[سعد الشقل]

المحيط الهادي

ألا يابو محيا ويـن عبـد البـاري المغـوار=غريب الشكل والصوره ولا أدري ويش خاتمته
أنا مليت من فتح وحمـاس ونشـرة الاخبـار=وأبو مازن تجاعيد السنيـن الجـرد وا سمتـه

ناصر محيا

هلابك مرحبا والصاحب المغوار وسط الدار=لكن اليوم شمسه من صلات الفجر صايمته
تسمع للعجايب وانت خلك حر بين احرار=لايغوونك وبكره تنقري من ضمن قايمته

المحيط الهادي

يدوم الك البقا ياصاحبي لكن وش اللي صار=يقولـون القعيـد غفـل وأنـا ماتوسمتـه
أنا مالي ومال أحزاب في بيروت ياستـار=وأنا لو الجحش يفهم كلامـي كـان علمتـه

ناصر محيا

بليهان ان تركته يعرف الميراد والمصدار=مايسها عن طريق لو ذهوب الهيم هايمته
يبا يفهم لامنك قمت تعطيه الخبر تكرار=ولكن علم السمسار قبل تقوم قايمته

المحيط الهادي

بليهان الجمل قالو قبل عامين كان حوار=خذوه من أمه وناقة عربك اليوم رايمته
أنا يابو محيا لو أخاطب با لكلام حمار=تبي تضحك علي الناس لوجيته وكلمته

ناصر محيا

نسيتم ياعربنا كيف حل الضيف والصبح جار=تجارب هذ الزمن تعطيك درساّ ماتعلمته
تبا تترك يمين الدرب لاهبت عليك ايسار=ونا ماخبر رجل كب درباّ سنع شيمته

المحيط الهادي

بعد هذا الزمان اللي يمجد جيزة المسيار=ترا ماعاد باقي شيخ يزها في عميمتـه
لو الله تو ياناصر مالدت يمك الأنظار=أنا ماخبر رجل طاح في دربي وكرمته

ناصر محيا

ترى ثوبك وسيع ولا بقا الى في حشاك ازرار=وانا مانزل مقفى الضلع لاعديت قادمته
الا ياهل الطبول الي تدق ولاالـ صداه زار=تنكم كل خلق الله الياسمعوه لايمته

المحيط الهادي

عسى ربي يعينك كل ماعديت في سنجار=يابو ثوب قضيف والحونشيـه مخرمتـه
تقوله وأنت ياناصر تحب العود والمزمار=وعلى قوس الربابه منحني والنوم خاصمته

الموضوع الأصلي: المحيط الهادي × ناصر محيا | | الكاتب: سعد الشقل | | المصدر: شبكة بني عبس

[المحيط الهادي]

شكرا أخي سعد الشقل على التنسيق الأكثر من رائع

[ابو بيان]

الاخ سعد اشكرك على تنسيق المحاوره الرائعه وصح اللسان الشعراء وتقبل تحياتي

[ابو براك الرياض]

وبيض الله وجهك