبيـن منشيهـا

وانا لامن ذكرت فراقك اللي في يدي غلّـة

نسيت ان الليالـي شيبتنـي مـن بلاويهـا

على بعد الزمان اللي يعقد الحبـل ويحلّـه

لى مني ذكرتك طاحـت الدمعـة وراعيهـا

سـلام الله ماهـز الصبـا نسرينـه وفلّـه

على الطفل اليتيم اللي عطا الدنيـا معانيهـا

الموضوع الأصلي: الشاعر خالد العتيبي وقصيدته في مدح الرسول صلى الله عليه وسلم | | الكاتب: العريض | | المصدر: شبكة بني عبس

[بـنـ شيوخ ـت]

على قبرك نسيت الناس حاقدهـا وحانيهـا

وهو قبرٍ يتيه مـن الفخـر بالبيـد وتجلّـه
،
،
الله الله.... صح ألسانهـ... وصح يمنىـأ من نقلهأ... ومشكوووووووور.... وخالد العتيبي شاعر غني عن التعريف الله يحفظه

[عايض بن صالح]

لاهنت لاهنت ياحجاج العريض على هذا النقل الموفق

قصيده جزله والموضوع اهم

صح السانك والسان شاعرها

تحياتــــــــــــــــــــي

[زهو الايام]

صح السان الشاعر .... وسلمت يد الناقل

جعلها الله في ميزان حسناتكم

تقبل مروري

[العريض]

اقتباس من مشاركة بـنـ شيوخ ـت على قبرك نسيت الناس حاقدهـا وحانيهـا وهو قبرٍ يتيه مـن الفخـر بالبيـد وتجلّـه ، ، الله الله.... صح ألسانهـ... وصح يمنىـأ من نقلهأ... ومشكوووووووور.... وخالد العتيبي شاعر غني عن التعريف الله يحفظه

يعطيك العافيه على المرور هلابتس

[العريض]

اقتباس من مشاركة ابوصالح الشويلعي لاهنت لاهنت ياحجاج العريض على هذا النقل الموفق قصيده جزله والموضوع اهم صح السانك والسان شاعرها تحياتــــــــــــــــــــي

صح بدنك اخوي ابو صالح

مرورك اسعدني هلا وغلا تحياتي

[العريض]

اقتباس من مشاركة زهو الايام صح السان الشاعر .... وسلمت يد الناقل جعلها الله في ميزان حسناتكم تقبل مروري

صح كلك مرورك اسعدني هلاوغلا

تحياتي

[شاعر الجن]

بيض الله وجهه السلام عليكم ورحمة الله