[سعد الشقل]

شاعر طرطنقي

في محل اهل الوفا ابنا رشيد
استعدو يا جماهير القصيد
وصل شاعر قاسي ن مثل الحديد

كل شي حولي يذكرني بشي

وينكم وينكم ياعبس ياهل العلوم=وصل شاعر يدور شاعر ن من حديد
من تقدم يلد العين صوب النجوم= والصقر لد عينه ناوي انه يصيد

نايف

في محل اهـل الوفـاو الغانميـن
مرحبابك من شمال او مـن يميـن
فيه سيف وفيـه سمـن وسميـن

كل شـي حولـي يذكرنـي بشـي

مرحبا عند عبس اهل الوفا والسلوم=مرحبا باالقريب ومرحبـا باالبعيـد
فيه طير بيطار وفيه طيـر يحـوم=وانت لا تصير صيده تو عامك جديد

شاعر طرطنقي

شاعر المليون فيه وفيه ريب
ولجنة التحكيم مافيها عريب
ما تميز غير يا نايف قريب

كل شي حولي يذكرني بشي

البقى في محل الطيب قوم ن قروم=طيبهم عارفينه كل وقت ن يزيد
شفت ناس ن تطب البحر صعبه تعوم=مقاريد يانايف تراهم مقاريد

نايف

اعرف اللـي كامـل رب العبيـد
والعرب من ضدها تخشى المزيد
لكـن الدكتـور هـذا وش يريـد

كل شي حولـي يذكرنـي بشـي

السماء صافي مافيه عج وغيـوم=لاتطار دبنات الفكر بطن القصيـد
حظك اللي رمابك ماستلمت الرقوم=ليت طفل الحجاره يظهرونه شهيد

شاعر طرطنقي


جايز انك تتفق مع ابو هون
ونت شاعر فاقد ن حاجه ولون
يا زمان البذهله وكثر الضنون

كل شي حولي يذكرني بشي

طير يا طير كان اليوم تقدر تقوم= والهوا لو يهب اليوم طار العنيد
حظنا حظ طيب مايقابل رخوم=وانت طيب ولكن ماش منته سعيد

نايف



ليش تزعل والله اني لـك حبيـب
ياحبيبـي لا تضايـق باالصحيـب
والأمير اللي تسمـا لـك صعيـب

كل شـي حولـي يذكرنـي بشـي

توها ياصحيبي تو فـرك الخشـوم=ثبت شداد ريمه لانويـت الشديـد
حزم اتفك حزمه وحزم جاك محزوم=لا نقفل عليك الدم وسـط الوريـد

شاعر طرطنقي


انت ذيب ن ماجهلنا مستواك
دايم اتسولف وماشي في عماك
مير ياجعل الولي بهديه يهداك

كل شي حولي يذكرني بشي

ماعليه خلاف ن كل ليل ن ويوم=دام انا شاعر امحنك وعندي رصيد
مالفتنا ترانا يم ضعف العزوم=وانت شاعر ولكن مثل غصن الجريد

نايف


وانت ذيب ماسمعنالـه عـوى
يوم نجمك باالسما دوم يهـوى
والرحا قامت تطحـن بالنـوى

كل شي حولي يذكرنـي بشـي

ليلك هموم ويقفاك حر السموم=ادهم الليل يارجال واليوم عيـد
جيتنا ياولد أمير وصرت مخدوم=وحلالا ه يااللي قلتلي مانريـد

شاعر طرطنقي


انتهت يانايف وبكره الوعد
كل يوم ن قدمنا تبشر بعد
راجع الاخبار ياوجه السعد

كل شي حولي يذكرني بشي

قام نايف مـن النكبـه يشـق الهـدوم=استفدو وخذتـو منـي درس ن مفيـد
كيف تبغى الغنايم وانت رجل امهـزوم=وانت شيخ ن وصرت اليوم ضمن العبيد

نايف


من يعـود اعـرف انـه ماشـرد
لايـزيـد الـحـرف ولا يـاولـد
بيتـك اللـي بانيـه بليـا عمـد

كل شـي حولـي يذكرنـي بشـي

قسمنا ياالمشبب من خيار القسـوم=يوم بعض العرب تبحل بمد زهيـد
انته تنزف وعينك ماتشوف السهوم=راحت الأولـه والثانيـه لا تبيـد

الموضوع الأصلي: شاعر طرطنقي × نايف | | الكاتب: سعد الشقل | | المصدر: شبكة بني عبس

[سعد المظيبري]

بيض الله وجهك اخوووووووي سعد الشقل بنقل المحاوره الجميله بين الشاعرين ( شاعر طرطنقي وووو نايف ))


ويعطيك العافيه

وتقبل مرووووررررررر

[شآعر طرطنقي]

اشكر لك التنسيق اخي الكريم سعد الشقل وبيض الله وجهك