[الوافي 100]

ورجلي اللي على المسيار مزهافه... متى تجى فرصةٍ زينه تصادفها

اتعبت رجلي على الروحه والأنكافه... نوب اعذلها ونوب احرج مواقفها

واعيني اللي شقت شرهه وميلافه... لواعنى العين من فرقى ولايفها

العـــام تـــرعاه مــرباعه ومـصـيافه... واليوم حظ الردى عيا يحالفها

ماودي انشد عنه واقول من شافه... بكرة ملاقيف خلق الله تسولفها

هافي حشى لا مشى يشكي من اردافه... يقصر خطى الرجل ممشاه يكلفها

وعيون ترسل سهوم الموت خطافه... وخدود تفاح شامي يوم اوصفها

يامدمج الساق روحي قرب اتلافه... لو كان كلمت وفاء معروف شايفها

اعطف عليه ترى صبري على الحافه... ولا بلا عشرتٍ مالله بخالفها

الموضوع الأصلي: قصيدة غزليه--للشاعر عبدالحكيم الرشيدي | | الكاتب: الوافي 100 | | المصدر: شبكة بني عبس

[سحايب]

صح الله لســــــــان الشـــاعر
قصيده رائعه
يع*يطك العافيه على النقل
ننتظرالجيد

[عايض حماد بن عريجه]

تسلم على الطرح