[أبو أرقبه]

اقتباس من مشاركة سعود العرعري ياعمود البيت لولا الذراى يمكن تطيح=غض صوتك وستمع ياعميلى مايلى صك باب يزعج الناس لامن هب ريح=يابكر زعزوع نعرفك مانته بسهلى

خلوووووووووها
مايفك الداب ياصاحبي كثر الفحيح=كل ليله مع فحيحه تجيه مهبلي
انت حمل بظهرك وأكثر حمولك صفيح=لاتزيد البلبله ياصفير البلبلي

[شاعر الصعاليك]

الله الله على الطارووق الكايف

صحت السنتكم شعارنا

[سعود العرعري]

اقتباس من مشاركة أبو أرقبه خلوووووووووها مايفك الداب ياصاحبي كثر الفحيح=كل ليله مع فحيحه تجيه مهبلي انت حمل بظهرك وأكثر حمولك صفيح=لاتزيد البلبله ياصفير البلبلي

ادرى ان الحنحنه بنت عمن للكحيح=ومن نحرناله جمل لايغدينا طلى


من تمادى با السياحه مع افكاره يسيح=ونت لاتقفى عن المو ضع مر وتقبلى

[كاتب الرشيدي]

ههههههههه هالطاروق بالتقسيط المريح ههههه

له ثلاث ايام كل يوم بيت وبكره يجي ابو رقبه ويرد واللي بعده سعود وعلى هالمسحوب ههه
لكن فكره حلوه ههه محاوره بالتقسيط المريح

صحت السنتكم شعار كبار بس ياليت تعطونا محاوره مباشره

[سعود العرعري]

الله لايهبنك يا الكاتب على المرور