[عنتر زمانه]

اقتباس من مشاركة االعويمري ....اثرك العله اللي يبو موسى مالها دكتور///تشرع سالفه ولاسوالف ماتشرعها ....حقوق الناس شرعيه ليا جا لسوالف دور///هل الطولات يارجال مانجحد صنايعها ............... وصح السانك يابو موسى وشكرا للجميع .......... وتصبحون على خيررررررررررررر

صح السانك وبيض الله وجهك

وبالفعل وصل الى منتهاه الطاروق ماخليتم فيه شئ أنت وأبو موسى

وعزالله انكم وافين ومبدعين

[ابو موسى]

اقتباس من مشاركة االعويمري ....اثرك العله اللي يبو موسى مالها دكتور///تشرع سالفه ولاسوالف ماتشرعها ....حقوق الناس شرعيه ليا جا لسوالف دور///هل الطولات يارجال مانجحد صنايعها ............... وصح السانك يابو موسى وشكرا للجميع .......... وتصبحون على خيررررررررررررر

صح بدنك يا العويمري وتشرفت بالعب معك وتصبح على خير

وشكرا للجميع وشكرا للمشرف المبدع القسوره

والاستاذ عنتر زمانه

[قسورة الغاب]

العويمري

عليك اللوم مني ياخليفةجعفر المنصور//// اثرلوفي يديك ارزاق خلق الله تقطعها

ثلاث سنين يتبعها يبو موسى ثلاث شهور//// وكلمه منك نتركها وكلمه منك نسمعها

ابوو موووسي

عليك ارهى سلامه والجماعه في فرح وسرور \\\\\ سراحين الجبل تنزل على البدو بمرابعها

دواليب الزمان اتدور وانتم طيبكم مخبور \\\\\ وانا مابيك تجلس بين شاريها وبايعها

العويمري

.....نعد النور بس الناس تكره من يعد النور/// مدام الدار باهل الدار ماضاقة شوارعها

.....انا خايف ليا ثقل البحر لايجرف البابور/// ولاعندك عصى موسى على العالم تطوعها

ابوو مووسي

يلوح البرق فوق الديره اللي خدها ممطور \\\\\ وذكر الغيث ما فرق عرب بالعكس يجمعها

انا خوفي من اللي ما يشوف البيرق المنشور \\\\\ رفعت الراس لكن روسكم وشلون ابا ارفعها

العويمري

.....تطير طيور وتوقع على اوكور الطيور طيور//// زمان العولمه كل البشر غير طبايعها

.... ابه علمن حديث وعلم وسط الذاكره محفور/// ولكن يبو موسى رجع البذره الموقعها

ابو موسى

صحيح الجوع كافر والمدينه سور دونه سور \\\\\ لقيت الاوله واخطيت ثالثها ورابعها

انا مع ساقتك واتبعك لا منهي ولا مامور \\\\\ حرار الشيخ ابو عمار طارت في براقعها

العويمري

..... ليا جت للحميه بعذرك لو منته ابمعذور////ولو اشبع قناعة ناس ولا ناس مشبعها

.....ياراع الصوره اللي علقوها في سماء العثمور////ترى ماكل صوره ياابيض الشارب نطالعها

ابوومووسي

على عز ومعزه من عصير السكر المعصور \\\\\ تطيع النفس مير نفوسنا منته بطايعها

رغيب وكبر اللقمه ونشبت داخل الحنجور \\\\\ ولا هي راضيه ترجع وهو وشلون يبلعها

العويمري

... عسى يسقيك همال المطر يالوادي المدهور/// على شان الفياض القاحله تخضر مراتعها

.... صحيح الكحل مايوفي غرض للي عيونه عور//// ولو نشري لها كحل الدلال ولو نلمعها

ابوو موووسي

بعد ما غبت يا مستور جابت عبس لي مستور \\\\\ لو ان الفرق واضح بين معطيها ومانعها

عيونك رمشها لا طاح ما تلقا شوير وشور \\\\\ واخاف تطيح في عينك ولا تقدر تطلعها

العويمري

....اثرك العله اللي يبو موسى مالها دكتور///تشرع سالفه ولاسوالف ماتشرعها

....حقوق الناس شرعيه ليا جا لسوالف دور///هل الطولات يارجال مانجحد صنايعها

الله الله

صح اللسانك يااالعويمري

وصح اللسانك يابوو مووسي وبيض الله وجيهكم

ونشكر جميع من حضر

ولاهنتم

[العدالروي]

شكرا للشعار ابدعوا وامتعوا وقلبوا كثير من الاوراق

باسلوب احترافي ومميز

[العدالروي]

قسورة الغاب

شكرا على هذا الجهد المبذول والتميز من عادتك

انامتابع لكل عوامل التطوير وحريص على ذلك وسعيد بنجاحك يالمشرف قسوره

[صياف]

ياسلام عليكم محاورة ناضجه نموذجية وهي من نوادر الاسبوع

شاعرين يستحقون الاشاده

[سمري]

طاروق زين ومعني مدفون اتمني من جميع لا عضاء كتابة ردودهم وانطباعاتم عن المحاورة

[االعويمري]

ابو موسي تشرفت باللعب معاك ولو انك صدعت راسي من كثر ماتلف وتدور تحياتي لك ولا تحرمنا من تواجدك وابداعتك