[خليف الوهيداني]

ومن عال مايسلم من الناس لاعال=وكل(ن)على سلمه يسيس قصوره
وماكل رجل(ن)لابسآ ثوب وعقال=بناء على درب المراجل جسوره
ولاكل من هو قال يافي بالقوال=كم واحدن موفا الفعل دق زوره
وسلم العرب ماهم هندي وبنقال=ناسآ بسلم ديارها ومعذوره
مايكيف الهندي مهيل بفنجال=كيفه هو الفلفل عشاه وفطوره
ولو ماخلق ناسآ خسيسآ ونذال=ماصار به بالطيب ناس مخبوره
والرجل زينه بالرجوله ولافعال=ماهو بالبسه والجمال وعطوره
ولاهو بعلم ولاثقافه ولامال=ياللي تحسب المرجله لعب كوره
وناسآ ضعيفه ماتحمل للاثقال=وناسآ على جور الليالي صبوره
وجيل(ن)فنا ماشاف موتر وجوال=ومن الحجر والطين بنا قصوره
وحدن قضى عمره تحت في وظلال=وحدن تغيب في حياته سروره
والموت قاف العمر لو العمر طال=لابد من يومآ يجيه ويزوره
ومارتآ ماهي على كف خيال=زرعآ توفا من بدا في بذوره
ومايدوم ستر اللي بالفعال دجال=لو طال ستره بين الله فجوره
والناس كل(ن)له مكانه ومنزال=والرجل يعرف في نهار الضروره
والشمس تجري والقمر يرجع هلال=وتطلع لو انه يحجب الليل نوره
اليوم كل(ن)قال أنا طيب الفال=في هالزمان اللي تزايد دبوره
والفرق بين الناس ماهو بالازوال=والطيبه ماهي لناس محصوره
والشعر كل(ن)فيه غنا باموال=كل(ن)يقول أنا بخيصآ باموره
باعوه في درهم وباعوه بريال=وقطفت على شان الدراهم زهوره
حتى بحوره غاصها السايق أقبال=وطا بقفره يوم سابت أقفوره
زرعآ من الراعي تقافاه الاهمال=وقامت على حبه تناغق طيوره
ماهو شعر هم ومشاكل وغربال=ونفسآ من هموم الليال محشوره
اللي يقوله تقل به جن وهبال=محلقآ دقنه وماشط شعوره
لاقام في يمناه يومي بالمثال=وعبر دروبآ عوج ماهي معبوره
مايستحي لو شاف بالعين عقال=ماهتم بالعيب ورداه وقصوره
ياللي تشوف الناس بالعين جهال=الرجل له قيمه وشيمه وعوره
كل(ن)يقول اني ولد ناسآ أبطال=لو ان نفسه من رداه محروره
عادك بسن الجهل ما انته برجال=وحنا نترفع عن جدال البزوره
خذها على جسمك كما الثوب تفصال =وحلل على أراحه معاني سطوره
ادري لفيت ومثل ماقيل مرسال=لكن خذ مع من خذا قبل دوره
ولو الهواء يصفق صفق حيد وجبال=ولاثر عليها بقوته مع مروره

الموضوع الأصلي: الرجل يعرف في نهار الضروره | | الكاتب: خليف الوهيداني | | المصدر: شبكة بني عبس

[جروح الوقت]

صح لسانك اخوي خليف وتقبل مروري

[خليف الوهيداني]

اقتباس من مشاركة راشد رباح ولـو ماخلـق نـاسـآ خسيـسـآ ونــذال ماصـار بـه بالطيـب نــاس مخـبـوره والـرجـل زيـنـه بالرجـولـه ولافـعـال مـاهـو بالبـسـه والجـمـال وعـطـوره ولاهـــو بـعـلـم ولاثـقـافــه ولامــــال ياللـي تحسـب المرجلـه لـعـب كــوره ونـاسـآ ضعـيـفـه ماتـحـمـل لـلاثـقـال وناسـآ علـى جـور الليـالـي صـبـوره وجيل(ن)فنـا ماشـاف موتـر وجـوال ومـن الحجـر والطـيـن بـنـا قـصـوره وحدن قضى عمره تحت فـي وظـلال وحــدن تغـيـب فــي حيـاتـه ســروره والموت قـاف العمـر لـو العمـر طـال لابـــد مـــن يـومــآ يـجـيـه ويـــزوره ومـارتـآ مـاهـي عـلــى كـــف خـيــال زرعــآ تـوفـا مــن بــدا فــي بـــذوره ومايـدوم ستـر اللـي بالفـعـال دجــال لــو طــال سـتـره بـيــن الله فـجــوره صح لسانك الشاعر الكبير خليف الوهيدانى قصيده جزله من شاعر عرف بالجزاله احترامى

صح بدنك

ومشكور على مرورك

لك احترامي

[نواف العوض]

صح لسانك ابو فيصل قصيده جزله ولاهو غريب الجزل على شاعريتك الفذه

[عاشق الصحراء]

صح لسانك اخوي الشاعر خليف وتقبل مروري

[مرزوق العجوني]

صح لسااانك ياخليف ولا هنت

[ريف النشاما]

خليف الوهيداني

هنا مفترق طرق ... وخليف يكتب الى النخبه وهم قله في هذا الوقت

لكن :-

لي عوده ياخليف وسوف افك مابين السطور لهذه القصيده .

[بنت النور]

صح السانك


اخوى خليف



تحياتى