[سحايب]

[frame="1 80"]
ايام رآحت بي ورآحـت علـى خيـر
مرت على عمـري مـرور"الثوانـي ْ~

ايام كانت غير .. فـي ذمتـي غيـر
احيت يباس عروق ذيـك المحآنـي ْ~

قبل الوداع ., قبـل طـوي المشاويـر
ماكنت احـس بقيمتـه لـو جفانـي ْ~

ويوم افترقنا ..والحزن جانـي امغيـر
عرفت وش معنـى ضيـاع الآمانـي ْ~

ماعاد لك ياحـزن.. حشمـه وتقديـر
من يوم جيت وجبت لي "جرح ثانـي ْ~

وماعاد بيـدي شـي.. دام المقاديـر
وفـت وعدها..وسلبتنـي زمـانـي ْ~

سيلـت بفراقـه دمـوع المعـاذيـر
حتى خشـع مـوج "الغـلآ" للموانـي ْ~

ومديـت للقيـا كفـوف التباشـيـر
ومدت لي الفرقـا كفـوف التهانـي ْ~

ودي آ فضفض بس ويـن التعابيـر؟!
ودي اعبـر بـس ويـن المعانـي؟! ْ~

حاولت ابـرر صمتـي بـأي تبريـر
وعجزت آبرر صمتي اللـي غشانـي ْ~

ياصمتي اللـي مالقـا لـه تفآسيـر
ليـت الـذي وداه.. يمـه خـذانـي ْ~

ياحيله الله وش بقا؟! وش يبي يصير؟!
دام المكـان اليـوم مآهـو مكانـي ْ~

الغيت من بعـده جميـع المحآذيـر
وارخصت عمري دام هالعمـر فانـي ْ~

بعده.. تراها تهون كـل المخاسيـر
يعني وش اكبر من خساره كيانـي؟! ْ~

لو قلـت مآل لبعـده الـيـوم ...تأثـيـر
تفضحني عيوني.. ويكـذب لسانـي ْ~

لكن تركت له هالقصيده علـى خيـر
يمكـن يحـس بضيقتـي .. لاقرانـي ْ~

ممـــا راق لي



[/frame]

الموضوع الأصلي: ماعاد لك ياحـزن.. حشمـه وتقديـر | | الكاتب: سحايب | | المصدر: شبكة بني عبس

[مذكر الرشيدي]

لله درك على الابداع الراقي والنقل المميز


وهذا غير مستغرب عليك


صح لسان قائلها قصيده جزله وجميله

[فضي البراك]

ذوق عالي


لا هنتي يادمعه

[سحايب]

اقتباس من مشاركة مذكر العايضي لله درك على الابداع الراقي والنقل المميز وهذا غير مستغرب عليك صح لسان قائلها قصيده جزله وجميله

صح بدنك ولاهنت اسعدني مرورك
لك خالص شكري

[ناصر الرشيدي]

بعده.. تراها تهون كـل المخاسيـر
يعني وش اكبر من خساره كيانـي؟! ْ~

روعه روعه يا دمعه

راقت لي هالقصيده

[سحايب]

اقتباس من مشاركة فضي البراك ذوق عالي لا هنتي يادمعه

لاشنت اخوي فضي
يعطيك العافيه على المرور

[سحايب]

اقتباس من مشاركة ناصر الرشيدي بعده.. تراها تهون كـل المخاسيـر يعني وش اكبر من خساره كيانـي؟! ْ~ روعه روعه يا دمعه راقت لي هالقصيده

مشكورعلى المرورك ناصر
لاهنت اسعدني تواجدك

[نوماس5]

صح لسآآآآآآآآآآآآآنكــ
بيض
والله وجهك على النقل المميز