[عادل الشويلعي!!]

بسم الله الرحمن الرحيم
السلام عليكم ورحمة الله وبركاته

اخواني انتم عارفين ان الايام هذي فترت مقيض وكل صقار مجتهد في قرنسة صقره
للموسم القادم فتجد بعض الصقارين راضي على ماقدم صقره الموسم الفائة ومتمسك
بصقره وبعضهم زعل على صقره وباعه وشراء غيره وانا ولله الحمد كل سنه ازعل
على صقري وابيعه وسبحان الله ينجح صقري بالكراوين ويفشل بالحباري والسنه هذي
مجهز للحباري ((بتاااع)))) وان شاءالله مايفشل ...الحمدلله نجح بالكراوين وباقي الحباري
الله يلحقنا وانتم على خير فبهذه المناسبه اهدي لكم وبالخص الصقار الكبير ابن شلال
لانه هو الوحيد اللي حضر نجاح صقوري بالكراوين وحضر فشلها بالحباري حسبي الله على بليسه
سبب لي فاسوح...اترككم مع القصيده والصور المتواضعه

[poem=font="Arial,4,black,bold,italic" bkcolor="transparent" bkimage="" border="inset,4,gray" type=2 line=0 align=center use=ex num="0,black""]ياللي تجون ل صاحب الكيف والعرف = ابن الرجال اهل الطناء والفعايل
قولو ل ابن شلال لايبعد الصرف = عنا ترانا ل التحدي نزايل
لاشيف نجم اسهيل يلمع كمالزرف = والبرد جاء له مع نسيمه دلايل
تراني اتحداء من الطرف ل الطرف = جميع من يقنى وحوش الاصايل
اهل الحرار الوافيه بجملة الحرف = علمن على البيضاء ولابه هزايل
ابيك في رجليك تاقف على الشرف = وابيك في عينك تشوف الهوايل
اليا سحبت اللي على صيدته هرف = عدل المناكب هجر زين الخصايل
لاراح يكرف خافقه خلفها كرف = تقول ياستار ويش الصمايل
واليا صملت يغرف لها بالسماء غرف = ماهو من اللي يحب طرد القلايل
تراء الوعد لاقندل اسهيل كالزرف = تعال وفي عينك تشوف الهوايل[/poem]

الموضوع الأصلي: التحدي | | الكاتب: عادل الشويلعي!! | | المصدر: شبكة بني عبس

[ابن شلال]

ههههههههههه فاسووووووح
الله الله صح لسانك ...واعتذر عن الرد شعرياً اخاف اخربها ههه
المهم الوعد قدام والمخرج ملي

[عادل الشويلعي!!]

معذور بس لاتنسى الوعد

[ابن شلال]

ماني ناسيه انت لاتنسى بس دامها كذا شقاك على بحريه *_^ اكبر من طيرك ههه

[عادل الشويلعي!!]

بيض الله وجهك عاداتك جني النوادر

[عايد2001]

صح لسانك ياابو مرزوق
وبيض الله وجهك

[احمد جعفر الرشايده]

الله يعطيك الف عافيه

[عادل الشويلعي!!]

صح بدنك ياعايد ولاهنت