[عايض الدمح]

بسم الله الرحمن الرحيم

اهدي لكم هالقصيدة لعلها تحوز على رضاكم
ولكم مني جزيل الشكر

النصح فات ولا يعادل بالأقيام=وأطلب من الله يحفظه في أدراجه
وقت به الناصح يعادونه أقزام=أعقولهم فيها خيوط ولزاجه
ناس(ن) إذا دققت تركيب هندام=هيكل بشر وزودهم باللجاجه
يفرح إذا شافك تحت غبر الأيام=لأنه كسب سلعه على من يواجه
يحط فوق السالفة طن بشمام=والزود قطعها بموس الخواجه
ثم التفت للخلف ما ينظر أمام=وهذي طبيعة وعلم لهل السماجه
ماني لهم صاحب ولا خلقت نمام=لو عشت طول العمر داخل زجاجه
أخير من جلسات وش قال من قام=وتفسير هرج الناس من دون حاجه
والبوم ما يرقى على الحر لو حام=مهما عطاه الوقت ترجع عجاجه
والذيب ما يرضى الاهانه به اعزام=لا شك يخدع فيه راعي أنعاجه
واختامها صلوا على أخر إمام=محمد إلي بالرسالة نواجه

الشاعر / عايض نما الدمح

الموضوع الأصلي: النصح فات ولا يعـادل بالأقيـام | | الكاتب: عايض الدمح | | المصدر: شبكة بني عبس

[يوسف حماد الخياري]

صح لسااانك اخوي عايض على هذه الكلمات الرائعه

[أثير الشوق]

اللهم صل على محمد وعلى آله وصحبه أجمعين

صح لسانك على الرائعه ..موفق ياشاعر وشكرا

[عبدالله معزي]

صح لسانك وعلى شانك
تحياتي

[اشجع]

صح السانك

وعتلى شانك

وننتظر منك المزيد

[سحايب]

ماني لهم صاحب ولا خلقت نمـام

لو عشت طول العمر داخل زجاجه
الله الله عليك قصيده راائعه بحق كل بيت صفق لما قبله اعجاب بمايحمل من معاني ساميه صح السـانك مليون ولايكفون هالنوعيه من الشعرهو مانحتاج اليه في وقت نسي البعض بعض الاساسيات في الحياه وبدلها بما لانفعي منه تقبل مرورر

[مرآهيش]

عليه آفضل الصلآة والسلآم

،

،

صح لسآنك

شآعر مبدع وتكتب بحرفنه ولا يستغرب الابداع من آهله

في أنتظار جديدك ...

[عيد الداموك]

اللهم صلي على محمد وعلى آله وصحبه أجمعين


صح اللسانك على الرائعه