[رسام الغروب]

( حـــــيـــاة الـفـــقــر )


ضاقت علّيـا وحيــــــاة الفقر ملعونـــــه

فيها همومي تصبحني وتمسيـــــــني

ضحكة شفاتي نسيت اليوم وشلونــه

وجهي من الحزن لو شفته تعزينــــي

الروح من نكبـــــة الايام مغبــــونــــــه

الله يقـــطــع ظروفن شيبــت فينـــــي

لاجاني الظيف شفت الموت بعيونـــه

طبعي كريم و وقتي كتف ايدينـــــي

اقصــــى طموحن تمنيـــته يقولونــــه

قـــولة ونعميـــن بالدنيا تكفيـــــــني

من خلقتــي مابكيــت الهـم وطعونـه

ولا اذكر بيوم دمعـــه غرقت عينـــــي

مابي يقولــون كان الله في عــونــــه

اصبــر واكابر وعــز النفس مالينــــي

الناس ياكيف ماتسلم من ظنــونـــــه

مهما تسوي لهم حطوبك الشينــــي

هذا زمـــــان يعــــز العفــن ويصونــه

ولا الكريم الصخــي يطوي به البيني

والناس ضمن الزمــن صارو يعزونـــه

يشـــيخ غصب عليهـــم بالملاينــــي

يالله ياعالمـــن بالحــــال وشلونـــــه

تلطف بحالي وترحمني وتعطينــــي

ضاقت ولا فـــيه غيرك نطلبـــه عونــه

تفرج همومــن تصبحني وتمسينــي



منقووول

الموضوع الأصلي: حياة الفقر | | الكاتب: رسام الغروب | | المصدر: شبكة بني عبس

[سحايب]

صح الســان شاعرها
وسلمت يمناك على النقل

[رسام الغروب]

صح بدنك دمعه وعلى مرورك شاكرلك

[مذكر الرشيدي]

رسام الغروب


رائع بكل نقلك وقصيده رائعه صح لسان قائلها وسلمت يداك على النقل

[احمد منيف]

لاجاني الظيف شفت الموت بعيونـــه طبعي كريم و وقتي كتف ايدينـــــي

صح الله لسانك ومشكور ع النــقل :)

[رسام الغروب]

ومن قال يسلم حياكم مذكر واحمد شكرلكم على المرور

[راسبه بالحب]

يعطيك العافيه


لاعدمنا جديدك