[ممدوح العريض]

قصيدة متواضعة واتمنى ان تحوز على رضاكم ...

لاعاد تنشد وش بقى مابقى غير = ذكرى من أيام الليالي الخوالي
الله يذكر هاك الايام بالخير = يسعدك ربي يا زمان مضالي
لوكنت عارف وقتها وش يبي يصير = ما كان دل الهم دربي وجالي
قولي ظروف الوقت !! قولي مقادير = قولي نصيب وما جرالي جرالي
ماجملت وجه الخطايا المعاذير = ولا عاد للأعذار فيها مجالي
خلها على الله ليه احسب المخاسير = ما راح راح وما بقالي بقالي
الحظ مقفي والليالي مدابير = عسى العوض في مقبلات الليالي

شعر : ممدوح العريض

الموضوع الأصلي: المخــــــــــــــاسير | | الكاتب: ممدوح العريض | | المصدر: شبكة بني عبس

[بنت العبسي]

قصيدة في قمة الروعة مصافحة رائعة اخوي

وبإذن الله نراك نجم مع النجوم المضيئة ... صح لسانك ...

[ابو جاسم]

قصيده طيبه من وجه طيب

[%القناص%]

قصيدة حلووة مشكور ويعطيك العافية

[ممدوح العريض]

صحت ابدانكم جميعا ويعطيكم العافية ..

مروركم شرف

[عبدالعزيز الخياري]

خلها على الله ليه احسب المخاسير
ما راح راح ومـا بقالـي بقالـي
الحـظ مقفـي والليالـي مدابيـر
عسى العوض في مقبلات الليالـي

الله الله يابطـــل ابداااااااع لامحدود

ممدوح العريض اسم اراهــن عليه مع كوكبة النجوم

صح الله لسانكـ ملايين

وتقبل تقديري لشخصك الكريم

[مرزوق العجوني]

صح لسانك ياممدوح على الرائعه وتقبل مروري

[العريض]

اقتباس من مشاركة ممدوح العريض قصيدة متواضعة واتمنى ان تحوز على رضاكم ... لاعاد تنشد وش بقى مابقى غير = ذكرى من أيام الليالي الخوالي الله يذكر هاك الايام بالخير = يسعدك ربي يا زمان مضالي لوكنت عارف وقتها وش يبي يصير = ما كان دل الهم دربي وجالي قولي ظروف الوقت !! قولي مقادير = قولي نصيب وما جرالي جرالي ماجملت وجه الخطايا المعاذير = ولا عاد للأعذار فيها مجالي خلها على الله ليه احسب المخاسير = ما راح راح وما بقالي بقالي الحظ مقفي والليالي مدابير = عسى العوض في مقبلات الليالي شعر : ممدوح العريض

لله درك ابو ملاك شهادتي فيك مجروحه

والله انك قمه في كل شئ

تحياتي لك ؛؛؛؛ لك مني كل محبه وتقدير