[فهد محمد]

محاوره بين راضي القعبوبي و عبدالعزيز الخياري


راضي غالي:

هلا يامرحبا ترحيبة(ن) يحسب لها الف حساب***على وضح النقا ترض الفقارى والغناويه

انا الليله نويت العب وارقص صفها اللعاب***واطلع حضرة المري على جرة حرامية



عبدالعزيز الخياري

يدوم بك ياللي تراحيبك على المحراب *** تراحيبك وفا و مجملة ميتين بالمية

وانا الليله نويت ارضيك بالعجرا وبالمشعاب***ولو يفزع معك فهاد نطلع فيه ماريه



راضي غالي:

لو انك عنتر العبسي وفي يمناك شلفا ذياب***عليكم يالثنين امنزله سلطة سماويه

عليه بالحرام ان كانها خربت مع الاصحاب***ياغير اعطيك مع فهاد خارجية سنويه



عبدالعزيز الخياري:

اذا انك شاعر الشعار بالساحه و بالمرقاب***انا اللي لاحضر يحذفك بين الداب والحيه

لو تهدد وتحلف حلفكم ما يقطع الارقاب***وخارجيتك عممها على كل العزوبية



راضي غالي:

تجنبها تجنبها ولكن مالها مجناب***ثلاث امرار اشوفك في تلفزون السعودية

نبي الله محمد يعرف ان مسيلمه كذاب***وحنا ديننا اختام الديانات السماويه


عبدالعزيز الخياري:

قصيمي والقصيمي لو يربي لحيته نصاب***بعد بكره نشوفه بالجزيره والعربية

الموضوع الأصلي: راضــي غالي - عبدالعـــزيز الخـياري | | الكاتب: فهد محمد | | المصدر: شبكة بني عبس

[الاجهر]

محاورة قوية جدا - صحت السلنة شعرائها
اخي فهد اشكرك على هذا الجهد المميز
تحياتي

[مرشدالمظيبري]

محاوره بين شاعرين كبيرين من اقوىالمحاورات
ونتمى لشبل عبس وابن قعبوب التوفيق

[سهم عبس]

محاورة قوية جدا صحت السلنة شعرائها
اخي فهد اشكرك على هذا الجهد المميز
ولاهنت

[فهد القلادي]

مشكور يا فهد على هذه المحاورة بين شاعرين مميزين

[ناصر الخياري]

تسلم يافهد على النقل..

[بيطار الشعر]

مشكور ولا هنت وتقبل مروري

[غــ زمانك ــرك]

قصيمي والقصيمي لو يربي لحيته نصاب***بعد بكره نشوفه بالجزيره والعربية

صح السانكم
مشكور يابومحمد