[ماجد الذيابي]

فرقا الحبيب اتعب حياتي وروحـي
خلا دموعي من على الخد تجـري
ابكي على فرقـاه لانـه سموحـي
وبكل ذكر(ن) طيب(ن) دوم يطري
ابكي بوسط الليل قبـل السروحـي
ولا توقف دمعتـي قبـل فجـري
كتمت حبه وسط قلبـي وانوحـي
نفد كلامي وانتهـى كـل صبـري
كنت احسب الدمعة تلملم جروحـي
واثارهـا بالهـم والغـم تسـري
كنت المحه من بُعد وارمي طموحي
كنت اتمنا منـه يسمـع بذكـري
ياما من اقصى ديرتي كنت الووحي
واقول باقي باقي الوقـت بـدري
كنت انتظر خيلً تجي لي جموحـي
وارحل لداره واطلبه قبـل غيـري
كنت انتظر يكبر ويبعـد شبوحـي
واعيش باق الوقت واهديه عمري
كنت انتظر يوم شورقً صبوحـي
واهديه من مجمل كلامي وشعـري
كنت انتظر صدرٍ وسيعٍ شروحـي
يظمني ويقول مااامـون غـدري
راح انتظاري وانتهى من وضوحي
وصرت بين الناس لا ابيع واشري
امشي بدربي والمدى لي بروحـي
تاهت حياتي قبلهـا تـاه فكـري
الله واكبر فـي عناقـه صلوحـي
لكـن هـذي حكمـة الله تـبـري
مع الرثاء تبقى لقلبـي نصوحـي
ومع التحية لك سلامـي وشكـري
لا تحسبوني باذكر اسمه وابوحـي
يبقى بوسط القلب يدري وانا ادري

الموضوع الأصلي: قصيده الفرااااااق | | الكاتب: ماجد الذيابي | | المصدر: شبكة بني عبس

[مرزوق العجوني]

صح لسانك ياماجد وتقبل مروري

[ماجد الذيابي]

صح بدنك اخوي مرزوق على المرور الذوق

[ابو جاسم]

صح لسانك تقبل مروري

[ماجد الذيابي]

صح بدنك ابو جاسم وشاكر على المرور

[سهل الجنيني]

صح لسانك ومشكوووووور

[@مروَض الشرَد@]

صح لسانك ياماجد وتقبل تحياتي وعساك عالقوه