[ابو براك الرياض]

يا شليوح المطيري على راسـك تحـوم
وحده يا ذيب مـا انـت بسالـم شرهـا
ما ينجيك العصيمـي ولـو أنـه يقـوم
والكبـود السـود لازم تمـوت بحرهـا




شــــلــــيــــويــــح :

شايبٍ راسي من الهوش واهواي السهوم
وان بغيت تجرها مـن زنـودك جرهـا
خابرينك لاوليت العرب ما أنت برحـوم
مير مابـه ناقـةٍ تحتلـب مـن درهـا




مـــــطــــــلــــــق :

لك ثلاث الليال سهران تنظـر بالنجـوم
والنجوم بعيد ماهـي فلـوس تصرهـا
ما بعدها يا لمطيري يقع فرك الخشـوم
يالله الزم بحرهـا قبـل يغـرق برهـا



شــــلــــيــــويـــــح:

يوم أحسب احساب ماني بحاسب للرخوم
والضعيف لو يمر العرب مـا ضرهـا
ما عرفنا يالثبيتـي متـى حظـك يقـوم
والخواجـة جـاب دشداشتـه مازرهـا



مـــــطــــــلــــــق:

ادعج العينين ما هو من الكحل محـروم
مير هـات المكحلـة للعيـون وذرهـا
أنت مالك في مشاكل هل المشرق لزوم
وأنت راع الحره اللي شوتـك بحرهـا


شــــلــــيــــويـــــح



لو يزيد الكحل في عين حانيت الرقـوم
ما يضـر أعيونهـا كـل يـوم يسرهـا
وأنت خليت الشلاوى وغـازي للبقـوم
والشلاوى تكحـل العيـن لـو تمرهـا

الموضوع الأصلي: مطلق الثبيتي وشليويح المطيري | | الكاتب: ابو براك الرياض | | المصدر: شبكة بني عبس

[سعد الفلاح]

أبوبراك مشكور على النقل وتسلم يمينك ولاهنت يلغالي

[ابو براك الرياض]

شكراً لك على المرور

[فهد المويسه]

الله يعطيك العافيه يابو رياض على المحاوره الرائعه

وتقبل سلامي

[ابو براك الرياض]

اقتباس من مشاركة فهد المويسه الله يعطيك العافيه يابو رياض على المحاوره الرائعه وتقبل سلامي

شكراً لك على المرور

[منصور العجوني]

الله يعطيك العافيه يابو رياض على المحاوره الرائعه

وتقبل سلامي

[ابو براك الرياض]

اقتباس من مشاركة منصور العجوني الله يعطيك العافيه يابو رياض على المحاوره الرائعه وتقبل سلامي

شكراً لك على المرور